పాఠకుల అభిప్రాయాలు

Total Comments: 16634

  1. సెక్యులరిజం ముసుగులో కమ్యూనలిజం గురించి Lakshmi అభిప్రాయం:

    04/05/2025 9:39 pm

    తాడిగడప శ్యామలరావు గారు చెప్పినట్లు,
    తెలుగు సాహిత్యానికి చరిత్ర, తత్వ శాస్త్రం , థియాలజీ లాంటి సంక్లిష్ట విషయాలతో ఏమిటి సంబంధం?
    మాధవ్ గారు చెప్పినట్లు తెలుగులో సాహిత్యవిమర్శయే తక్కువ కదా? అలాంటపుడు ఇంక ఇవన్నీ ఎందుకు?
    తాడిగడప శ్యామలరావు గారికి ధన్యవాదాలు

  2. కాలగర్భ గురించి Vojjala Sharath Babu అభిప్రాయం:

    04/05/2025 1:28 pm

    నాసదీయ కాల గర్భం గర్భాంతరంగంగానే భావగర్భ రహస్యాంతికంగా బాగుంది. గుమ్మన్న గారి వేణు మాధవ శర్మ గారికి శుభాభినందనలు.

  3. కంప్యూటర్ చిప్ కథ – 1: మసకబారిన ఎడిసన్ విద్యుద్దీపం గురించి గుమ్మడిదల రంగారావు అభిప్రాయం:

    04/05/2025 12:36 pm

    హనుమంతరావు గారి వ్యాసం ఆద్యంతం ఆసక్తికరంగా సాగింది. అసలు ఇది వ్యాసంలా లేదు. రచయిత మన ముందు కూర్చుని మన కళ్లలోకి చూస్తూ చేసిన ఉపన్యాసంలా సాగిన conversational style narrative పాఠకులను ఆకట్టుకునేలా బాగుంది. మొదటి పేరా చూశాక గదికి సరిపోయే కంప్యూటర్ మొదలు నేడు అన్నం తినే కంచం అంత జాగాలో ఇమిడే ల్యాప్ టాప్ వరకు జరిగిన పరిణామ క్రమం గురించి చెబుతారని అనిపించింది. కానీ, ఇది వ్యాస పరంపర అంటున్నారు గనక కంప్యూటర్ పరిణామ క్రమం గురించి మరొక వ్యాసంలో చెబుతారని ఆశిస్తున్నాను. అయితే ఎలక్ట్రిక్ బల్బ్ కనిపెట్టక మునుపు ఎడిసన్ ఏ దీపపు కాంతిలో ప్రయోగాలు చేశారో చెబితే బాగుండేది అనిపించింది. ఈ వాక్యం చదువుతుంటే ప్రముఖ కథా రచయిత, మా గురువుగారు కీ శే పెద్దిబొట్ల సుబ్బరామయ్య గారు గుర్తుకొచ్చారు. మనం అనునిత్యం వాడే బల్బు కాంతిలో మనకి కనిపించని అనేక విషయాలు తెలిపిన హనుమంతరావు గారికి అభినందనలు.

  4. మౌనంబంతట మాటలాడె… గురించి కామేశ్వరరావు అభిప్రాయం:

    04/04/2025 11:34 am

    నమస్తే వాసుగారు,
    Thank you. లేదండి, మొత్తం వాల్మీకి రామాయణం నాకు సాధ్యం కాదు. వీలైనప్పుడు కొన్ని కొన్ని భాగాలను, సన్నివేశాలను మాత్రం ప్రయత్నిస్తున్నాను.

  5. సెక్యులరిజం ముసుగులో కమ్యూనలిజం గురించి తాడిగడప శ్యామలరావు అభిప్రాయం:

    04/04/2025 11:28 am

    ఈమాట ఒక సాహిత్యానికి సంబంధించిన పత్రిక అనుకుంటున్నాను.

    ఈవ్యాసం చదివిన తరువాత కొంచెం అనుమానం కలుగుతోంది.

    నేను పొరబడ్డానా? ఈమాట సాహిత్యపత్రిక (మాత్రమే) కాదా? లబ్ధప్రతిష్ఠులు ఏమి వ్రాసినా ఈమాటలో తప్పక ఆమోదించబడుతుందా?

  6. వేలూరిగారితో ఒక సంభాషణ గురించి కొడవళ్ళ హనుమంతరావు అభిప్రాయం:

    04/04/2025 12:50 am

    శర్మ గారి ఉదంతం సరదాగా ఉంది. ‘అది [శంకరాభరణం] సంగీతపరమైనది. మీకు అవసరమా?’ అంటే నాకీ చలసాని రచన గుర్తొచ్చింది:

    ఏడాదిన్నర క్రితం, అమెరికాలో పర్యటిస్తుండగా…!

    వాషింగ్టన్ లోని మా ‘హోస్టు’ల ఇంట్లో నేనదివరకే చూసేసి, మళ్ళీ చూడాలనుకుంటున్న ఇంగ్లీషు సినిమాల వీడియో కాసెట్లనేకం కనిపించేయి.

    వాటిల్లోనుంచి నాకు మరీ ఇష్టమైన నాలుగింటిని ఎన్నిక చేసేను. వాటిల్లో ఓ కాసెట్ మా ఆవిడకు చూపించి అడిగేను. “మూడు నాలుగ్గంటలు పడుతుందీ సినిమా! అద్భుతంగా ఉంటుంది గానీ, చూసే ఓపిక ఉందా?” అని అప్పుడు రాత్రి తొమ్మిది గంటలు! మేమిద్దరం పగలంతా మ్యూజియంలు, ఆర్టు గ్యాలరీలు చూసి, చూసి, నడిచి, నడిచి అలసిపోయున్నాం.

    “చూద్దాం! కానీ, పేరుని బట్టి చూస్తే ఇదేదో “మ్యూజిక్” సిన్మాలా ఉందే. మరి మీరు…?” అని సందేహించిందావిడ.

    “అవును! నేనీ సిన్మా ముప్పయేళ్ళ క్రిందటనుకుంటా, మొదటిసారిగా హైదరాబాదులో చూశాను. అప్పటికే నాకు బ్రహ్మచెవుడు గదా! అదే సినిమాను మళ్ళీ ఇప్పుడు చూడాలంకుంటున్నానంటే… వింటూ నువ్వింకెంతగా ఎంజాయ్ చేయగలవో గదా!” అని కాసెట్ ను విసిఆర్ లో కెక్కించాను.

    నాకే ఆశ్చర్యం కలిగేలా… సుదీర్ఘమైన ఆ సినిమా పూర్తయేదాకా ఆవిడ లేవలేదు, కదల్లేదు!

    “చాలా చాలా బాగుందండీ! ఇదింత బాగుంటుందని మీకెలా తెలిసిందీ?” అని ఆశ్చర్యపోయిందామె మరే ప్రపంచం నుండో ఈ బాహ్య ప్రపంచంలోకి వచ్చిపడిన దానిలా!

    “నీవు చెవులతో వింటావు! నేను కళ్ళతో వింటాను” అన్నాన్నేను.

    ఆ సినిమ పేరు “సౌండ్ ఆఫ్ మ్యూజిక్!”

    కథ, కథనం, నటన, సంగీతం, పాటలు, ఛాయాగ్రహణం, లొకేషన్లు, అన్నీ అందంగా కలగలసిపోయిన అపురూప చిత్రమది. అక్షరాలా కళాఖండం!

    ఆనాడు నన్నంతగా ఆకట్టుకున్నదా కళాత్మకతే! ఆంగ్ల చిత్రాల పట్ల అంతగా ఆసక్తి చూపని మా ఆవిడను సంభ్రమంలో ముంచి తదాత్మ్యతకు లోను చేసిందీ ఆ కళాత్మకతే!

    అదీ కళ! కళ అంటే అది!

    — “వాళ్ళు…,” కబుర్లు, ఈనాడు, 9-4-1997, “రసన,” చలసాని ప్రసాదరావు.

    వేలూరి గారు, “సంజీవదేవ్‌కి రంగులు తెలియవు,” అంటే మనసు చివుక్కుమంది. చిత్రకళ గురించి నాకేమీ తెలియదు కనుక మిన్నకుంటాను. ముగించే ముందు, సంజీవదేవ్ మొదటి పుస్తకం, “రసరేఖలు.” దాని ఎడిటింగ్ లో నార్ల చిరంజీవికి సహకరించిన ఇరవై రెండేళ్ల కుర్రాడు, ఫైన్ ఆర్ట్స్ కాలేజీలో చిత్రకళా విద్యార్థి తనేనంటూ, చలసాని, “అది 1963 ఏప్రిల్ నాటికి తెలుగులో చిత్రకళకు సంబంధించిన ఏకైక గ్రంథం,” అన్నారు.

    కొడవళ్ళ హనుమంతరావు

  7. సెక్యులరిజం ముసుగులో కమ్యూనలిజం గురించి Lakshmi అభిప్రాయం:

    04/04/2025 12:13 am

    హిందుత్వ నియంతృత్వ పోకడలు కలిగినది, నియంతృత్వం తో కూడినది అని వ్యాసకర్త రాణి శివ శంకర శర్మ అభిప్రాయం అని ఈ వ్యాసం చదివినపుడు నాకు తోచింది. ఈ అభిప్రాయంతో బొల్లోజు బాబా విభేదిస్తున్నారు. నేను కూడా బాబా గారితో ఏకీభవిస్తున్నాను. బాబా గారు చెప్పినట్లు హిందుత్వ సహన శీలమైనది, ప్రపంచంలోకెల్లా గొప్పది. ఇటీవలే రామాలయాన్ని నిర్మించుకొని మనం హిందుత్వను పునరుద్ధరించుకున్నాం. బొల్లోజు బాబా గారికి ధన్యవాదాలు.

  8. అగాధ జలనిధిలో అదృశ్యమైన విజ్ఞానధనీ, స్నేహశీలీ – జిమ్ గ్రే గురించి Ramesh అభిప్రాయం:

    04/03/2025 12:54 pm

    నాకు జిమ్ గ్రే గురించి ఏమీ తెలియదు కానీ ఒక మహానుభావుడి గురించి మీ ద్వారా తెలుసుకునే భాగ్యం మీ ద్వారా కలిగింది, ధన్యవాదాలు.

  9. కంప్యూటర్ చిప్ కథ – 1: మసకబారిన ఎడిసన్ విద్యుద్దీపం గురించి Ramesh అభిప్రాయం:

    04/03/2025 12:32 pm

    చక్కటి విషయాలు చెప్పారు, ధన్యవాదాలు

  10. ఎవరెస్ట్ బేస్ కాంప్ – 6 గురించి Ramesh అభిప్రాయం:

    04/03/2025 10:25 am

    మీ ఎవరెస్ట్ యాత్ర చాలా అద్భుతంగా వుందండి. ఆ దేవదేవుడు మీకు ఆయురారోగ్యాలు ఇచ్చుగాక. మీ మరిన్ని యాత్రలు మాతో పంచుకోగలగాలి, నమస్కారం.