గూడు వదలాలంటే భయం
అడుగు వెయ్యాలంటే భయం
ఎవరికో ఎక్కుపెట్టబడ్డ బాణం
గుండెల్లో గుచ్చుకుంటుందని కాదు
నిన్నటిలా ఎగరాలంటే భయం
నింగి నీలంలో ఈదాలంటే భయం
కొత్తకొత్త సుడిగుండాలు కళ్ళుతెరిచి
చిత్తడి గుహల్లోకి లాగేస్తాయనీ కాదు
లెక్కలేనన్ని చిదుగుల్నీ
అంటి పెట్టుకున్న ఆకుల్నీ
ఆనవాలు పట్టలేని ఆకృతుల్నీ
సమీక్షించలేనన్ని సవ్వడుల్నీ
సమీకరించుకున్న ఆత్మీయతా
వాసం గూర్చి అసలు భయం !