ఇంకిపోయిన నదిని లేచిరమ్మని కోరకు

రాలిపోయిన నవ్వులను తిరిగి జీవించమని కోరకు

ఏదో చప్పరిస్తూ..ఏ తీపి మిఠాయినో గుర్తుచేసుకోకు..

బావిలో కదిలే ప్రతిబింబాలను చిత్రించకు

పాత ఉత్తరాలు..చెరిగిన పాదముద్రలు..స్పర్శించకు

తుఫాను గాలికి కూలిన పక్షిగూళ్ళు..చితికిన గుడ్లు

బాధను పాటగా అనువదించకు..

జారేనేల మీద మోపిన పాదం..వారించకు

వేణువులో వాయువు..ఏకాంతం ..భంగం చేయకు

మూసుకొనే సాయంత్ర నేత్రం..తెరువకు

పరచుకొన్న ఛాయలు తవ్వి పెకలించకు

వాయిద్యం కోసం వెదుకకు

నీలో నీవు నర్తించకు