భద్రగజాస్యుని పావనతమము
రుద్రకుమారుని రూపము తలతు |1|ముజ్జగములఱేని ముద్దులపట్టి
బొజ్జవేలుపు మమ్ము బోషించుగాక |2|దేనియందు సకలదేవతానిష్ఠ
దాని నక్షరమనితత్వజ్ఞులండ్రు |3|ఆకాశమందలి యవిభక్త నాద
మాకారమైయెప్పు నక్షరమునకు |4|ఆనాదముగణేశు నాదిమమూర్తి
ధ్యానముచేయుట దానిని వినుట |5|శర్వుని పట్టిగా సత్యనాదమును
సర్వము తెలిసిన సజ్జనులనిరి |6|ఆ వేదనాయకు లఖిలాండములకు
మావారు సెప్పిరి మహితశిల్పిగను |7|బ్రహ్మణస్పతితోడ భారతీపతికి
బ్రహ్మకు భేదము వాక్కులయంద |8|అతడె గజానను డతడె విధాత
అతడె బృహస్పతి యరయగదెలిసె |9|భారతియే భక్తపావని సుముఖి
భారతియే సాధుసారిణి తార |10|దశమహావిద్యల తార రెండవది
వసువులె యామనుబట్టి తిట్టుదురు |11|ఆమెకు రసనాగ్రమందున గలిగె
నామెకు రసరూప సోమసంశక్త |12|విబుధపరోక్షోక్తి విభ్రాంతులగుచు
నబుధులు తిట్టిరి యఖిలమాతృకను |13|శబ్దమే మతినేత సామజముఖుడు
శబ్దశక్తియె సూక్ష్మసారిణి సుముఖి |14|శబ్దమే విష్టప స్థానమౌ(?) ధాత
శబ్దశక్తియే సూక్ష్మసారిణి వాణి |15|భువనాల మూలమై పుణ్యనాదంబు
భువన గర్భమునందు పుట్టెను తిరుగ |16|అప్పుడు నాదాత్మ వ్యక్తుడై తెలిసె
చప్పుడు చేయుచు జనులకందరకు |17|అవిభక్త నాదమె యతని ముఖంబు
సువిభక్త నాదమె శుభమైన తనువు |18|అవిభక్త నాదమె యతిమత్తదంతి
సువిభక్త నాదమె సుజ్ఞాన నరుడు |19|ఈరీతి గణపతి యిభరాజ ముఖుడు
హారి మానవరూపు డతడు కాయమున |20|కరిరూప తనువుచే కలిగించు నిష్ఠ
నరరూప తనువుచే నడిపించు జగము |21|అతని యోంకారాస్యమతి పావనముర
అతని వాజ్మయకుక్షి యతి మేదురముర |22|జ్ఞానము శబ్దమై జన్మించు చోటు
జ్ఞానము సకలము సరిచేరు చోటు |23|అతడుండు చోటుర యధ్యాత్మమరయ
అతని యంత నతండె యరయ తత్వంబు |24|ఆ సత్యవాదము నరయక జపము
వేసార్లు లెక్కలుపెట్టిన నేమి |25|దేహమధ్యమునందు దీపించు చోటు
మాహాత్మ్యములచోటు మాయల చోటు |26|గణపతి రమణులు గాంచిన చోటు
గణియించువారికి గడవెట్టు చోటు |27|
(గణపతి గీతమ్ సంస్కృత మూలమ్‌)