ఫిడేలియో:
స్త్రీప్రదంబైన పాపటాచీపదంబు
నార్యముస్తఫాసుల్తాను కప్పగించు
క్రమము సాగించుఁడిఁక మీరు గాతలార!
కోరస్:
పురుషులందు పరమపురుషుఁడనుచు
తరుణులెల్ల నిన్నె తలఁచి తమక మూన
పరమమాన్యమైన పాపటాచిపదము
తాల్ప రమ్ము ముస్తఫా, రమ్ము ముస్తఫా!
ముస్తఫా:
నేస్తులార మీదు నిర్ణయంబు
ఈపదంబుఁ దాల్చి యిఁకపైని సులువుగా
వశము చేసికొందు వనజముఖుల
ఫిడేలియో, ఎమీలియో, బెలిండాలు:
అమోఘం బీతని ఆకాంక్ష!
కోరస్:
కుదురఁగావలె వేషభాషలు
గుండుపాగకు బదులు శిరమున
నుండఁగావలె రంగుటోపియె
కదలుచుండెడి పొదలఁబోలుచు
వదులుగా తనువందు వ్రేలెడు
వసనములపైఁ దొడుగఁగావలె
పసిఁడివన్నియ పొడుగుకోటును
ఎఱుపువన్నియపాపటాచీ
గురుతుతో రహియించు పట్టీ
నురముమీదను నేటవాలుగ
మెఱయునట్లుగఁ గట్టఁగావలె
ఇంపుమీఱఁగ బాహుపురులను
ఉంపఁగావలె మూపులందున
మొలకు గట్టిగఁ జుట్టఁగావలె
చిలుకపచ్చని పట్టుదట్టీ
(పై విధముగా కోరస్ పాడుచుండఁగా సంభ్రమముగా తురుష్కసేవకులు ముస్తఫాకు పాపటాచీ వస్త్రధారణ చేయుదురు. అతఁడు సంతోషంతో తన వేషమును తేఱిపాఱఁ జూచికొనుచు క్రింది విధముగా పల్కును)
ముస్తఫా:
పాపటాచివేషవైభవంబు!
ఇట్టి వేషమందు నింపుగొల్పు
నన్నుమెచ్చకున్నకన్నె గలదె?
ఫిడేలియో,ఎమీలియో, బెలిండా:
మనదునాటక మీకామమత్తునందు!
బెలిండా:
పాపటాచీపదము పరిపూర్ణముగ మీకు
సిద్ధించుటకు ముందుఁ జేయంగవలె మీరు
పాపటాచీనియమపాలనప్రమాణంబు
ముస్తఫా:
తెల్పుడిఁక దానినిం దేటతెల్లంబుగా
కోరస్:
పాపటాచీవగుచు పరిఢవిల్లెదవింక!
ఫిడేలియో:
పాపటాచీనియమవాగ్దానపర్వంబు
బెలిండా:
(ఎమీలియోతో)
కైమెకాన్! పఠియించు నియమాళి
(ముస్తఫాతో)
అతఁడు చదివినట్టి దక్షరాక్షరముగ
పల్కవలెను మీరు స్పష్టముగను
పల్కినట్టిదెల్ల పాటింతు నని మీరు
ప్రతిన చేయవలయు భక్తితోడ
ముస్తఫా:
(ఎమీలియో క్రింది నియమావళిని చదువును. అతఁడు చదివిన దెల్ల ప్రమాణపూర్వకముగా ముస్తఫా ప్రతివదించును)
వినినఁగానీ వినకయుందును
తినుట త్రాగుట కునుకుదీయుట
యనెడు వృత్తులయందు నుందును
విహితధర్మము లివియె భువిలో
మహితమౌ పాపటాచీపద
నిహితులై స్త్రీజనాకర్షణ
సహితులై మనఁగోరు వారికి
వీనిఁ దప్పక యాచరింపఁగ
పూని చేతును ప్రమాణంబును
మాననీయుఁ డిలాహి సాక్షిగ
నేను సుల్తాన్ ముస్తఫాఖ్యుఁడ!
ముస్తఫా తక్క ఇతరులు, కోరస్:
బెలిండా:
(ఎమీలియోతో)
పాపటాచీ ముస్తఫాతోడఁ గూర్చుండి
చూపు మిఁక కైమెకాన్ పాపటాచీవిధుల
(ముస్తఫా ప్రక్క కొక ఆసనముపై ఎమీలియో కూర్చొని భోజునపానీయములను తెమ్మని సేవకుల నాజ్ఞాపించును.)
ఎమీలియో:
తన బాధ్యతలు దీర్చుకొనఁగాను త్వరగాను
కొనిరండు దండిగా మనసైన భోజ్యంబు,
ఎనలేని మాంద్యంబు నెనయించు మద్యంబు
(నిర్దేశానుసారముగా సేవకులు నానావిధముల భోజనపానీయములను తెచ్చి ఎమీలియోముస్తఫాల ముందుగల సుందరమైన బల్లపై నుంతురు.)
ఎమీలియో:
ముస్తఫా:
(ఇర్వురు యథేచ్ఛగా తినుట కారంభింతురు)
కోరస్:
శిష్టులౌ పాపటాచీజనుల బాధ్యతలు
వినకుండఁ గనకుండ వేఱేదియును మీరు
పొనరించుచుండుఁ డీభూరిబాధ్యతలను
(కోరస్ నిష్క్రమించును)
బెలిండా:
కొలువఁగావలె కొంచె మిట్టుల
(ఫిడేలియాతో)
ప్రియతమా ఫిడేలియో!
ఫిడేలియో:
(పైవిధముగా సంబోధించుకొనుచు వారాలింగనము జేసికొనుచుండ ముస్తఫా వారి నీర్ష్యతో జూచి యిట్లనును)
ముస్తఫా:
ఎమీలియో:
(ముస్తఫాతో)
ఘోరం ఘోరం. నీచిత్త మస్థిరమగుచున్నది.
పాపటాచినియమభంగ మగుచు నున్నది.
ఇదిగొ నన్నుఁ జూచి అనుకరించు!
ఫిడేలియో:
(బెలిండాతో)
నా ప్రణయనిధానమా బెలిండా
(ముస్తఫా మఱల వారివైపు జూచును. అతని దృష్టిని దప్పించుటకు ఎమీలియో క్రిందివిధముగాఁ బల్కుచు మఱింతగాఁ దినుచుండ, ముస్తఫా అతని ననుకరించును.)
ఎమీలియో:
బెలిండా:
(ఫిడేలియోను మునుపటికంటె గాఢముగ కౌఁగిలించుకొనును)
ఎమీలియో:
(అనుచు ఎమీలియో ఇంకను అధికముగాఁ దినుచుండ, ముస్తఫా అతని ననుకరించును. ఇంతలో సమీరాసలీమాలు ఇటాలియన్ ద్రాక్షసారాయి సీసాలను గొనివచ్చి ముస్తఫా ముందున్న బల్లపై నుంతురు. వారిని చూచి ముస్తఫా)
ముస్తఫా:
ఎమీలియో:
చూచియును జూడకుండవలె నీవు.
ఎదుట నేమి యైనఁ నేమి, తినుట మానవలదు నీవు.
(అనుచు మునుపటికంటె అధికంగా మెక్కుచు చూపించును)
ముస్తఫా:
బెలిండా, ఫిడేలియోలు:
(వారట్లు తినుచు, త్రాగుచునే యుండఁగా సముద్రపురేవులో ఇంతకు ముందు కోరస్ పాడిన ఇటలీయులతో కూడిన ఓడ యొకటి కన్పించును)
కోరస్:
సరియగు దిశలో కరువలి వీచెను
త్వరపడు డిదియే సరియగు కాలము
తరలుచు నిటలీధరకుం జేరఁగ
బెలిండా:
(ఫిడేలియాతో)
రమ్ము ప్రియా! రారమ్ము ప్రియా! ప్రే
మమ్మున సహయానమ్మొనరింతము
ఫిడేలియో:
మక్కువతో నిఁక మనుచుం బోదము
(బెలిండాఫిడేలియోలు చెట్టాపట్టాలు పట్టుకొని పరస్పరానురాగమును ప్రకటించుకొనుచుఁ బోవ నుద్యమింపఁగా, సంభ్రమాసూయలతో ఎమీలియో వారిని జూచి వారు పాఱిపోవుచున్నట్లుగా ముస్తఫాను హెచ్చరించును. కాని అతఁడదివఱకే తిండిలో త్రాగుటలో పూర్తిగా నిమగ్నుఁడై మతిదప్పియుండి ఎమీలియో హెచ్చరిక పట్టించుకొనకుండును.)
ఎమీలియో:
(తనలో)
ఎంతటిఘోరం బెంతటిఘోరము!
అంతము సేసి మదాశాలతికను
సంతసమున నాకాంతను గైగొని
యింతయు జడియక యీతం డేగును
(ప్రకాశముగా ముస్తఫాతో)
అంతయు మోసం బంతయు మోసము
ఇంతయు వెఱవక యింతి బెలిండను
గైకొని పాఱుట కదిగొ! ఫిడేలియొ
మేకొనుచుండెను మీముందరనే
ముస్తఫా:
ఎమీలియో:
ముస్తఫా:
ఎమీలియో:
వినకేమియు, వెనుకాడక
తనివారఁగఁ దినుచుండుము
(ముస్తఫా మఱింత తీవ్రముగాఁ దినుచుండును. ఎమీలియో తనలో క్రిందివిధముగా నాలోచించి, ఫిడేలియోబెలిండాలను చేరఁబోవును)
ఎమీలియో:
ప్రాణము దక్కదు పడియుండిన నిట
వారినిఁ గూడుచుఁ బాఱుటె ఉచితము
ఫిడేలియో, బెలిండాలు:
త్వరగను మాతో నరుగు మెమీలియొ!
తరుణము మించిన మరణమె మనలం
దరుముచు వచ్చును తస్మాజ్జాగ్రత!
(ముగ్గురు వడిగా నిష్క్రమింతురు)
ముస్తఫా:
(పెద్దగా పిలుచును)
సమీరా సలీమాలు:
ముస్తఫా:
సమీరా సలీమాలు:
(తమలో)
అన్యయోషితావ్యామోహ మపనయించు
పాఠమునె నేర్పె నితని కాపడఁతి నేఁడు
ముస్తఫా:
సమీరా సలీమాలు:
ముస్తఫా:
సమీరా సలీమాలు:
(ఆమాట వినగానే జాగృతుడై ముస్తఫా క్రిందివిధముగా నఱచును)
ముస్తఫా:
భటులెక్కడ? ద్వారరక్షకు లెక్కడ!
సమీరా సలీమాలు:
ముస్తఫా:
జ్ఞానోదయమగుచున్నది నాకిపుడు!
సమీరా:
వెంత పరాభవించి త్యజియింపఁగ నెంచినఁగాని, ఆర్య! నా
స్వాంతమునందు నర్మిలియె పాయక యుండెను, నిప్పుడైన నా
వంతల విస్మరించి సుఖవంతులమై చరియింత మేకమై
ముస్తఫా:
ప్రేమంబును విస్మరించి వేఱగు స్త్రీలం
గామించి భంగపడితిని
ఈ మోఱకునిన్ క్షమింపు మీవు సమీరా!
సమసెను పరకాంతాసం
గమకౌతుక మంతరమున, గాఢప్రియతా
ధ్వములోఁ జేతము సుఖయా
నము నిఁక నిర్వుర మొకటయి నమ్మికతోడన్
(నేపథ్యమునుండి ఈక్రింది కోరస్ పద్యము వినిపించును)
తమకంబున నన్యసతుల తగులంబులకై
శ్రమపడువారికి నీకథ
యమరును గనువిప్పు సేయు నౌషధమగుచున్
ఎడారిసీమలో ఇటలీభామ రూపకము సమాప్తము