పాఠకుల అభిప్రాయాలు

Total Comments: 16390

1. ఏప్రిల్ 2026 గురించి రాధకృష్ణ కర్రి అభిప్రాయం:

   04/07/2026 1:15 pm

   ఉపయోగకరమైన సంపాదకీయం. నిజంగానే కృత్రిమ మేధ ప్రామాణికంగా మారిపోతుందేమో అనే భయం ఉంది. అది ఇప్పుడు ఈ వ్యాసం వలన కొంత మేరకు తగ్గింది. ధన్యవాదాలు.

2. సౌతాఫ్రికాలో ప్రవాస ప్రస్థానం గురించి Badiganti Sarada అభిప్రాయం:

   04/07/2026 10:56 am

   ఇది చాలా చక్కని రచన. తెలుగులో ఇంత స్పష్టంగా రాయగలగడం నిజంగా అద్భుతం. ఆంధ్రప్రదేశ్‌లో కూడా చాలా ఆంగ్ల పదాలు తెలుగు పదాలతో కలిపి మాట్లాడతారు. కానీ మీరు చక్కని తెలుగులో మీ యాత్రా విశేషాలను రాసారు. సౌత్ ఆఫ్రికా చూస్తున్న అనుభూతి కలిగింది. మరిన్ని రచనలు మీ నుండి ఆశిస్తూ
   బడిగంటి శారద

3. తమరి బాధ్యత గురించి చిట్టత్తూరు మునిగోపాల్ అభిప్రాయం:

   04/07/2026 8:15 am

   వానరూను, వాడి చేష్టలను కళ్ళకు కట్టారు రచయిత. చివర్లో జంతువుకంటే హీనమైన మనిషి పేదరికపు బతుకు కూడా. మూల రచయితకూ, అనువాద రచయితకూ అభినందనలు.

4. వైరముత్తు – జ్ఞానపీఠ పురస్కారం 2025 గురించి DESARAJU అభిప్రాయం:

   04/07/2026 6:53 am

   https://www.facebook.com/share/p/18VjBWyAga/

   అవినేని గారూ, మీరు చాలా మంచి కవితలు అనువదించారు. అభినందనలు.
   మిత్రులు చదువుతారని నా వ్యాసం లింక్ ఇక్కడ పెడుతున్నా.

5. వైరముత్తు – జ్ఞానపీఠ పురస్కారం 2025 గురించి పవన్ సంతోష్ అభిప్రాయం:

   04/06/2026 11:08 pm

   వైరముత్తుకు జ్ఞానపీఠ్ పురస్కారం రావడం అన్నివిధాలా అసమంజసం. కమిటీ సంకుచిత దృష్టికి తప్ప మరేమీ అద్దంపట్టడంలేదు. వైరముత్తు సాహిత్య ప్రతిభ సంగతి అసంగతం. ఆయనపై మీటూ విషయంలో కేవలం ఆరోపణలు మాత్రమే ఉండి ఉంటే కనీసం విషయం తేలలేదు కదా అని సమర్థించుకునేవారికి అవకాశం అయినా ఉండేది కానీ ఆ వీలు కూడా ఆయన ఇవ్వలేదు. తనను లైంగికంగా వేధించారని బయటకొచ్చి మాట్లాడిన చిన్మయి శ్రీపాదను అత్యంత వేగంగా రాధా రవి నేతృత్వంలోని దక్షిణభారత సినీ, టెలివిజన్ డబ్బింగ్ ఆర్టిస్ట్స్ అసోసియేషన్ నుంచి బ్యాన్ చేశారు. ఆపైన, దాదాపు ఏడెనిమిదేళ్ళ పాటు తమిళ సినిమా పాటలేవీ పాడే వీల్లేకుండా షాడో బ్యాన్ చేశారు. ఇది ‘అపవాదు మీదపడ్డ నిందితులు’ చేసే పనులు కాదు. బాధితులను సైలెంట్ చేసేలా తమ బలాన్ని వాడే పద్ధతులు. చిన్మయి తనపై పడ్డ అన్యాయమైన బ్యాన్‌ని కోర్టు ద్వారా తొలగించుకోవడానికే ఎంతో పోరాటం చేయాల్సి వస్తోంది. వీటి మధ్యలో ఆ మనిషికి జ్ఞానపీఠ్ పురస్కారం ఇవ్వడం ఆ పురస్కారం పేరుకూ, ఇంతకుముందు అందుకున్న పెద్దలకూ కూడా అవమానమన్నది నా నమ్మిక.

6. వైరముత్తు – జ్ఞానపీఠ పురస్కారం 2025 గురించి అవినేని భాస్కర్ అభిప్రాయం:

   04/06/2026 8:32 pm

   దేశరాజు గారూ,

   ఈ వ్యాసం విషయంలో నేను ఏ పక్షానూ నిలబడకుండా, సమతుల్యంగా రాశానని భావించాను. వైరముత్తు రాసిన కొన్ని కవితలను ఎంచుకుని అనువదించిన వాడిగా, ఈ సందర్భంలో వ్యాసం రాయడం కూడా నా బాధ్యత అనిపించి రాశాను.

   ఇంద్ర ప్రసాద్ గారూ,

   వివాదాలకు తావివ్వడం నా ఉద్దేశం కాదు. నా కోణంలో, నాకు తెలిసిన వాస్తవాలను మాత్రమే చెప్పాలని రాశాను. 🙂 పామును చూపించి, కర్రను పాఠకుల చేతిలో పెట్టేశానంతే 🙂

   శర్మ దంతుర్తి గారూ,

   వైరముత్తు కవితల్లో నేను తెలుగులోకి అనువదించిన కొన్ని కవితలను మీ ముందుంచుతున్నాను —

   లోకం – http://eemaata.com/em/issues/201711/13573.html
   పడక – http://vaakili.com/patrika/?p=12965
   మీరు వేరు నేను వేరు – http://vaakili.com/patrika/?p=12281
   ప్రథమ సమాచార నివేదిక – http://vaakili.com/patrika/?p=12090
   నదిమూలం – http://vaakili.com/patrika/?p=11680

   మఱిన్ని కవితలకొరకు –
   https://eemaata.com/em/writer/%E0%B0%B5%E0%B1%88%E0%B0%B0%E0%B0%AE%E0%B1%81%E0%B0%A4%E0%B1%8D%E0%B0%A4%E0%B1%81/

7. కంప్యూటర్ చిప్ కథ – 12: మార్కోనీ సాధించిన తీగలు లేని ప్రపంచం గురించి సంపాదకులు అభిప్రాయం:

   04/05/2026 3:45 pm

   శ్రీనివాస్‌గారు,

   వ్యాసం ప్రచురించాం. చదివి మీ అభిప్రాయాలు తెలియజేయండి.

   సంపాదకులు.

8. కంప్యూటర్ చిప్ కథ – 11: హెర్ట్‌జియన్ తరంగాలు గురించి కొడవళ్ళ హనుమంతరావు అభిప్రాయం:

   04/05/2026 1:49 am

   నెల చివరి గడువు దగ్గరకొచ్చే కొలదీ, ఆఁ, ఈవ్యాసాలు ఎవరు చదువుతారులే అని ఉపేక్షిస్తుంటే, మీ వ్యాఖ్య ఎంతో ఉత్తేజాన్నిచ్చింది. Thank you.

   “జీవితం కల్పన కంటే ఆశ్చర్యకరమైనది. సరిగ్గా వివరిస్తే, … పిల్లల మనసులో ఉత్సుకతను రేకెత్తించగలడు,” అనే మాటలు చూడగానే, నేను ఈ మధ్యే చదివిన రిచర్డ్ డాకిన్స్ పుస్తకం [1] ఒకటి గుర్తొచ్చింది. ప్రశ్న శీర్షికగా ఉన్న ప్రతి అధ్యాయం (“మొదటి మానవుడెవరు?”, “ఇన్ని రకాల జంతువులెందుకున్నాయి?”, “పగలు-రాత్రి, చలికాలం-వేసవికాలం ఎందుకున్నాయి?”) మొదట్లో, రకరకాల సంస్కృతులలో ప్రశ్నకి సమాధానంగా ఉండే పురాణ గాథలను చెప్పి, వాటికంటే ఇంకా ఉద్వేగభరితమైన శాస్త్రీయ కథను వివరించే పుస్తకం. నాకు తెలిసిన ఇద్దరు ముగ్గురు పిల్లలకు ఆ పుస్తకాన్ని ఇచ్చాను; మా ఊరు రావినూతలలోని గ్రంథాలయానికి కూడా పంపించాను.

   ఉదాహరణకి “ఎప్పుడు, ఎలా సర్వం మొదలయింది?” అధ్యాయంలో:

   “భారతదేశంలోని అనేక సృష్టి పురాణాలలో ఇది ఒకటి. కాలం మొదలవ్వక ముందు ఓ శూన్యమైన చీకటి మహా సముద్రం, దాని పైన చుట్టలు చుట్టుకొని ఓ మహా సర్పం ఉండేవి. ఆ సర్పం చుట్టల మీద నిద్రిస్తుండగా, సముద్రం అడుగునుండి వచ్చిన ఝంమనే శబ్దంతో విష్ణువు మేల్కొన్నాడు. ఆయన నాభి నుండి ఒక తామర మొక్క మొలిచింది. ఆ తామర పువ్వు మధ్యలో విష్ణు సేవకుడు బ్రహ్మ కూర్చుని ఉన్నాడు. విష్ణువు లోకాన్ని సృష్టించమని బ్రహ్మని ఆజ్ఞాపించగా, బ్రహ్మ దానిని పాటించాడు. అదే పనిలో సర్వప్రాణులనూ సులువుగా సృష్టించాడు.

   ఈ సృష్టి పురాణాలన్నిటిలో నాకు కొంచెం నిరాశ కలిగించే విషయం ఏంటంటే, అసలు ఈ విశ్వం పుట్టక ముందే ఏదో ఒక ప్రాణి ఉందని ఇవి చెప్తాయి. అది బంబ కావచ్చు, బ్రహ్మ కావచ్చు, పాన్ గు కావచ్చు లేదా అన్కులుకులు (జులు సృష్టికర్త), అబాసి (నైజీరియా), లేదా ‘ఓల్డ్ మ్యాన్ ఇన్ ది స్కై’ (కెనడాలోని రెడ్ ఇండియన్ తెగ) కావచ్చు. ఈ సృష్టికర్త తన పని మొదలుపెట్టడానికి ఒక చోటు ఉండాలి కదా, అంటే ముందే ఏదో ఒక విశ్వం ఉండాలి అని అనిపించడం లేదా? ఈ విశ్వ సృష్టికర్త అసలు ఎలా పుట్టాడో ఏ పురాణమూ వివరించదు. పైగా, ఆ సృష్టికర్తను దాదాపు ఎప్పుడూ పురుషుడిగానే ఊహిస్తారు.

   అందుకే వీటి వల్ల మనకు పెద్దగా ఉపయోగం లేదు. దానికి బదులుగా, ఈ విశ్వం నిజంగా ఎలా మొదలైందో మనకు తెలిసిన కథను చూద్దాం.”
   – (అనువాదం AI సహకారంతో)

   డాకిన్స్ ఆక్స్ ఫర్డ్ విశ్వవిద్యాలయంలో మొదటి సైమొనీ ప్రొఫెసర్ ఫర్ ది పబ్లిక్ అండర్‌స్టాండింగ్ ఆఫ్ సైన్స్ గా పనిచేశాడు.

   కొడవళ్ళ హనుమంతరావు

   [1] “The Magic of Reality: How We Know What’s Really True.” Richard Dawkins. Illustrated by Dave McKean. Free press. 2011. ఇండియాలో దొరికే ఎడిషన్ లో చక్కని బొమ్మలున్నాయి.

9. గణానాం త్వా గణపతిం – తెలుగు అనువాదం గురించి Kameswara Rao Talluri అభిప్రాయం:

   04/03/2026 9:26 am

   చాలా చక్కని తెనుగు సేత. గానము కూడ అద్భుతం

10. కళాసాగరం కర్ణాటకం-3 గురించి Voleti Venkata Narsimha Murthy అభిప్రాయం:

    04/03/2026 12:38 am

    మీ కథనం బాగుంటుంది. తీసుకున్న వస్తువు, చెప్పే దృక్కోణం దీనికి నప్పాయి.