ఇక ఏదోక రోజు ముగించాల్సిందే
పగటివెలుగు సన్నగిల్లుతోంది
ఇక గాయపరచాల్సింది
-రాత్రే.
తియ్యని రాత్రి, నమ్మదగని
అసంగతం కాని రాత్రి
ఆకాశంలో చంద్రుడు
నిండుకున్నాడు.
రెండ్రోజులుగా
కొండల్లాంటి నా భుజాలపై చీకటి.
మనం పైకి లేచినప్పుడు
ఎవరూ చప్పట్లు కొట్టరు, ఆమెతో సహా.
కానీ, ముళ్ళను శరీరం నుంచి వేరు చేయడానికి
అందరూ తలో చేయీ వేస్తారు.
కనిపించని రాతి గుండ్లకింద
నక్షత్రాల ఎగ ఊపిరి
జీవన ప్రవాహంలో
కాంతి సంవత్సరాలు నునుపుదేరి
ప్రకాశిస్తాయి.
రచయిత దేశరాజు గురించి:
సుప్రసిద్ధ కవి, రచయిత, జర్నలిస్టు దేశరాజు ఆధునిక జీవితంలోని వైరుధ్యాలను, మనుషుల జీవన శైలిని, విషాదాలను తన రచనల్లో సరళంగా, మనసుకు హత్తుకునే శైలిలో వ్యక్తీకరిస్తారు. 18 కథలతో కూడిన “బ్రేకింగ్ న్యూస్” ద్వారా మంచి కథకుడిగా గుర్తింపు పొందారు.”దుర్గాపురం రోడ్” నవలతో సహా కొన్ని ఇతర కవితా సంపుటాలు కూడా వెలువరించారు.
... పూర్తిగా »