అతను కాదు ఆమె కాదు
ఎగసిన మోహార్ణవం జీవనవనాన్ని దహించబోగా
నిజాయితీ కన్నీళ్ళు కొన్నీ
టీచర్స్ హైలాండ్ క్రీమ్ బొట్లు కొన్నీ
కలిసిపోయి రంగులు వెలిసిపోయి
కలిసి తెలుసుకుని మరీ తెలిసి కలుసుకొని
…
మొదట్లో తియ్యటి నొప్పికి ముసుగేసి ముద్దర్లేసి
సొగసుని మూలుగుల్లోకి మార్చి
కాదూ అవునూల మధ్య కాస్తంత అనువుల మధ్య
అనవసరానికి అవసరపు అంగరఖా తొడిగి
వెలుగుని చీకటి చేసి వెనువెంటనే మరలి చని
…
ఖస్సున లేచిన కెరటాన్ని
కాక్సిక్స్‌లో ఖననం చేసి
ఆచితూచాననునుంటూ ఆరితేరాననుకుంటూ
ఆరిపోయిందనుకుంటూ మాడి ఊడిపోయిందనుకుంటూ
ఇంకలేదని ఇంకేంలేదని దూసుకుపోతూ చెరిగిపోతూ
…
టూ క్యూబ్స్ ప్లీజ్
థ్యాంక్యూ ట్లింగ్ ట్లింగ్
కోటు బొత్తాలకంటిన పోగులు పీకేస్తూ…