బెజ్జాల కృష్ణ మోహన రావు గారూ! మీ పరిశ్రమకీ, చందస్సు మీది మీ అనురక్తికీ అద్దం పడుతున్నది ఈ మీ వ్యాసం. వ్యాసం అద్భుతంగా “ఉన్నట్టుంది”. ఇదేమి వాక్యం అనుకోకండి. ఓపికతోనే ఆగి ఆగి నెమ్మదిగా మీ వ్యాసం చదివాను. నాకు చందస్సు కొద్దో గొప్పో తెలుసని ఇదివరకూ అనుకునేదాన్ని. ఈ వ్యాసం చదివాకా నాకు ఏమంతగా తెలియదని అర్ధమయ్యింది. ఇది మొదటి సంగతి. “చందస్సు ఒక మహా సాగరము” అని మీరు చెప్పారు గనక నాకు మరీ తెలియనందుకు నేను అంతగా బాధ పడలేదు. కానీ ఇంత మంచి వ్యాసం నాకు సరిగ్గా ఎందుకని అర్ధం కాలేదో అనుకున్నాను. బహుశా ఈ వ్యాసం అర్ధం కావలెనన్న వారికి గణితశాస్త్రం కూడా తెలియాలి కాబోలని నాకు నేను నచ్చచెప్పుకున్నాను. ఎందుకంటే నాకు లెఖ్ఖలు రావు. నేను ఆ విషయంలో సంపూర్తిగా మూఢురాలిని. ఇదే కారణం అయితే మీ వ్యాసం అర్ధం కావాలంటే నా లాంటి ఇతరులకు కూడా బహుశా కష్టమే కావొచ్చు. అప్పుడెలా??
అయితే ఇందులో నాకు నచ్చినది. “విరహాంకుడు” అన్న పేరు నాకు కొత్తగానూ ప్రీతిగానూ అనిపించింది 🙂 . చందస్సుని గురించి విశదీకరిస్తూ నాగవర్మ “కరుహదళేక్షణే” అని ఉద్దేశ్యించి పద్యం చెప్పడం సరదాగా అనిపించింది. చివరగా కనీశం చందస్సులోనైనా ఒకే చందస్సునకి అటు”విప్రుల” పేరూ ఇటూ “నరేంద్రుల” పేరూ సమానంగా కలిపిన ఏర్పాటు చూసి, అలా కులాల మధ్య ఒక ఐక్యతని ఆనాటి వారు సాధించుకున్నారనిపించింది 🙂
నాకు గణితంతో కలిసిన ఇందులోని విషయం తెలియకపోతేనేం గాక! మీరిచ్చిన పిలుపు ” వసంతకాలము వచ్చెనుకాదా!! రసార్ణవ మిక బ్రతుకగు గాదా !! అన్నది చూసి ఉల్లాసం కలిగింది 🙂
రమ.
బసవరాజు గారు వ్యక్తిగతంగా తెలుసు. భేషజం లేని, పెద్ద మనసుగల పెద్దమనిషి. మీరన్నట్టు, ఆయన రచనలలో ముళ్ళపూడి తొంగి చూడకుండ ఉండుంటే బాగుండేది. చాలా కాలం క్రితం ఒక సంకలనంలో విలువలు చదివాను. ఇంకా గుర్తుంది. గుర్తుంటుంది. మేధావి రచయిత. మీకు వత్తాసు ఇస్తున్నాను.
సర్వాంగ సుందరముగా నున్నది మీ సంచిక. ఒక చిన్న మనవి. అనువాద కథల, వ్యాసముల మూల రచయిత పేరును కూడ ముఖపత్రంలో తెలియజేస్తే బాగుంటుందేమో? అప్పుడు ఆ రచనను జ్ఞాపకము పెట్టుకోడానికి అనువుగా నుంటుంది. విధేయుడు – మోహన
అమ్మయ్య! ఎన్నాళ్ళకెన్నాళ్ళకి! గణితశాస్త్రం + చందస్సు కలిపేసిన గొప్పవ్యాసం! అయితే, మీ గణితశాస్త్ర ప్రతిభ, చందస్సుతో మీకున్న పరిచయం కలిపి ఇంగ్లీషులోకి ఎప్పుడు తెస్తారు? గ్రూప్ థీరీకి చందస్సుతో పెళ్ళిచేసి ఇంగ్లీషులో పుస్తకం తెమ్మని, ఎంత వేగిరంగా వేవేగిరంగా తెస్తే అంత మంచిదనీ ఈమాట పత్రికా ముఖంగా నామాట మళ్ళీనూ!
“శ్రీపాదతో నూకల మూర్తి తదితరులు” అన్న వాక్యం ఉన్న ఫోటోలో ఉన్నది నేదునూరి కృష్ణమూర్తి, స్వామి సచ్చిదానందమూర్తి గారలు. నూకల చినసత్యనారాయణ ఆ పోటోలో లేరు. సవరించగలరు.
“పలుకుతేనెలతల్లి” లో శ్రీపాదవారి గొంతు రమణీయంగా ఉంది. నేదునూరి మనోధర్మ సంగీతం పై ఆయన గురువు గారి ప్రభావం స్పష్టం గా వినిపిస్తూ ఉంటుంది.
సున్నితమైన హాస్యన్ని సునిశితముగా కథలో చక్కగా పండించారు. భానుమతిగారి కథలను గుర్తుకు తెచ్చారు
ఒక మంచి కథను చదివిన అనుభూతిని మిగిల్చారు. మీ నుంచి ఇంకా ఎన్నో ఇటువంటి కథలు రావలని ఆశిస్తూ.
—– మంగు శివ రాం ప్రసాద్ , విశాఖపట్టణం
దాడి తులసి గారి “దాడి” చూసి కలిగిన కుతూహలంతో వెనక్కి వెళ్ళి ఈ ఆడియోని విన్నాను. ఆవిడ అభిప్రాయం కారణం గా నేను ఇన్నేళ్ళూ వినని ఈ టేపుని వినగలిగినందుకు ముందుగా తులసి గారికి థాంక్స్ చెబుతున్నాను.
అలాగే పరుచూరి శ్రీనివాస్ గారికీ మాధవ్ మాచవరం గారికీ కూడా నా సంతోషాన్ని తెలియజేసుకుంటున్నాను. రజని అడిగిన “మెత్త మెత్తని” ప్రశ్నలకి పాపం చలం ఏం అవస్థ పడ్డాడో జవాబులు చెబుతున్నప్పుడు అని నవ్వొచ్చింది. ఇంటర్వూ చేసిన కాలాన్ని కూడా ఈమాట వారు ఇవ్వగలిగితే బాగుండి ఉండేది. చలం అంతర్ముఖత్వం స్పష్టంగా వినిపిస్తూంది చివరాఖరుకి , అలాగే చలం మీద చెప్పిన విశ్వనాధ, శ్రీశ్రీ ల అభిప్రాయాలు సైతం ప్రత్యేకంగా ఉన్నాయి. బాగున్నాయి. గొప్పగా ఉన్నాయి. ముఖ్యంగా “చెలియలికట్ట” రాసిన విశ్వనాధ, చలం గురించి చెప్పిన వాక్యాలు ఎవరైనా ఎక్కడైనా పునరుద్ఘాటించవలసినవి.
తులసి గారూ!! మీ అభిప్రాయం మీద నేను అభిప్రాయం చెప్పాలని మాత్రం కాదు, అలాగే చలాన్ని ఇవాళేదో ప్రత్యేకంగా నిర్వచించాలనీ కూడా కాదు, లేదా సమర్ధించాలని కూడా కాదు. కానీ గమనించండి మీరు, చలం వివాహ వ్యవస్థని నమ్మిన వాడు కాదు. దాన్ని ఆచరించిన వాడూ కాదు. తన కూతుళ్లకి ఎప్పుడూ ఆయన పెళ్ళి ఊసు తలపెట్ట లేదు సరికదా పెళ్ళిళ్ళు చేసుకోకండని వారితో చెప్పిన వాడు. తాను నమ్మిన వాటినే ఆయన ఆచరించి బతికాడు. వివాహవ్యవస్థ మీద తిరుగుబాటు చేసిన వ్యక్తిని మనం ఆ ప్రమాణాలతో చూసే వీలు లేదు. చలం రాసిన వాటిని మీరు ఒప్పుకోకపోవచ్చు. చలాన్ని మీరు విమర్శించవచ్చు. కానీ చలం ఒక గృహస్తు లాగా బతకడానికో, అలాంటి ఒక విషయాన్ని “ఆదర్శం” గా చూపించడానికో ఏనాడూ ప్రయత్నం కూడా చేయలేదు. అందుకోసం ఆయన తన రచనలు చేయలేదు. రజనికాంత రావుగారు చలంతో ఆయన వెనకటి రచనల ప్రస్తావన చెసినప్పుడు చలం మళ్ళీ ఆ రచనలనే చేయవలసి వస్తే అంతకన్నా మరింత ఘాటుగా ఎలా రాయాలా అని ఆలోచిస్తానని అన్నాడు! అలాంటి వారితో కలిసి జీవించడం ఆయన భార్యకి అంత సులువైన విషయమేమీ కాదు, నిజమే. అయినా, ఆవిడ మీరు ఆశించినట్టు గా ఎందుకని “విముక్తి” అనుకుంటూ ఇల్లు వదిలి బయటికి వెళ్ళిపోలేదో! మీరు చూడని అంశమేదో ఆమె తన భర్తలో బహుశా చూడగలిగిందేమో మరి! లేకపోతే రంగనాయకమ్మ గారు అన్నేళ్ళు చలంతో సహజీవనం చేయగలిగేది కాదు కదా?
మీరు చలాన్ని విమర్శించిన దానికన్నా ఎక్కువగా చలం తనని తాను విమర్శించుకున్నాడు. ఆయన తన ఆత్మకధని మొదలుపెడుతూ అన్న మాటలని ఎప్పుడైనా చదివిచూడండి. ఆయన అభిప్రాయాలు ఆయన రాసిన “బిడ్దల శిక్షణ” లోనీ “స్త్రీ” లోనీ ఆయన ఆత్మకధ లోనీ స్పష్టం గానే ఉన్నాయి.
చలం వివాదాస్పదం కావడానికి ఆయన “శృంగారం” గురించి రాయడం కారణం కాదు. చలం కన్నా ముందు తెలుగు సాహిత్యం నిండా ఉన్నది శృంగారమే!! వాటిని ఎవరూ తిట్టలేదేం? ఎందుకంటారూ?? ఎందుకంటే వాటి పాఠక వర్గం లో స్త్రీలు లేరు. కనీశం స్త్రీలు ఉండొచ్చును అన్న స్పృహ కూడా ఆ ప్రాచీన “శృంగార” రచయితలకి లేదు. ప్రాచీనమేం ఖర్మ ఆధునిక రచయితలకీ చాలామందికి లేదు. ఆనాటి రచనలన్నీ పురుషుల కోసం పురుషులు రాసుకున్న శృంగార రచనలు. కొద్దో గొప్పో స్త్రీలు రాసినా వారు కూడా ఆ శృంగార చట్రాన్నే ఒప్పేసుకుని ఆ తరహాలోనే తాము సైతం రచించిన శృంగారం! కానీ చలం రచనల్లోని స్త్రీపురుష సంబంధాలు అంతకు మునుపటి రచనలలో లేనివి. స్త్రీల అనుభవం గురించిన ఆలోచనలని తొలిగా సాహిత్యంలో ప్రస్తావన చేసిన రచయిత వెంకటచలంగారే ! ఆయన రాసిన వాటిని బాహాటంగానో, రహస్యంగానో ఎలాగో అలాగ ఆయన కాలం నాటి స్త్రీలు మాత్రం స్వయంగా చదివారు. చదవడమే కాదు వాటిని వారు నచ్చుకున్నారు. ఆ రాసిన వ్యక్తిని కలవడానికీ ఆయనని చూడడానికీ ఆయనతో మాట్లాడడానికీ తెలుగు సమాజం లోని స్త్రీలు స్వతంత్రించి ధైర్యంగా ప్రయత్నం కూడా చేశారు. దీనినే “ప్రభావితం కావడం” అని అంటారు. ఇలా కేవలం “శృంగారం” రాయడం మాత్రమే కాక ఆయా స్త్రీలు మోస్తున్న కుటుంబవ్యవస్థ లోని లోటుపాట్లని చలం బయట పెట్టడం వలన, వాటిని చదివిన ఆడవాళ్ళు ఎక్కడ కుటుంబాలని వదిలి వెళ్ళిపోతారో అని తెలుగు సమాజం కలత చెంది చలాన్నీ, అతని రచనలనీ నిందించడం జరిగింది. కానీ పాపం! ఏదీ? చలం రచనలని చదివి ఏ భార్యా కుటుంబాలని వదిలి వెళ్ళిపోలేదు. చివరికి చలం భార్యతో సహా 🙂
ఛందస్సులో గణితాంశములు గురించి rama bharadwaj అభిప్రాయం:
09/02/2012 12:18 am
బెజ్జాల కృష్ణ మోహన రావు గారూ! మీ పరిశ్రమకీ, చందస్సు మీది మీ అనురక్తికీ అద్దం పడుతున్నది ఈ మీ వ్యాసం. వ్యాసం అద్భుతంగా “ఉన్నట్టుంది”. ఇదేమి వాక్యం అనుకోకండి. ఓపికతోనే ఆగి ఆగి నెమ్మదిగా మీ వ్యాసం చదివాను. నాకు చందస్సు కొద్దో గొప్పో తెలుసని ఇదివరకూ అనుకునేదాన్ని. ఈ వ్యాసం చదివాకా నాకు ఏమంతగా తెలియదని అర్ధమయ్యింది. ఇది మొదటి సంగతి. “చందస్సు ఒక మహా సాగరము” అని మీరు చెప్పారు గనక నాకు మరీ తెలియనందుకు నేను అంతగా బాధ పడలేదు. కానీ ఇంత మంచి వ్యాసం నాకు సరిగ్గా ఎందుకని అర్ధం కాలేదో అనుకున్నాను. బహుశా ఈ వ్యాసం అర్ధం కావలెనన్న వారికి గణితశాస్త్రం కూడా తెలియాలి కాబోలని నాకు నేను నచ్చచెప్పుకున్నాను. ఎందుకంటే నాకు లెఖ్ఖలు రావు. నేను ఆ విషయంలో సంపూర్తిగా మూఢురాలిని. ఇదే కారణం అయితే మీ వ్యాసం అర్ధం కావాలంటే నా లాంటి ఇతరులకు కూడా బహుశా కష్టమే కావొచ్చు. అప్పుడెలా??
అయితే ఇందులో నాకు నచ్చినది. “విరహాంకుడు” అన్న పేరు నాకు కొత్తగానూ ప్రీతిగానూ అనిపించింది 🙂 . చందస్సుని గురించి విశదీకరిస్తూ నాగవర్మ “కరుహదళేక్షణే” అని ఉద్దేశ్యించి పద్యం చెప్పడం సరదాగా అనిపించింది. చివరగా కనీశం చందస్సులోనైనా ఒకే చందస్సునకి అటు”విప్రుల” పేరూ ఇటూ “నరేంద్రుల” పేరూ సమానంగా కలిపిన ఏర్పాటు చూసి, అలా కులాల మధ్య ఒక ఐక్యతని ఆనాటి వారు సాధించుకున్నారనిపించింది 🙂
నాకు గణితంతో కలిసిన ఇందులోని విషయం తెలియకపోతేనేం గాక! మీరిచ్చిన పిలుపు ” వసంతకాలము వచ్చెనుకాదా!! రసార్ణవ మిక బ్రతుకగు గాదా !! అన్నది చూసి ఉల్లాసం కలిగింది 🙂
రమ.
విలువలు: కథ నచ్చిన కారణం గురించి Navuluri Venkateswara Rao అభిప్రాయం:
09/01/2012 10:58 pm
బసవరాజు గారు వ్యక్తిగతంగా తెలుసు. భేషజం లేని, పెద్ద మనసుగల పెద్దమనిషి. మీరన్నట్టు, ఆయన రచనలలో ముళ్ళపూడి తొంగి చూడకుండ ఉండుంటే బాగుండేది. చాలా కాలం క్రితం ఒక సంకలనంలో విలువలు చదివాను. ఇంకా గుర్తుంది. గుర్తుంటుంది. మేధావి రచయిత. మీకు వత్తాసు ఇస్తున్నాను.
నవులూరి వెంకటేశ్వర రావు
ఈమాట సెప్టెంబర్ 2012 సంచికకు స్వాగతం! గురించి మోహన అభిప్రాయం:
09/01/2012 7:26 pm
సర్వాంగ సుందరముగా నున్నది మీ సంచిక. ఒక చిన్న మనవి. అనువాద కథల, వ్యాసముల మూల రచయిత పేరును కూడ ముఖపత్రంలో తెలియజేస్తే బాగుంటుందేమో? అప్పుడు ఆ రచనను జ్ఞాపకము పెట్టుకోడానికి అనువుగా నుంటుంది. విధేయుడు – మోహన
ఛందస్సులో గణితాంశములు గురించి Veluri Venkateswara Rao అభిప్రాయం:
09/01/2012 4:06 pm
అమ్మయ్య! ఎన్నాళ్ళకెన్నాళ్ళకి! గణితశాస్త్రం + చందస్సు కలిపేసిన గొప్పవ్యాసం! అయితే, మీ గణితశాస్త్ర ప్రతిభ, చందస్సుతో మీకున్న పరిచయం కలిపి ఇంగ్లీషులోకి ఎప్పుడు తెస్తారు? గ్రూప్ థీరీకి చందస్సుతో పెళ్ళిచేసి ఇంగ్లీషులో పుస్తకం తెమ్మని, ఎంత వేగిరంగా వేవేగిరంగా తెస్తే అంత మంచిదనీ ఈమాట పత్రికా ముఖంగా నామాట మళ్ళీనూ!
మిత్రుడు వేవే
గానవిద్యా వారిధి: డా. శ్రీపాద పినాకపాణి గురించి rama bharadwaj అభిప్రాయం:
09/01/2012 2:33 pm
“శ్రీపాదతో నూకల మూర్తి తదితరులు” అన్న వాక్యం ఉన్న ఫోటోలో ఉన్నది నేదునూరి కృష్ణమూర్తి, స్వామి సచ్చిదానందమూర్తి గారలు. నూకల చినసత్యనారాయణ ఆ పోటోలో లేరు. సవరించగలరు.
“పలుకుతేనెలతల్లి” లో శ్రీపాదవారి గొంతు రమణీయంగా ఉంది. నేదునూరి మనోధర్మ సంగీతం పై ఆయన గురువు గారి ప్రభావం స్పష్టం గా వినిపిస్తూ ఉంటుంది.
రమ.
[తప్పు సరిదిద్దాము. పట్టించినందుకు కృతజ్ఞతలు – సం.]
విశ్వనాథగారితో వేదాంత చర్చ గురించి srinivasaraov,khammam అభిప్రాయం:
09/01/2012 2:15 pm
చాలా బాగుందండి. జీవిత సారాన్ని తెల్చి చెప్పారు. ఎక్కడి మాటర్, ఎక్కడి శక్తి.
చాలా నచ్చింది.
గానవిద్యా వారిధి: డా. శ్రీపాద పినాకపాణి గురించి chavakiran అభిప్రాయం:
09/01/2012 12:31 pm
శ్రీపాద పినాకపాణి వారి ఈపుస్తకాలు ఇక్కడ http://kinige.com/kbrowse.php?via=author&name=Dr.+Sripada+Pinakapani&id=155
కళాపూర్ణోదయం -4: సుగాత్రీశాలీనులు గురించి mangu sivaram prasad అభిప్రాయం:
09/01/2012 5:38 am
కళా పూర్ణోదయంలొని సుగాత్రీ శాలీనుల ఉపాఖ్యానం ఎంతో రసవత్తరమైనది. ఇటివంటి అద్భుతమైన ప్రభంథాన్ని సరళమైన వచనంలో అందిస్తున్నందుకు ధన్యవాదాలు.
—మంగు శివ రాం ప్రసాద్, విశాఖపట్టణం
ఉరుము ఉరిమి… గురించి mangu sivaram prasad అభిప్రాయం:
09/01/2012 5:08 am
సున్నితమైన హాస్యన్ని సునిశితముగా కథలో చక్కగా పండించారు. భానుమతిగారి కథలను గుర్తుకు తెచ్చారు
ఒక మంచి కథను చదివిన అనుభూతిని మిగిల్చారు. మీ నుంచి ఇంకా ఎన్నో ఇటువంటి కథలు రావలని ఆశిస్తూ.
—– మంగు శివ రాం ప్రసాద్ , విశాఖపట్టణం
చలంతో రజని ముఖాముఖి గురించి rama bharadwaj అభిప్రాయం:
08/30/2012 2:45 pm
దాడి తులసి గారి “దాడి” చూసి కలిగిన కుతూహలంతో వెనక్కి వెళ్ళి ఈ ఆడియోని విన్నాను. ఆవిడ అభిప్రాయం కారణం గా నేను ఇన్నేళ్ళూ వినని ఈ టేపుని వినగలిగినందుకు ముందుగా తులసి గారికి థాంక్స్ చెబుతున్నాను.
అలాగే పరుచూరి శ్రీనివాస్ గారికీ మాధవ్ మాచవరం గారికీ కూడా నా సంతోషాన్ని తెలియజేసుకుంటున్నాను. రజని అడిగిన “మెత్త మెత్తని” ప్రశ్నలకి పాపం చలం ఏం అవస్థ పడ్డాడో జవాబులు చెబుతున్నప్పుడు అని నవ్వొచ్చింది. ఇంటర్వూ చేసిన కాలాన్ని కూడా ఈమాట వారు ఇవ్వగలిగితే బాగుండి ఉండేది. చలం అంతర్ముఖత్వం స్పష్టంగా వినిపిస్తూంది చివరాఖరుకి , అలాగే చలం మీద చెప్పిన విశ్వనాధ, శ్రీశ్రీ ల అభిప్రాయాలు సైతం ప్రత్యేకంగా ఉన్నాయి. బాగున్నాయి. గొప్పగా ఉన్నాయి. ముఖ్యంగా “చెలియలికట్ట” రాసిన విశ్వనాధ, చలం గురించి చెప్పిన వాక్యాలు ఎవరైనా ఎక్కడైనా పునరుద్ఘాటించవలసినవి.
తులసి గారూ!! మీ అభిప్రాయం మీద నేను అభిప్రాయం చెప్పాలని మాత్రం కాదు, అలాగే చలాన్ని ఇవాళేదో ప్రత్యేకంగా నిర్వచించాలనీ కూడా కాదు, లేదా సమర్ధించాలని కూడా కాదు. కానీ గమనించండి మీరు, చలం వివాహ వ్యవస్థని నమ్మిన వాడు కాదు. దాన్ని ఆచరించిన వాడూ కాదు. తన కూతుళ్లకి ఎప్పుడూ ఆయన పెళ్ళి ఊసు తలపెట్ట లేదు సరికదా పెళ్ళిళ్ళు చేసుకోకండని వారితో చెప్పిన వాడు. తాను నమ్మిన వాటినే ఆయన ఆచరించి బతికాడు. వివాహవ్యవస్థ మీద తిరుగుబాటు చేసిన వ్యక్తిని మనం ఆ ప్రమాణాలతో చూసే వీలు లేదు. చలం రాసిన వాటిని మీరు ఒప్పుకోకపోవచ్చు. చలాన్ని మీరు విమర్శించవచ్చు. కానీ చలం ఒక గృహస్తు లాగా బతకడానికో, అలాంటి ఒక విషయాన్ని “ఆదర్శం” గా చూపించడానికో ఏనాడూ ప్రయత్నం కూడా చేయలేదు. అందుకోసం ఆయన తన రచనలు చేయలేదు. రజనికాంత రావుగారు చలంతో ఆయన వెనకటి రచనల ప్రస్తావన చెసినప్పుడు చలం మళ్ళీ ఆ రచనలనే చేయవలసి వస్తే అంతకన్నా మరింత ఘాటుగా ఎలా రాయాలా అని ఆలోచిస్తానని అన్నాడు! అలాంటి వారితో కలిసి జీవించడం ఆయన భార్యకి అంత సులువైన విషయమేమీ కాదు, నిజమే. అయినా, ఆవిడ మీరు ఆశించినట్టు గా ఎందుకని “విముక్తి” అనుకుంటూ ఇల్లు వదిలి బయటికి వెళ్ళిపోలేదో! మీరు చూడని అంశమేదో ఆమె తన భర్తలో బహుశా చూడగలిగిందేమో మరి! లేకపోతే రంగనాయకమ్మ గారు అన్నేళ్ళు చలంతో సహజీవనం చేయగలిగేది కాదు కదా?
మీరు చలాన్ని విమర్శించిన దానికన్నా ఎక్కువగా చలం తనని తాను విమర్శించుకున్నాడు. ఆయన తన ఆత్మకధని మొదలుపెడుతూ అన్న మాటలని ఎప్పుడైనా చదివిచూడండి. ఆయన అభిప్రాయాలు ఆయన రాసిన “బిడ్దల శిక్షణ” లోనీ “స్త్రీ” లోనీ ఆయన ఆత్మకధ లోనీ స్పష్టం గానే ఉన్నాయి.
చలం వివాదాస్పదం కావడానికి ఆయన “శృంగారం” గురించి రాయడం కారణం కాదు. చలం కన్నా ముందు తెలుగు సాహిత్యం నిండా ఉన్నది శృంగారమే!! వాటిని ఎవరూ తిట్టలేదేం? ఎందుకంటారూ?? ఎందుకంటే వాటి పాఠక వర్గం లో స్త్రీలు లేరు. కనీశం స్త్రీలు ఉండొచ్చును అన్న స్పృహ కూడా ఆ ప్రాచీన “శృంగార” రచయితలకి లేదు. ప్రాచీనమేం ఖర్మ ఆధునిక రచయితలకీ చాలామందికి లేదు. ఆనాటి రచనలన్నీ పురుషుల కోసం పురుషులు రాసుకున్న శృంగార రచనలు. కొద్దో గొప్పో స్త్రీలు రాసినా వారు కూడా ఆ శృంగార చట్రాన్నే ఒప్పేసుకుని ఆ తరహాలోనే తాము సైతం రచించిన శృంగారం! కానీ చలం రచనల్లోని స్త్రీపురుష సంబంధాలు అంతకు మునుపటి రచనలలో లేనివి. స్త్రీల అనుభవం గురించిన ఆలోచనలని తొలిగా సాహిత్యంలో ప్రస్తావన చేసిన రచయిత వెంకటచలంగారే ! ఆయన రాసిన వాటిని బాహాటంగానో, రహస్యంగానో ఎలాగో అలాగ ఆయన కాలం నాటి స్త్రీలు మాత్రం స్వయంగా చదివారు. చదవడమే కాదు వాటిని వారు నచ్చుకున్నారు. ఆ రాసిన వ్యక్తిని కలవడానికీ ఆయనని చూడడానికీ ఆయనతో మాట్లాడడానికీ తెలుగు సమాజం లోని స్త్రీలు స్వతంత్రించి ధైర్యంగా ప్రయత్నం కూడా చేశారు. దీనినే “ప్రభావితం కావడం” అని అంటారు. ఇలా కేవలం “శృంగారం” రాయడం మాత్రమే కాక ఆయా స్త్రీలు మోస్తున్న కుటుంబవ్యవస్థ లోని లోటుపాట్లని చలం బయట పెట్టడం వలన, వాటిని చదివిన ఆడవాళ్ళు ఎక్కడ కుటుంబాలని వదిలి వెళ్ళిపోతారో అని తెలుగు సమాజం కలత చెంది చలాన్నీ, అతని రచనలనీ నిందించడం జరిగింది. కానీ పాపం! ఏదీ? చలం రచనలని చదివి ఏ భార్యా కుటుంబాలని వదిలి వెళ్ళిపోలేదు. చివరికి చలం భార్యతో సహా 🙂
రమ.