పాఠకుల అభిప్రాయాలు

Total Comments: 16634

  1. వేలూరి వేంకటేశ్వరరావు 1938–2026 గురించి Kondala Rao Palaka అభిప్రాయం:

    02/15/2026 2:04 am

    దాదాపూ ముప్పయ్యేళ్ళుగా soc.culture.indian.telugu వగైరా ఫోరంస్‌లో పరిచయమున్నా, వేలూరి గారిని 2003 లోనే మొదటిసారిగా కలిసేను. పాండిత్యం, సహృదయం, హాస్యం ఆయన ట్రేడ్‌మార్కులు. Diaspora సాహిత్యాన్ని బాగా ప్రోత్సాహించిన వ్యక్తి. నేను వ్రాస్తున్న వ్యాసాన్నొకదాన్ని ఆయనకి చూపిస్తే బాగుంటుంది అనుకుంటుండగానే అశనిపాతం లాంటి ఈ వార్త!

  2. వేలూరి వేంకటేశ్వరరావు 1938–2026 గురించి sarma అభిప్రాయం:

    02/13/2026 10:39 pm

    వేలూరివారి పేరు వినడమే కాని వివరం తెలియదు. వారు కాలగ్రాశీభూతులు కావడం బాధాకరమే. వేవే లని దీర్ఘం తీసివుంటారనుకోను. 🙏🙏🙏

  3. ఎవరికెవరు? గురించి చిట్టత్తూరు మునిగొపాల్ అభిప్రాయం:

    02/13/2026 8:29 am

    కథ మామూలుగా మొదలై ఆశావహ మానవీయ దృక్పథంతో ముగిసింది. అథోజగత్తులో కూడా అసమాన వ్యక్తిత్వం అప్పుడప్పుడూ తన ఉనికి చాటుకుంటుందని నిరూపించబడింది. రచయితకు అభినందనలు.

  4. ఎవరికెవరు? గురించి సురేష్ పిళ్లె అభిప్రాయం:

    02/13/2026 1:50 am

    కామెంట్లు పెట్టిన వారికి నమస్తే.

    కథ చదివినందుకు కృతజ్ఞతలు.

    సాధారణంగా మిత్రులకు షేర్ చేసుకోవడం ‘బాగుంద’నే ప్రతిస్పందన తప్ప మరొకటి రాదు. గ్రూపుల్లో షేర్ చేస్తే ఎమోజీలే వస్తుంటాయి. ఈమాటలో ప్రచురితమైన కథను మీరు సావధానంగా చదివి.. అభిప్రాయాలు చెప్పడం, చర్చించడం చాలా సంతోషం. లోపాలుగా మీరు చెప్పిన అంశాలను దృష్టిలో పెట్టుకుని.. నేను కూడా కథను మళ్లీ తూకం వేసుకునే ప్రయత్నం చేస్తాను. నా బుద్ధి అనుమతించినంత మేర దిద్దుకుంటాను.
    థాంక్యూ

    @పల్లె దేవప్రియం
    నా పాతకథల్లో ముగింపు ఎప్పుడైనా మీకు నచ్చి ఉండవచ్చునేమో. అందుకే అలాంటి వ్యాఖ్య చేశారు. ఒకవేళ అలా మీకు ఏవైనా నచ్చిఉన్నా కూడా అందులో కూడా నా ప్రతిభగానీ, అనుభవంగానీ ఏమీ లేదు. కేవలం కథ అలా నాతో రాయించుకుని ఉంటుందంతే.

    @తాడిగడప శ్యామలరావు
    కథ రాయడంలో నాకేమీ శాస్త్రీయ శిక్షణ లేదు. కథ- స్కెచ్ వంటి వాటిని వింగడించగల నేర్పు లేదు. ఆయా రూపాల లక్షణాలు, నిర్మాణ తీరులు తెలియవు. అందువల్ల, మీ అభిప్రాయం ప్రకారం, కథే కాని దానిని ఆ కోవలో మీరు చదవాల్సి వచ్చింది. సారీ.

  5. వేలూరి వేంకటేశ్వరరావు 1938–2026 గురించి వంగూరి చిట్టెన్ రాజు అభిప్రాయం:

    02/12/2026 4:07 pm

    వేలూరి గారి నిర్యాణం బాధాకరం.
    1998 లో మేము ప్రచురించిన వేలూరి వెంకటేశ్వర రావు గారి మొట్టమొదటి కథా సంపుటి ‘మెటమార్ఫసిస్’
    ( డా. వెల్చేరు నారాయణ రావు గారి ముందు మాట, 15 కథలు) అందుబాటులో ఉంది. ఆసక్తి ఉన్న వారు నన్ను సంప్రదిస్తే ఉచితంగా PDF ప్రతి పంపించగలను.

    భవదీయుడు,

    వంగూరి చిట్టెన్ రాజు
    వంగూరి ఫౌండేషన్ ఆఫ్ అమెరికా
    వాట్సప్: 1 832 594 9054
    ఇమైల్: vangurioundation@gmail.com

  6. వేలూరి వేంకటేశ్వరరావు 1938–2026 గురించి Rao Vemuri అభిప్రాయం:

    02/12/2026 2:42 pm

    వేలూరి గారితో ఏనాటి పరిచయం! తెలుగు భాషా పత్రిక స్థాపించిన కొత్త రోజులలో నేను శ్రీ పెమ్మరాజు వేణుగోపాలరావు గారింటికి వెళ్లినప్పుడు వారింటి వీధిగుమ్మంలో వేలూరిగారిని మొదటిసారి కలుసుకున్నాను! అప్పుడు తలనిండా నల్లటి జుత్తుతో ఉన్నారు. ఆయన రాసిన మెటమార్ఫసిస్ కథ ఎన్నిసార్లు చదివేనో! ఆయన ఇక మన మధ్య లేరంటే నమ్మలేకపోతున్నాను.
    మనమిద్దరమూ వేవే లమే అని, ఆయన నాతో తరచు అంటూ ఉండేవారు. – వేవే

  7. పాట-మాట-1: జనం మెచ్చిన జాంపండు – మన వంగపండు గురించి Reddi raamakrishna అభిప్రాయం:

    02/11/2026 7:39 am

    మొయిద శ్రీనివాసరావు గారు, మరియు రమేష్ గారూ మీ స్పందనకు ధన్యవాదాలు

  8. నీ ఏకాంతం గురించి B V V Prasad అభిప్రాయం:

    02/11/2026 6:16 am

    మనుషుల పలకరింపులు లేని ఏకాంతంలో ఒకరు తనలో తాను మునుగుతూ, తన అనుభవంలోని ప్రపంచం పట్ల ప్రేమలోకి మేలుకోవటాన్ని కవి వర్ణించాడనుకుంటానండి.

    మీకు ఇతని కొన్ని కవితలు నచ్చాయని తెలిసినందుకు సంతోషంగా ఉంది. ధన్యవాదాలు.

  9. వేలూరి వేంకటేశ్వరరావు 1938–2026 గురించి విన్నకోట రవిశంకర్ అభిప్రాయం:

    02/09/2026 10:15 pm

    విశేషమైన పాండిత్యం, విస్తృతమైన పరిచయాలు, సంభాషణా చాతుర్యం, వ్యంగ్య వైభవం వంటి వాటితో కూడిన వేలూరి గారి వ్యక్తిత్వం ఎవరినైనా ఇట్టే ఆకర్షిస్తుంది. సాహిత్యం, కళలు, రాజకీయాలు ఇలా ఏ అంశాలపైనైనా సాధికారంగా మాట్లాడగలిగే సామర్థ్యం ఆయన సొంతం కావడంతో, ఆయనతో మాట్లాడిన ప్రతిసారీ ఏవో కొన్ని కొత్త విషయాలు తెలుస్తాయి. ఆయన రాసిన అనేక వ్యాసాలు, సమీక్షలలో సైతం ఈ సాధికారత స్పష్టంగా కనిపిస్తుంది. 2000 సంవత్సరంలో చికాగోలో వంగూరి ఫౌండేషన్ వారు నిర్వహించిన సాహితీ సదస్సులో మొదటి సారిగా ఆయనను కలుసుకున్నాను. ఆ తరువాతి కాలంలో ఆయన అట్లాంటాకి మారాక, ఎన్నోసార్లు వారి ఇంటికి వెళ్ళటం జరిగింది. అంపశయ్య నవీన్, వి.ఆర్. విద్యార్థి, యదుకుల భూషణ్ కొలంబియా వచ్చినప్పుడు అంతా కలిసి అట్లాంటా వెళ్ళి ఒక రాత్రి వేలూరి గారి ఆతిథ్యంలో గడిపాము. ఏ విషయంలోనైనా నిర్మొహమాటంగా మాట్లాడటమేగాని, నీళ్ళు నమలటం ఆయనకు నచ్చదు. అదే సమయంలో ఏ వయసు వారితోనైనా ఆప్యాయంగా మాట్లాడటం, నలుగురితో ఉన్నప్పుడు సరదాగా కబుర్లు చెబుతూ ఎంగేజ్ చెయ్యటం ఆయన మృదు హృదయాన్ని తెలియజేస్తుంది. నేను అడగకుండానే నా మొదటి మూడు పుస్తకాలలోని కవితల మీద సమగ్రమైన సమీక్ష ఈమాట లోనే రాశారు. వేలూరి గారే ఒకసారి నాతో అన్నట్టు గుర్తు “కొంతమంది ప్రత్యేకత ఏమిటంటే వారిని ఎవరూ రీప్లేస్ చెయ్యలేరు. ఒక ఆరుద్ర పోతే మరొక ఆరుద్ర దొరకడు.” అని. ఈమాట ఆయనకు కూడా వర్తిస్తుంది. అమెరికాలో ఉన్న సాహితీ మిత్రులందరూ ఆయనను తప్పక మిస్ అవుతారు.

    విన్నకోట రవిశంకర్

  10. నాకు జీవితాన్ని ఇచ్చిన కవి బైరాగి గురించి Buchireddy. Gangula అభిప్రాయం:

    02/09/2026 6:47 pm

    Byragi -patanjali – garlanu. Telugu sahithi lokam. Anthaga
    Gurthinchaledhu — that is true