ఎవరైన ద్వారము ఇవాళ తెరువరా?
నివారించలేను,
సవారి గుర్రముసకిలించె నురగతో!!
ఏ వాలు కెరటమో;తెరచాప కదిలెను.
చేవ్రాలు చేయలేను!
ఎవరైన ద్వారము ఇవాళ తెరువరా?
నివారించలేను,
చివాలున లేచెనుచిరకాల శత్రువు!!
ఏ వేడి కిరణమో;ఏకాకి పక్షి అరిచెను.
చేవ్రాలు చేయలేను!
దివాంధమా!దివాంధమా!
నీవైన దీవించవే,
ఏ వాయు తెమ్మెరో;జేగంట మ్రోగెను.
వివాదమా వినోదమా?!
శవాన్ని కాను నేను!!
ఎవరైన ద్వారము ఇవాళ తెరువరా?
నివారించలేను,
ఈ వరద వేగము;సుడులతో రేగెను!!
ఏ వాడి ముల్లులో;వికసించె మొగ్గలు.
చేవ్రాలు చేయలేను!