పాఠకుల అభిప్రాయాలు

Total Comments: 16392

1. పునశ్చరణం గురించి మిరపకాయ్ అభిప్రాయం:

   03/16/2007 6:11 pm

   నేను కవిని కాదు కానీ మీకవిత చదివిన తర్వాత… నాకు నేను ఎప్పుడో గీసిన బొమ్మలు మళ్ళీ చూడాలనిపించింది …. మనస్సుమూలల్లో ఎక్కడో ముళ్ళ చెట్లకు చిక్కుకుపోయిన గాలిపటాల్లాటి జ్ఞాపకాలు వెనక్కొస్తున్నాయి… కవిత చాలా బాగుంది ..

   ఒక చిన్నవిషయం .. మీరు కవితను ఇంకా పెద్దది వ్రాసి సగమే ఇక్కడ పెట్టినట్టు అనిపిస్తొంది . మీరు అర్ధోక్తిలో ఆగిపోయిన విషయం మీభాష చెబుతోంది … లేకపోతే పైన ఎవరో చెప్పినట్టు metaphors ఎక్కువవ్వడం వలన అలా అనిపిస్తోందేమో ..

2. ది బీచ్ గురించి Ravikiran Timmireddy అభిప్రాయం:

   03/16/2007 3:11 pm

   కథ చాలా బాగుంది. ఒక సమస్య, ఒక నాటి చిన్న ఆలోచన, ఒక గతి తప్పిన పరిష్కారం వీటిని రీ విసిట్ చేస్తూ ఆ లయ తప్పిన నిముషాన్ని ఎత్తి చూపించడం బాగుంది, ముఖ్యంగా ఆ బలహీనపు నిముషాన్ని వర్తమానంతో కాంట్రాస్ట్ చేస్తూ.

   డిప్రెషన్ అనేది అత్యంత సహజవైన ఎమోషన్స్ లో ఒకటి. కొన్ని సార్లు నిరాశ చుట్టుముట్టినపుడు, మరణం ఒక పరిష్కారంగా కనపడటం కూడా సహజవే. కానీ అదే పరిష్కారంగా నిర్ణయించుకోని, అమలుజపబోవటం అనేది సహజవైన బలహీనత కాదు. అత్యంత ధుర్భలవైనటువంటి బలహీనత. రామ్ ఆ క్షణం నుంచి బయట పడటం నిజంగా అద్రుష్టవే, చాలా మందికి ఆ అవకాశంరాదు. రామ్ అల నించి బయటపడటానికి, లతా, పిల్లలకన్నా, ఏ జీవికైనా వుండే బ్రతకాలనే సహజ సిద్దవైన గుణవే కారణవేవో కదా.

   రవికిరణ్ తిమ్మిరెడ్డి

3. అంతరం గురించి Ravikiran Timmireddy అభిప్రాయం:

   03/16/2007 2:06 pm

   కొన్ని సమస్యలు మనకై మనం ఆలోచించి, విశ్లేషించి, మాట్లాడి, వాదించి పరిష్కారాలు కనుగొనలేవు. వింధ్య చదువుకున్నది, రమేష్ తో చాలా సార్లే మాట్లాడి వుంటుంది, సమస్య గురించి. కానీ రమేష్ సమస్య సంధ్య మాటలకంటే, విశ్లేషణ కంటేకూడా, ఒక సైకియాట్రిస్ట్, సైకాలజిస్ట్ అవసరాన్ని ఎక్కువగా సూచిస్తుంది.

   దేనికన్నా సిధ్ధమయ్యేముందు, ఈ రాయిని కూడా తిప్పిచూడాల కదా!

   రవికిరణ్ తిమ్మిరెడ్డీ

4. అంతరం గురించి Madhu Babu Juttiga అభిప్రాయం:

   03/16/2007 9:13 am

   కథ బావుంది గిరీ!
   అల్లిక చక్కగా ఉంది..suspence కంటే ఉత్కంఠగా చదివించే లక్షణం బాగా కుదిరింది.
   Keep writing,
   _ మధు

5. మాయం గురించి Sowmya అభిప్రాయం:

   03/16/2007 8:01 am

   చివరి దాకా బాగా సాగింది కానీండీ, ఆ ముగింపేమిటి అలా ఉంది?
   చదువుతూ చదువుతూ నేనింకేదో ఊహించాను. “కథంటే ముగింపు ఉండాలి కదా” – అని ఈ కథ లో ఎన్నో సార్లు వచ్చింది. అదే ఆ ముగింపు తాపత్రయం లోనే కథ చివరికి వచ్చేసరికి ఇలా అయిపోయింది ఏమో అనిపించింది.

6. రెండు సంగీత సంప్రదాయాల్లో అష్టదిగ్గజాలు గురించి Sai Brahmanandam Gorti అభిప్రాయం:

   03/16/2007 6:11 am

   వ్యాసకర్త గారూ, ఈ క్రింది లింకు చదివితే నేను ప్రస్తావించిన విషయాలు కొన్ని తెలుస్తాయని అనుకుంటున్నాను.

   http://www.eenadu.net/archives/archive-11-3-2007/htm/weekpanel1.asp

7. ది బీచ్ గురించి Kameswara Rao అభిప్రాయం:

   03/15/2007 10:18 am

   కథ చాలా బాగుంది. ఏ ఎక్స్ట్రాలకీ పోకుండా చాలా సున్నితమైన విషయాన్ని, చాలా లోతైన విషయాన్ని, అంత సున్నితంగానూ, అంత లోతుగానూ చెప్పిన కథ!

8. చాదస్తం గురించి Kameswara Rao అభిప్రాయం:

   03/15/2007 9:45 am

   రవికిరణ్ గారన్నట్టు, కథలో ఆవిడ పాత్ర బాగానే ఎస్టాబ్లిష్ అయ్యింది. కాకపోతే అది two-dimensional అయ్యి కూచుంది. ఎంతసేపూ తన ఆలోచనలే తప్ప ఎదుటివాళ్ళ అభిప్రాయాలగురించి ఆలోచించే అలవాటు బొత్తిగా కనిపించదు.

   ఉదాహరణకి “నీ భర్త నిన్ను అర్థం చేసుకున్నంత వరకూ, ఎవరూ మీ స్నేహం గురించి ఏమనుకున్నా లెక్క లేదులే” అని ఇంకొకావిడ అన్నప్పుడు భర్త తనుచేసే ప్రతి స్నేహాన్ని ఆమోదించితీరాలన్న ఆలోచనే తప్ప, అతనికీ స్వంత అభిప్రాయాలు ఉండవచ్చునని గాని, జీవిత భాగస్వామిగా తన స్నేహాలతో అతనికి ప్రమేయం ఉంటుందన్న ఆలోచనగానీ లేకపోయింది.

   “మా ఆయన కర్థం అయ్యే స్నేహాలు మాత్రమే నేను చెయ్యాలట!” – అని ఆ ఇంకొకావిడ అనలేదే!

   “అతని కర్థం కాకపోతే అది అతని చేతకానితనం అవుతుంది గానీ, నా స్నేహం తప్పెందుకవుతుందీ?” – అతనికర్థం కానంత మాత్రాన తన స్నేహం తప్పవుతుందని ఎవరన్నారు? అతనికి అర్థం కాకపోయినంత మాత్రాన అది అతని చాతకాని తనమూ కాదు.

   “అయినా భర్త దయాదాక్షిణ్యాల మీదా, అతను విషయాలనర్థం చేసుకునే చాకచక్యం మీదా ఆధారపడి లేవు నా స్నేహాలు.” – ఆవిడ జీవితం భర్తతో ముడుపడి ఉనప్పుడు, అతని ఇష్టాయిష్టాలు అసలు ఖాతరే చెయ్యననుకోవడం ఆవిడ అహంభావమే కాని ఆత్మోన్నతి అనిపించుకోదు.

   పెళ్ళి భారీగా చేసుకోకూడదన్నది ఆవిడ స్వంత అభిప్రాయం. అది తన స్నేహితుడిమీద రుద్దడానికి తాపత్రయ పడిన ఆవిడ, ఒకవేళ తన స్నేహం తన జీవితభాగస్వామికి ఇష్టం లేకపోతే దానిగురించి ఆలోచించాలన్న సహనం కూడాచూపలేదు!

   ఆవిడ వ్యక్తిత్వమే ఈ కథ శీర్షికకి సరిగ్గా సరిపోతోంది!

9. ఇద్దరు దుర్మార్గులు గురించి Kameswara Rao అభిప్రాయం:

   03/15/2007 8:55 am

   ప్రసాద్ గారూ,

   చలం మీ అభిమాన రచయితా?:-)

   ఈ కథలో ఉన్న పాత్రలని ఒక మూసలోకి (మంచి పాత్రలు, చెడ్డ పాత్రలుగా) తెచ్చే ప్రయత్నం కథలో కన్నా మీ విమర్శలోనే ఎక్కువగా కనబడుతోంది. శృంగార జీవితంలో యాంత్రికత చోటుచేసుకుని, అది తొలగించుకోవడం చాత కాక తిప్పలు పడే పాత్ర మోహన్ ది. ఆ పాత్రకి అంతకంటే లేబుల్సు తగిలించడం సబబు కాదు. కథ ఈ పాత్ర చుట్టూనే తిరిగింది. ఈ పాత్రకి ఉదాత్తత ఆపాదించే ప్రయత్నం నాకెక్కడా కనపడలేదు.

   జీవితంలో తప్పుదోవ పట్టి, అది వదలడం చాత కాక దానితో రాజీ పడిపోయిన పాత్ర గోపికది. ఈ పాత్రకీ ఉదాత్తత ఆపాదించే ప్రయత్నం కథలో నాకు కనపడలేదు. అలా తప్పుదోవలో నడుస్తున్న మనిషికి మంచి ఆలోచనలు కానీ, తెలివి కానీ ఉండదనుకోవడం ఆ పాత్రని ఒక మూసలో పొయ్యడమే.

   ఇక మోహన్ భార్య పాత్ర. నిజమే, ఈ పాత్రకి ప్రత్యేకమైన వ్యక్తిత్వం కనిపించదు. స్త్రీ వాదులకి చాలా అభ్యంతరకరమైన పాత్రే! ఐతే కథలో ప్రతి పాత్రకీ ఒక ప్రత్యేకమైన వ్యక్తిత్వం ఉండి తీరాలంటారా? ఒక సామాన్య వ్యక్తికి కథలో పాత్ర అయ్యే పాత్రత లేదంటారా? మరొక విషయం. కథ మొత్తం మోహన్ దృక్పథం నుండే చెప్పబడింది, నేరుగా అతని ద్వారా కాకపోయినా. కాబట్టి అతని భార్య పాత్రకి అంత కంటే ప్రాముఖ్యం కథలో ఇవ్వాల్సిన అవసరం లేదు.

   గోపిక నాలుగు మాటలు చెప్పేసరికి మోహన్ లో మర్పు వచ్చేయడం కొంత dramaticగా ఉన్నది వాస్తవమే. ఐతే అలా జరగడానికి అవకాశం బొత్తిగా లేకపోలేదు. దానికి కొంత వాతావరణం కథలో చూడవచ్చు.

   సారాంశమేమిటంటే, కథ నాకు నచ్చింది.

   ఐతే చివర్లో “ఆమె అర్థం చేసుకుంది. ముందు నవ్వింది.తరవాత చెప్పింది.” అన్న మాటలు అర్థం చేసుకోవడం కొంత కష్టంగా ఉంది. ఆమె ఏం అర్థం చేసుకుంది, ఎందుకు నవ్వింది అన్నది పాఠకుని ఊహకు వదలి వెయ్యడం గాలిలో దీపం పెట్టి పాఠకుడా కాపాడూ అనడంలా ఉంది! మోహన్ దీపలకి మధ్యకొంత సంభాషణ పెట్టి, దాని ద్వారా దీప పాత్ర వ్యక్తిత్వాన్నీ, మోహన్ ఆలోచనలో పరివర్తననీ చూపెట్టి ఉంటే మరింత నిండుగా ఉండేదేమో.

10. ఇద్దరు దుర్మార్గులు గురించి kiran అభిప్రాయం:

    03/14/2007 12:25 pm

    కధ కన్నా ప్రసాద్ గారి విశ్లేషన నాకు బాగా నచ్చింది. కథ లోని ప్రతి పాత్రయొక్క నిజస్వరూపాన్ని కల్లకు కట్టినట్లు వివరించిన ప్రసాద్ గారికి ధన్యవాదాలు.

    కిరణ్.