మత్తుగా జోగుతున్న ముసలివాళ్ళ మధ్య
గడ్డకట్టే చలిలో గుర్రాలను చూస్తూ ఆ యాత్రికుడు.
అతని మీసం గడ్డకట్టిన మంచు ముక్క.
కనురెప్పలు జీవం లేని వెండి నెలవంకలు.
గుర్రాల డెక్కల కింద ఎగసిపడుతున్న పొడిమంచు ధూళి
వేలాది తోకచుక్కల్లా ఎగసిపడుతూ
పాలపుంతల్లా మెరుస్తున్న తెల్లటి దారులను కప్పివేస్తూ.
అతని చెవులు వెండి, జుట్టు వెండి.
గుర్రాలు వాటి జూలునూ తోకలనూ విదిలిస్తూ,
వాటి నునుపైన నాసికలు వెండి, ఎగసిపడే డొక్కలు వెండి.

[మూలం: సిల్వర్ – ఫెరెంక్ యుహాస్ (Ferenc Juhasz)]