పాఠకుల అభిప్రాయాలు

Total Comments: 16453

1. రాగాలూ స్వరాలూ గురించి Rohiniprasad అభిప్రాయం:

   07/18/2008 12:05 am

   సంగీతానికి అందరూ ఒకేలా స్పందించకపోవచ్చు. ఎలా స్పందిస్తున్నాం అనేదాన్ని గురించి విశ్లేషణ కూడా అనవసరం అనిపించవచ్చు. మూడ్ ని బట్టి భక్తిసంగీతం, తిల్లానాలూ అన్నీ సందర్భానుసారం బాగున్నాయనిపించవచ్చు. ఒకే విద్వాంసుడు ఒకే కచేరీలో ఆలాపన, గమకాలు, స్వరకల్పన, తాళవిన్యాసాలూ అన్నిటిలోనూ తనకున్న ప్రతిభను కనబరిచే ప్రయత్నం చేస్తాడు. శ్రోతల attention తగ్గకుండా చూస్తాడు. ఉదాహరణకు, లయ మీద ఎంత ఆసక్తి ఉన్నప్పటికీ మూడుగంటలు కూర్చుని కేవలం తాళవాద్య కచేరీలు విని ఆనందించేవారు తక్కువే ఉంటారు. అలాగే తీగసాగుతున్నట్టుగా నింపాదిగా సాగే ఆలాపన కూడా మితిమీరనప్పుడే బావుంటుంది. (ధ్రుపద్ శైలికి ఈనాడు ఆదరణ తగ్గడం అందుకే)

   ఎక్కువమంది తెలుగువారు శాస్త్రీయసంగీతానికి మహేశ్ కుమార్ గారిలాగా రియాక్టవుతారు. ఎందుకంటే దక్షిణాది సంగీతంలో ఎక్కువగా తెలుగు కీర్తనలే వినిపిస్తాయి కనక. అదే ఏ పురందరదాసు కన్నడ రచనో, పాపనాశం శివన్ తమిళ రచనో అయితే ఏమవుతుంది? సాహిత్యం వినబడని వాద్యసంగీతం విన్నప్పుడు ఏమనిపిస్తుంది? సితార్ తదితర హిందుస్తానీ వాయిద్యాలు సాధన చేసేవారికి గత్ లు తప్ప సాహిత్యంతో అసలు సంబంధమే ఉండదు. వీరంతా విని, ఆనందించించి, ఆస్వాదించేది ప్యూర్ రాగసంగీతమే. వర్చువల్ రియాలిటీ అనడంలో నా ఉద్దేశం అదే. (‘అలౌకికానందం’ అనడం నాకు కాస్త పట్టిస్తుంది!)

   Babjeelu గారు ప్రస్తావించినవి: జానపదులది (సంగీతమైనా, సాహిత్యమైనా) ‘దేశి’ మార్గం. పండితులది ‘మార్గ’ పద్ధతి. శ్రావ్యత అనేమాటని మెలొడీ అనే అర్థంలో వాడారా? (మీరు చెన్నైలో ఉంటారా? మీరు చెప్పిన బాలమురళి అహీర్ భైరవ్ తిల్లానా, చిట్టిబాబు రికార్డూ వగైరాలన్నీ బావుంటాయి.) క్లాసికల్, లలిత సంగీతం, మంచి సినిమా పాటలూ అన్నీ వేటికవిగా విని ఆనందించవచ్చు. పాతతరం సంగీతదర్శకులు తమ కాలంలో లభ్యమైన ఉత్తమ సంగీత సంస్కారాన్ని జీర్ణం చేసుకునే ప్రయత్నం చేశారు. ఆ రోజుల్లో వ్యాపారధోరణి లేదనికాదు. ఈరోజుల్లో అటువంటి చిత్తశుద్ధి ఎక్కడా కనబడదు. ఇప్పటి మ్యూజిక్ డైరెక్టర్ల ‘డౌన్ లోడ్’ సంస్కారాన్ని అసహ్యించుకునేవారిలో మా బంధువు మాధవపెద్ది సురేశ్ కూడా ఉన్నాడు. నా కామెంట్లు ఈ ధోరణి గురించినవే.

2. 88 ఏళ్ళ యువకులు గురించి Rohiniprasad అభిప్రాయం:

   07/17/2008 9:01 pm

   ఆంధ్రజ్యోతి డైలీలో రజనీగారి గురించిన వ్యాసం వచ్చింది.
   http://www.andhrajyothy.com/mainshow.asp?qry=/2008/jul/18sak2

   దీనికీ, ఇంతకు మునుపు ఈనాడులో చందమామ గురించి వచ్చిన కవరేజికీ స్ఫూర్తి నిస్సందేహంగా ‘ఈమాట‘ పత్రికదే! Kudos to eemaata.com!

3. రాగాలూ స్వరాలూ గురించి Dwibhashyam Agasthyeswar అభిప్రాయం:

   07/17/2008 1:00 pm

   అసలు సంగీతము గురించి తెలియక పొయినా పాట వినచ్చు.
   రచయిత చక్కగా మనకి విషయములు తెలిపారు.
   శ్రీ సంగీతరావు గారు ఒకప్పుడు జానపదములు శాస్త్రీయ సంగీతముకు మూలము అని అన్నారు . ఆందు వల్ల మనము సంగీతము విని ఆనందించక ఈ చర్చలు ఎందుకు? రచయితని
   అభినందిద్దాము.

4. గడియారపు ముల్లులు గురించి baabjeelu అభిప్రాయం:

   07/17/2008 11:53 am

   ఇంతకు ముందు మీ తడి వున్న వూహల్ని చదివి, ఇదీ మొదలెట్టేను
   మీరూ, రవికిరణూ వగైరాలందరూ “పొలై పొలై” కవిత్వానికి బానిసలయిపోయేరు.
   మంచి అనుభూతి, అనుభవం ఎదురవగానే “పొలై పొలై” అంటూ మొదలెట్టెస్తే ఎలా?
   గురజాడ ముందు చందోబధ్ధంగా రాసీ కవులు ఇలాగే రాసేవారు. అందుకే ముత్యాల సరాలు వెతుక్కోవలసొచ్చింది ఆయనకి.
   మీరూ, రవికిరణూ వగైరాలందరూ ఇలాగే రాయండి వచన కవిత్వం ఏవవుతుందో?
   దయచేసి ఒకటి గుర్తుంచుకోండి.
   లంబోదర లకుమికర వాయించడానికి సంగీత విద్వాంసుడు ఎంత కష్టపడతాడో. అందులో పది శాతం కూడా కష్టపడప్పోతే ఎలా అనుభూతిని కవిత్వంగా మలచడానికి?

5. పాటల్లో లయవిన్యాసాలు గురించి baabjeelu అభిప్రాయం:

   07/17/2008 11:30 am

   కడుపు నిండిపోయింది.
   మహాదేవన్ తెలుగు పాటలు స్వరపరిచేడు.
   నీ ఎదుట నేను, వారెదుట నీవు, మా ఎదుట ఓ మామా ఎప్పుడుంటావు.
   ఈ ట్యూను మార్చి ఇళయరాజాని కానీ రెహమాన్ని
   కానీ అద్భుతంగా వాయించమనండి చూద్దాం.
   ట్యూనుకి పాట రాసినా, పాటని ట్యూను చేసినా బాగుంటే బాగుంటుంది, అంతే కదా?
   మీరు ఒక విషయం గురించి విశదీకరించాలి, (మీరు రాయరు అయినా నేను వదల్ను) హిందీ పాటల ఆర్కెస్ట్రైజేషన్ మన పాటల కంటా ఎందుకు బాగుంటుందీ?
   ఇంకోటి, “అంచెలంచెలు లేని మోక్షము చాలా కష్టము భామినీ..” గొప్ప ఫీటు, కవి గారికీ, స్వరకర్తకీ, దర్శకుడికీ. వే.ఆ.క్రు.రంగారావుగారు రాసేరు. మీరూ రాస్తే బాగుంటుంది.
   మీరిలా జెనరల్ గా రాయడం కంటే ఒకొక్క సినిమా తీసుకుని అందులోని సంగీతం గురించి రాస్తే ఇంకా బాగుంటుంది.

6. అసామాన్య సంగీతదర్శకుడు సి.ఆర్.సుబ్బరామన్ గురించి baabjeelu అభిప్రాయం:

   07/17/2008 11:02 am

   వాస్తవికత ద్రుష్ట్యా పాటలుండాలావద్దా అనుకునే ముందు వాస్తవికత ద్రుష్ట్యా పాటల్నెలా ఇంట్రొడ్యూస్ చెయ్యాలి చూడాలి.
   శాంతారాం సినిమల్లో పాటల సంగతి చెప్పండి.
   టూకీగా చెప్పుకుంటే “దో ఆంఖే బారాహాత్” పాటల విషయం ఏవిటిట?
   “ఉమఢ్ గుమఢ్ కర్ ఆయిరె ఘటా..” పాట తో వానాకాలం, పంట చేతికి రావడం చూపించడం గొప్ప ఫీటు కాదా?
   సరిగ్గా వాడుకుంటే “చతుష్షష్టి కళలూ” సినిమాకి ఉపయోగ పడవా? చౌర్యం తో సహా.
   సుబ్బరామన్ గారికి దండం పెట్టుకోడం తప్ప ఇప్పుడేం చెయ్యగలం.
   ఈసారి దేవదాసు పాటలు మాపిల్లలకి వినిపించినపుడు ఈ మహానుభావుడి గురించి చెప్పాలి.

7. గురువుల సంస్మరణ కొనసాగిస్తున్న గాయని ప్రభా అత్రే గురించి baabjeelu అభిప్రాయం:

   07/17/2008 10:39 am

   గానంచేసేవ్యక్తి కి సవాలు ఆవిడచెప్పింది నిజం.
   అయితే మీరడిగిన శాస్త్రీయ సంగీతం కి పాప్యులారిటీ పట్ల ఆవిడ సమాధానం బాధ కలిగిస్తుంది.
   పోనీ రాజదర్బారుల్లో వున్నప్పుడు, సామాన్యుడు అక్కర్లేదు. ఇప్పుడో?
   లేకపోతే సామాన్యుడు అప్పుడూ ఇప్పుడూ సామాన్యుడేనా?
   గురువుగారూ,
   సామాన్యుణ్ణి పట్టించుకోక మహా మహా సంస్క్రుతులే మట్టి కలిసిపోయేయి. బుధ్ధుడు పాళీ భాషని ఎందుకు ఎంచుకున్నాడండీ?
   వ్యావహారిక భాషోద్యమం సామాన్యుడి గురించి కాదా?
   మిమ్మల్ని “టప్పాంగుత్తు” పాటలు పాడమనటం లేదు.
   సామాన్యుడి ఖర్మ. లేకపోతే శాస్త్రీయ సంగీతం ఖర్మా?

8. సితార్‌,సుర్‌బహార్‌ల సవ్యసాచి ఉస్తాద్‌ ఇమ్రత్‌ఖాన్‌ గురించి baabjeelu అభిప్రాయం:

   07/17/2008 10:22 am

   పేదరికవే.
   పేదరికం గురించి భయవే.
   ఫ్యూజన్ సంగీతం మనకేనా? అయ్యో ఖర్మ.
   నిజెంగా పేదరికవే, పేదరికంగురించి భయవే.

9. శ్రుతిలయల నందనవనం గురించి baabjeelu అభిప్రాయం:

   07/17/2008 10:06 am

   గురువుగారూ,

   ఇంతకుముందు తెలీక అవాకులూ, చవాకులూ వ్యక్తీకరించాను. ఈ వ్యాసంలో మీరు రాసిన “కంక్లూడింగ్ పేరాగ్రాఫ్” చదివేక తెలిసింది లోతైన వేళ్ళు గురించి.

   సంగీత్ సరితా గురించి చిన్న ముచ్చట. లేకపోతే వివిధ్ భారతి గురించి:

   మా పిల్లలు, అందరి పిల్లల్లాగే, పొద్దున్న స్కూలుటైముకి తయారవడానికి చాలా ఇబ్బంది పడుతుంటే, ఏందారిరా “బగమంతుడా” అని తెగ ఆలోచించి, వివిధ్ భారతి టెక్నిక్ కనిపెట్టేను. సరిగ్గా ఏడు గంటలకి “భూలేబిసరే గీత్”. భూలేబిసరే గీత్ మొదలయిపోయింది లేవండి, లేవండి అంటే, అదేదో ఆటనుకుని లేచీ వాళ్ళు.

   అమ్మో సైగల్ పాడేస్తునాడు, ఏడున్నరయిపోయింది. సంగీత్ సరితా అయిపోయింది పావుతక్కువ ఎనిమిది. సంగీత్ సరితా ట్యూను మా పిల్లలిద్దరికీ కంఠతా.

   ఇప్పుడు వాళ్ళే “నాన్నా ఇంకా సైగల్ మొదలెట్టలేదు, నువ్వుండు” అంటున్నారు.

   దీనివల్ల ఇంకో ఎడ్వాంటేజ్ లేక డిసెడ్వాంటేజ్ ” అదేంటి, సైగల్ సైగలంటావు, మై క్యాజానూ క్యా జాదూ హై.. అలా పాడతాడు? అంటారు వాళ్ళు. “తప్పు, అలా అనకూడదంటే”, ఓకే అనేస్తారు.
   నాకే సైగల్ తెలీదు, ముఖేష్ తప్ప.

   అయితే “అప్పట్లో సైగల్ షాన్ లేపోతే కైలాష్ ఖేర్” అని నేను చెప్పినప్పుడు “అవునా” అని వాళ్ళు విచిత్రంగా నా వేపు చూస్తారు. అప్పుడు నాకు వేగుంట మోహన్ ప్రసాదు గారు మిగిలిన వాళ్ళు కలిసి ఎప్పుడో ఎనభైల్లో తెలుగు కవిత్వాన్ని ఇంగ్లీషు లోకి తర్జుమా చేసి ఆ పుస్తకానికి “టెన్స్ టైంస”ని పేరు పెట్టేరు. అద్భుతవయిన పేరు.

   వీళ్ళకి బాలసుబ్రహ్మణ్యవే పాత. ఘంటసాల దాటి, నాగయ్య, సైగల్ అంటే ప్రెజెంట్ టైం కాదు, ప్రెజెంట్ టెన్స్ కాదనిపించి ఏడవాలో నవ్వాలో తెలీక వెర్రి నవ్వు నవ్వేస్తాను.

   టెన్స్ టైం గురించి మాట్లాడండి

10. రాగాలూ స్వరాలూ గురించి baabjeelu అభిప్రాయం:

    07/17/2008 8:10 am

    మార్గ సంగీతం అంటే ఏవిటండీ? ఇంకో ముక్కకి మీరు విశదీకరించాలి. “శ్రావ్యత” అంటే. శ్రావ్యత రిలెటివ్ కాదా?
    తెల్లవారుఝామున ఏమీసేతురలింగా బావుంటుంది. ప్రపంచం పరుగులెడుతున్నపుడు అంత శ్రావ్యంగా వుండదనుకుంటున్నాను. రణగొణధ్వనులమధ్య “జరజర పాకేవిషంలా..”సరిపోతుంది. ఇది తెల్లవారుఝామున చికాగ్గ వుంటుంది. చికాగ్గావున్నప్పుడు, టిట్టిట్టిట్టీం, టిట్టిట్టిట్టీం, టిట్టిట్టిటిటిటీం, టిటిటీంటిటి టిటిటీంటిటి, టిట్టిటీం… వింటే దరిద్రం తీరిపోతుంది. చిట్టిబాబు మ్యూజింగ్స్ ఆఫ్ ఎ మ్యుజీషియన్. ఇంకో వింత. మా ఫ్రెండు, రైల్వేలో గెజిటెడ్ ఆఫీసరు, వాడు ఎంతో ఆనందవయిన మూడ్ లో “బొమ్మనుచేసీ ప్రాణము పోసీ…” అని హుషారుగా బాడీ లాంగ్వేజీ చూపిస్తూ ఆ పాటని కరెక్టుగా పాడతాడు. అదేవిట్రా అంటే, ఏమో ఆపాటే గుర్తొస్తుంది అంటాడు. (సైకాలజీ మాట్లాడొద్దు)

    శ్రావ్యత గురించి మీరు విపులంగా విశదీకరించాలి.