Comment navigation

15872

« 1 ... 1018 1019 1020 1021 1022 ... 1588 »

1. మన సంస్థలు – మన సంస్కృతి గురించి rama bharadwaj గారి అభిప్రాయం:

   11/02/2011 2:56 pm

   మరెందుకోగానీ వేలూరి వేంకటేశ్వర రావు గారూ !! మీ నిర్మొహమాటమ్ కొన్ని అంశాలకే పరిమితమైపోతోంది సుమా !! వట్టి రాజకీయనాయకులేనా వారిని కాసేపు అటుంచుదాం!! సాహిత్యం పేర విమర్శకులన్న హోదాలో ఎడాపెడా ముందుమాటలూ లేదా “చివరి మాటలూ” రాసే వాళ్ళూ.. అర్హత తో సంబంధమ్ లేకుండానే అకాడమీలనించో వ్యక్తుల ద్వారానో పైరవీలు చేసుకుని చేయిచుకుని “అవార్డులు” సంపాదించుకుంటున్నవాళ్ళూ.. ..సదరు విమర్శకుల అండదండలతో రాత్రికి రాత్రే కవులుగా అవతారం ఎత్తుతున్నవాళ్ళూ..”రాజు గారూ.. దేవతా వస్త్రాలూ” కధలో లాగా అన్నీ తెలిసినా ఏమీ అనకుండా ..చోద్యం చూసేవాళ్ళూ ..పత్రికలని అడ్డు పెట్టుకుని సొంత గుంపులని తయారు చేసుకుని ..వారి చేత తమ డబ్బా వాయింపించుకునే వాళ్ళూ..పార్టీలు ఫిరాయించే వాళ్ళూ..ఇవాళ ఒకచోట చెప్పిన అభిప్రాయాల్ని మళ్ళి మరొక చోట మాత మార్చి మాయ చేసేవారూ… వీళ్ళందరూ ఈ రాజకీయ నాయకుల కన్నా ఏ రకంగా భిన్నమైన వారూ.. గొప్ప వారూ కాగలరో మరి నాకైతే అర్ధం కాలేదు. మీకేమన్నా తెలిస్తే చెప్పండీ. రాజకీయనాయకులకి ఎక్కడ ఏం మాట్లాడినా తమ దైన ఒక స్వప్రయోజనం ఉంటుంది. సాహిత్యంలోనూ ఇన్ని రాజకీయాలు చేసే ఇటువంటి వారికీ ఏవో కొన్ని ప్రయోజనాలు ఉండే ఉండాలి కదా?? ” సాంస్కౄతిక తిరోగమన రధానికి” ” గుర్రాల్లా” ఉన్న ఇటువంటి వారి వలన
   కూడ అంతే నస్టమ్ జరగడమ్ లెదా?? ఇది ఎవరికీ అసలు ఇబ్బందిగానే అన్పించడమ్ లేదా?? పైగా వీరు ఆ రాజకీయనాయకులి కన్నా బాగా చదువుకున్న వారూ.. బయటికి “మర్యాదస్తులు”.

   ఒకరు ఒకలాంటి సంస్కౄతీ హీనతకి నడుం కడుతూంటే..ఈ తరహా వారు మరొక పధ్ధతిలో ఆ పనే నిర్భయగా చెస్తున్నారు. మొదటి వారు బయటికి కనిపిస్తారు. వారిని విమర్శించడం తేలిక కూడాను. కానీ మన మధ్యనే ఉంటూ మనకళ్ళకే పొరలు కప్పే ఈ రెండో తరహా వ్యక్తుల రాజకీయాలు్ అంతకన్నా చికాకైనవీ ..ప్రమాదమైనవీను.

2. పలుకుబడి: సంఖ్యాపదాలు – 3 గురించి Raja Piduri గారి అభిప్రాయం:

   11/02/2011 2:25 pm

   సురేష్ గారూ, మీ వ్యాసాలు చాలా ఉపయోగకరంగా ఉన్నాయి. బూదరాజు రాధాకృష్ణ గారి వ్యావహారిక భాషా వికాసం అన్న పుస్తకం లోని ఈ వాక్యాల గురించి కొంచెం వ్యాఖ్యానించగలరా?

   “భాష అనేది అత్యంత విస్తృతార్థం లోనూ, అతి సంకుచితార్థంలోనూ వాడుకలో ఉన్న శబ్దం. అది ఎలా ఏర్పడ్డా, మొదట ధాతు దశలో ఉండి, పద దశకు వచ్చి చివరికి వాక్య దశకు పరిణమించిందనుకోవడం అపోహ.మనకు తెలిసినప్పటినుంచీ ప్రపంచంలోని ఏ భాష అయినా అనేక వాక్యాల సమాహారంగానే ఉంది గాని దానికి కేవల ధాతు దశ ఏనాడూ లేదు. భాషా స్వరూప స్వభావాలను గురించి మానవ విజ్ఞానంపెరిగిన తరవాత అర్థ స్ఫురణ లో ధ్వని సంఘటనలో ఉన్న సామీప్య సాదృశ్యాలను బట్టి వ్యాకర్తలు కొన్ని మాటల సమూహం ఏదో ఒక కల్పితమైన ధాతువు నించి ఏర్పడిందని లాఘవం కోసం నిర్ణయించుకున్నారు. మంజూష లోని ప్రకృతి ప్రత్యయ విభాగౌ కేవలం కాల్పనికౌ అన్న వాక్యానికి ఇదే అర్థం. ” (జూన్99 ముద్రణ – పుట 103).

   మీరు ప్రస్తుతం రాస్తున్న విషయాలకూ దీనికి సంబంధం లేదనుకుంటే వదిలేయండి. కానీ ఈ వాక్యాల మీద మీరు వ్యాఖ్యానిస్తే ఈ వ్యాసాలని అర్థం చేసుకునే విధానం (పర్స్పెక్టివ్ లేదా ఫ్రేమ్ వర్క్) మరింత మెరుగు పడుతుందని నా ఊహ.

   ఇంత శ్రమ తీసుకుని, ఎంతో చక్కటి వ్యాసాలని అందిస్తున్నందుకు కృతజ్ఞతలు. రాజా పిడూరి.

3. దృశ్య సంస్కృతి: సినిమా పోస్టర్లు గురించి మోహన గారి అభిప్రాయం:

   11/02/2011 11:03 am

   DBRగారు, మీకు ఒక వ్యాసము నచ్చితే దానిని గురించి మీ అభిప్రాయాలు పాఠకుడిగా వ్రాయడము అభినందనీయమే. అయితే మీకు ఒక(రి) వ్యాసము నచ్చకపోతే ఆ వ్యాసము ఎందుకు నచ్చలేదో, అందులో ఏ విషయాలు నిజమో, ఏవి పుక్కిటి పురాణాలో అనే సంగతి నిర్భయముగా ఆ వ్యాసము పైన అభిప్రాయముగా తెలిపితే బాగుంటుంది. మరొక వ్యాసములో ఈ వ్యాసపు రచయితను గురించి గుమ్మడికాయల హింటు ఇవ్వడము సబబు కాదు. వ్యాసపు వాసిని తూకము వేసే బాధ్యత ఈమాట సంపాదకులది, పీర్ రెవ్యూయరులది మాత్రమే కదా? వాసిలేని వ్యాసాన్ని ప్రచురించి ఈమాట వాసిని తమకు తామే తక్కువ చేసికొన్నారంటారా ఈమాట సంపాదకులు, చెప్పండి. విధేయుడు – మోహన

4. దృశ్య సంస్కృతి: సినిమా పోస్టర్లు గురించి Rohiniprasad గారి అభిప్రాయం:

   11/02/2011 10:33 am

   నా టీనేజ్‌లో కొనుక్కున్న హిందీ సినిమా పాటల పుస్తకాలు ఇప్పటికీ నాదగ్గరున్నాయి. అవి చూస్తే నిజంగానే archival material అనిపిస్తాయి. కినిమా సంచికలలోని సినిమా ప్రకటనలూ, కొన్ని స్టిల్ ఫోటోలూ కూడా అంతే.

   ఇలాంటి వ్యాసాలు కమర్షియల్ పత్రికల్లో చూసే అవకాశం తెలుగువారికి ఉండదు. హిందూ పత్రికలో మాత్రం వారానికొకటి చొప్పున పాత సినిమాల గురించిన పరిచయవ్యాసాలు అచ్చవుతున్నాయి. రావి కొండలరావు పాతబంగారం పేరుతో ఈనాడు శుక్రవారం ఎడిషన్‌లో కొంత సమాచారం అందిస్తున్నారు.

5. తెలుగు లలిత సంగీతంలో “రజనీ” గంధం గురించి Sowmya గారి అభిప్రాయం:

   11/02/2011 8:40 am

   ఇదివరలో రోహిణీప్రసాద్ గారు రాసిన వ్యాసం చదివాను కానీ, ఇంకో వ్యాసం ఉందని గమనించలేదు. మీరు అందించిన సమాచారానికి ధన్యవాదాలు.

6. ఒక (అ)నాగరిక ఆనందం గురించి vjrao గారి అభిప్రాయం:

   11/02/2011 6:31 am

   Simply great, Garimella garu.

7. కినిమా మాసపత్రిక: హాస్యనటుల అనుభవాలు గురించి Sowmya గారి అభిప్రాయం:

   11/02/2011 4:51 am

   బాగుందండీ. అందించినందుకు ధన్యవాదాలు.

8. దృశ్య సంస్కృతి: సినిమా పోస్టర్లు గురించి Sowmya గారి అభిప్రాయం:

   11/02/2011 4:43 am

   నేను పాత చందమామలు చదవడం మొదలుపెట్టాక వాటిల్లో ఉండే సినిమా అడ్వర్టైజ్మెట్లు చూడ్డం, పోస్టర్లు గమనించడం ఆ మధ్య కాలంలో నాకో వ్యసనమై పోయింది. కానీ, ఇలా పోస్టర్ల అధ్యయనం కూడా చేయవచ్చన్నమాట ఇప్పుడే తెలుసుకున్నాను. మీ వ్యాసానికి, అందులో అందించిన రిఫరెన్సులకీ ధన్యవాదాలు.

9. మూడు వందల రామాయణాలు గురించి Sowmya గారి అభిప్రాయం:

   11/02/2011 4:37 am

   ఇందులో అంత వివాదాస్పదం కావాల్సిన విషయం ఏముందో అర్థం కాలేదు వ్యాసం మొత్తం చదివాక.

   మీ అనువాదం చాలా సరళంగా ఉంది.

   అన్నట్లు, ఆరుద్ర రాసిన పుస్తకం చదివితే వీళ్ళంతా ఏమంటారో మరి!! 🙂

10. ఒక (అ)నాగరిక ఆనందం గురించి Sowmya గారి అభిప్రాయం:

    11/02/2011 4:09 am

    బాగుందండీ!

« 1 ... 1018 1019 1020 1021 1022 ... 1588 »