బ్రిస్బేన్ నగరంలో నివసించే శారదగారు తెలుగులో, ఇంగ్లీష్‌లో కథలు, అనువాదాలు వ్రాస్తూ వుంటారు. 1996 లో మొదలైన కథా రచనతో దాదాపు నలభై తెలుగు కథలు, ఇరవై అనువాద కథలూ ప్రచురించారు. “నీలాంబరి”, “మలయ మారుతం” పేర్లతో రెండు కథా సంపుటాలు వెలువరించారు. “వీలునామా” అనే అనువాద నవలా, “తమసోమా జ్యోతిర్గమయా” అనే తెలుగు నవలా “శంకరాభరణం” అనే అనువాద కథల సంపుటీ వెలువరించారు. త్వరలో రాబోతున్న “విజ్ఞాన శాస్త్రంలో వనితలు” అనే పుస్తకంలో ప్రపంచంలోని మహిళా శాస్త్రవేత్తలను పరిచయం చేస్తున్నారు. కథా రచనతో పాటు సంగీతం వీరికి చాలా ప్రియమైన వ్యాపకం. వీరి బ్లాగు రచనలు https://neelambari.blog/ లో చదవొచ్చు.