పాఠకుల అభిప్రాయాలు

Total Comments: 16453

1. ఛందోధర్మము గురించి Sai Brahmanandam Gorti అభిప్రాయం:

   08/21/2008 9:52 am

   బాబ్జీలు గారు,
   మీరొచ్చాక ఈమాట కి హిట్లూ, రాసే వాళ్ళకి తిట్లూ పెరిగాయి : )-
   మీకు “అర్హత” తో పేచీ – నాకు “ప్రశ్న” లతో పేచీ!

   ప్రశ్నించే వాళ్ళ “అర్హత” తో పేచీ?
   ప్రశ్నించే వాళ్ళ “ప్రశ్నల” తో పేచీ?
   “అర్హత” లేన్నివాళ్ళు మంచి ప్రశ్న వేస్తే పేచీ?
   “అర్హత” వున్న వాళ్ళు ఎలా ప్రశ్నించినా “పేచీ”?
   అసలు ఏ “ప్రశ్నా” లేకపోతే పేచీ!

   చాలా పెద్ద పేచీ.
   ఈ “పేచీ” యే అంతు చిక్కని ప్రశ్న!

   సరదాకి రాసాను – దయచేసి బాణాసంచాలు బయటకి తీయకండి. దీపావళి దగ్గర్లో లేదు 🙂

2. ఈమాట గురించి గురించి baabjeelu అభిప్రాయం:

   08/21/2008 9:50 am

   క్రుష్ణమోహను గారూ,

   మిమ్మల్నీ, భైరవభట్ల కామేశ్వర రావు గారినీ, రోహిణీప్రసాదు గారినీ, వైదేహీ శశిధర్ గారినీ, పామర్తి వారినీ, రవికిరణ్ గారినీ, మురళి గారినీ, మూలా సుబ్రహ్మణ్యం గారినీ, లక్ష్మన్న గారినీ మీ అందర్నీ మించి ఉదయకళ గారినీ, వగైరాలతో పోలిస్తే మీ పక్కన నిలబడ గలిగే అర్హత లేదు నాకు. అది నాకు తెలుసు. ఎందుకంటే, ఈ అభిప్రాయాలు రాయకముందు “నథింగ్ టు రైట్ అబౌట్”.

   కావాలని మారు పేరుతో అభిప్రాయాల్ని రాయటం లేదు.

   2006లో ఈమాట ని మావగాడు పరిచయం చేసినా పట్టించుకోలేదు. అది నా దురద్రుష్టం. ఈ ఏడాది మళ్ళీ న్యూయార్క్ నుంచి వచ్చి తిట్లుతిట్టి “మీ అభిప్రాయం తెలిచేయండి” ని చూపించేడు, మావ గాడు. వున్న వ్యసనాలని మించి ఈమాట చదవడం, అభిప్రాయాలు రాయడం వ్యసనవైపోయింది.

   నా ప్రవర చెప్పమని “జయప్రభ” గారన్నారు. ఇదీ వరస.

   నా మట్టుకి నేను, నా గురించి “సహస్ర శిరఛ్చేద అపూర్వ చింతామణి” లో దొంగ సన్యాసిననీ, “ఆషాఢభూతి” గురువుగారిననీ, “మందుల భీముడి” మేనల్లుడిననీ, “ముంగేరీలాల్ కె హసీన్ సప్నే” లోని రఘువీర్ యాదవ్ ననీ, “బైరాగినా, అసిరిగాడినా” అన్న సందిగ్ధంలో వున్నవాడిననీ, “సింహాచలాన్నా,అడ్డబుర్రనా” అన్నఅనుమానంలో వున్నవాడిననీ ఖచ్చితంగా నమ్ముతున్నవాడిని. “ధర్మవ్యాధుడిలా” బతకాలని తెలిసికూడా అదెలాగో తెలియనివాణ్ణని అనుకుంటున్నాను.

   “రాయని భాస్కరుణ్ణని” మొదట తెగ ఫీలయిపోయీవాడిని.ఎందుకంటే “క్రుశా” గురించి శ్రీశ్రీ అలా అన్నాడు కాబట్టి. తరవాత తెలిసింది రాయడం “చేతకాని” భాస్కరుణ్ణని.

   నా పేరు భాస్కర్. సివిల్ ఇంజినీర్ని, మూడేళ్ళయి హైద్రాబాదులో వుంటున్నను. అంతకుముందు, దేశం అంతా తిరిగేను. బొంబాయిలో పదకొండేళ్ళు వున్నాను. చదవడం ఎంత వ్యసనం అంటే, బొంబాయి లోకల్ ట్రైన్లో కూడా, క్రిక్కిరిసిన జనం మధ్య కూడా నిలబడి చదివీ వాడిని. ఇది నా “స్ట్రెంగ్త్” అని నా అనుమానం.

   ఈ మాట “ఫార్మాట్” లో వున్న సులువువల్ల తెగించి అభిప్రాయాలు రాసేస్తున్నాను, అంతే.

   ధర్మవ్యాధుడిలాటి కొడవళ్ళ హనుమంతరావు గారిని, మీ అందరితో పాటూ స్మరించకపోవడం నా తప్పు.

3. ఈమాట గురించి గురించి mOhana అభిప్రాయం:

   08/21/2008 7:52 am

   నమస్తే /\
   ముందంతా ఈమాట అంటే రెండు నెలలకోసారి కొత్త వ్యాసాలను,
   కవితలను, కథలను ఒక నాలుగు రోజులు చదవడం, అప్పుడప్పుడు
   వీలున్నప్పుడు పాత సంచికలను చదవడం వాడుకగా ఉండేది.
   మరి ఇప్పుడో, అదెవరో గాని (వారికి భగవంతుడు నూరు సంవత్సరాల
   ఆయుస్సును ప్రసాదిస్తాడు తప్పక) శ్రీ(మతి) బాబ్జీలుగారి ధర్మమా
   అని ప్రతిరోజూ ఒక్కమారైనా ఈమాటను అభిప్రాయాలకోసం
   చూడాలనే ఆకాంక్ష కలుగుతూ ఉంది. వారి అభిప్రాయాల
   ముత్యాలను ఏ వ్యాసుడైనా ఒక వ్యాస హారంగా నిర్మిస్తే ఎంత
   బాగుంటుందో?
   – మోహన

4. ఘంటసాల – బాలసుబ్రహ్మణ్యం గురించి పాఠకుడు అభిప్రాయం:

   08/21/2008 6:56 am

   బాబ్జీలు గారూ,
   “సిరివెన్నెల” అనేది ఒక బిరుదు. ఆ కవి మొదటి సినిమాని ఆ కవికి బిరుదుగా ఇస్తే, ఆ కవి దాన్ని సంతోషంగా అంగీకరించారు. ఇదంతా ఫార్మల్ గా జరిగిందని కాదు. అలా సహజంగా జరిగిపోయింది. “ఘంటసాల” అనేది బిరుదు అనీ, వ్యాసంలో వున్న విషయాల బట్టి, ఆ పేరు బిరుదుగా వాడారనీ చెప్పలేము. ఒకరి ఇంటిపేరుని బిరుదుగా ఇచ్చే పద్ధతి ఎక్కువగా లేదు. వ్యాసంలో మొదటి పేరాలోనే వ్యాసకర్త తన వుద్దేశ్యం చక్కగా చెప్పారు. ఘంటసాల వారసుడు బాలసుబ్రహ్మణ్యం అని వ్యాసకర్త ఎక్కడా అన్న దాఖలాలు లేవు. కామా లేకపోవడం ప్రింటింగు మిస్టేకేమోనని కూడా అనుకున్నాను. కాదని మీరంతా అంటున్నారు. ఘంటసాల వారసుడిగా కాకుండా, బాలసుబ్రహ్మణ్యం తన ప్రతిభతోనే పైకి వచ్చారని వ్యాసకర్త అన్నారు.
   ఈ నేపథ్యంలో వ్యాసకర్త వుద్దేశ్యం అర్థం కాక, ప్రశ్నించాను. కొంతమందిని ఇంటిపేరుతో సంబోధిస్తారు. ఎక్కువమందిని అసలు పేరుతో సంబోధిస్తారు. వ్యాసంలో రాసిన విషయాలకీ, వ్యాసానికి ఇచ్చిన టైటిల్ కీ పొత్తు కుదరలేదనే అనుకుంటున్నాను.

   పాఠకుడు

5. ఘంటసాల – బాలసుబ్రహ్మణ్యం గురించి Sai Brahmanandam Gorti అభిప్రాయం:

   08/21/2008 6:29 am

   బాబ్జీలు గారు రాసింది చూసాక, సరదాకి రాసున్నా. ఎవరినీ ఉద్దేశించి కాదు. :)-

   “పాఠక మహాశయా! ఏమంటిరి? ఏమంటిరి? ఇది వస్తు విమర్శయే కానీ, వ్యక్తి విమర్శ కాదే ! అర్హత నిర్ణయించునది ఏదో ఒక పేరే కానీ, ఇంటి పేరూ, అసలు పేరూ కాదే? “పేరూ”, “పేరూ”, “పేరూ?”
   సొంత పేరుతో రాసినవే రాతలా? కలం పేరుతో రచనలు చేసిన వాళ్ళు లేరా? అంతయేల? అలనాటి పోతన మాత్యుల భాగవత కథలో ఎంతమంది తమ తమ రాతల్ని ప్రక్షిప్తం చేయలేదు? పరులు రాసిన కావ్యాలకింద, తమవీ దూర్చేయ లేదా? పరాయి భాషల్లో రాసినవి తమ సొంత రచనలనీ, పేరు పేరునా భుజాలు చరుచుకోలేదా? పేరుకోసం పాకులాడుతున్న కవులతో సాహిత్యం ఏనాడో నామహీన మయ్యింది. కాగా నేడు “పేరూ” పేరూ” అంటూ ఇలా రచ్చకెక్కుట………….”
   అంటూ ఆ ఎంటీవోడు గొంతు సించుకొని, అదేంటంటారమ్మా, సెవులో ఉంటాది, ఆ గుర్తొచ్చీనాదీ. కర్ణభేరి పగలగొట్టీసీడు. సెప్పద్దూ, సరొస్సతీ జంచనులో యా డవిలాగు యినుకుంటూ కూకుంటే “ఆరు సారాలు” కొట్టీసిన కిక్కొచ్చీ సీనాది. చావులమదంలో శవాలు కూడా లేచి కూకునేవని మా పైడితల్లి తెగ రొప్పీసీనాడు. ఒరే యడ్డబుర్రా, నుయ్యెంతైనా సెప్పు. ఆ ఎంటీ వోడు, ఎంటీ వోడేరా?

6. ఘంటసాల – బాలసుబ్రహ్మణ్యం గురించి పాఠకుడు అభిప్రాయం:

   08/21/2008 6:22 am

   మొద్దబ్బాయి గారూ,

   ఆఖరుసారిగా నా పాయింటు ఇంకొక్క సారి చెప్పి వొదిలేస్తాను.
   నా పేరు నేను మార్చుకోవడానికీ, ఇంకొకరు మార్చడానికీ తేడా వుంటుందని వొప్పుకుంటారా? మీ పేరు మొద్దబ్బాయిగా మీరు పెట్టుకోవడానికీ, ఇంకొకరు పెట్టడానికీ తేడా వుంటుందని ఒప్పుకుంటారా? లేదని మీరంటే, ఇక చెప్పడానికి ఏమీ లేదు. వుంది అని అర్థం చేసుకుంటే, అప్పుడు మీ పేరు మీకిష్టమైనట్టు మీరు పెట్టుకుని, ఇంకొకరు నా పేరు మార్చడానికి వీల్లేదు అని మీరు అనవచ్చు. అలాగే ఇంకొకరి పేరు ఎందుకు మార్చారు అని కూడా అడగవచ్చు. మీ కారు లైట్ల వుదాహరణ ఇక్కడ అన్వయించడానికి కుదరదు. నేను నా పేరు బయట పెట్టకుండా, మీ అసలు పేరు అడిగితే అది తప్పు.
   ఇది కూడా డబాయింపు లాగే కనబడితే ఇక వొదిలేద్దాం. ఇప్పటికే సాహిత్యంలో విషయాల గురించి వొదిలేసి, చర్చ పక్కదారి పడుతోంది.

   పాఠకుడు

7. ఘంటసాల – బాలసుబ్రహ్మణ్యం గురించి baabjeelu అభిప్రాయం:

   08/21/2008 12:12 am

   మొద్దబ్బాయి గారూ, “వొక్క సిటం ఆగాలి తవరు.”

   పాఠకుడుగారూ,
   నేనూ మీలాగే అనుకున్నాను ముందు. కానీ బాలసుబ్రహ్మణ్యం అభిమానిగా చాలా సంతోషపడ్డాను. ఘంటసాల పాటకి వారసుడు కాబట్టి ఎస్పీబీ “ఘంటసాల” బాలసుబ్రహ్మణ్యం అయిపోయేడు. “సిరివెన్నెల” సీతారామశాస్త్రి లాగ.
   ఇంకోటి, “ఘంటసాల” అన్నది వేంకటేశ్వర రావు గారి పేరయిపోయింది, సామాన్యుల ద్రుష్టిలో.
   తార్నాకా నుంచి, సైకిల్ మీద, పొద్దున్న ఏడు గంటలకి, బేగంపేట రొప్పుకుంటూ వచ్చిన వెంకట్రావుని “ఏవయింది?” అనడిగితే.
   “ఘంటసాలనిజెప్పి ఆడెవుడిదో ఫోటో యేసేరు సూడు” అని చేతిలో వున్న పత్రిక చూపించేడు. ఫోటో బలరామయ్య గారిది. ఆడూయీడూ అనొద్దనిచెప్పి, “వేంకటేశ్వర రావు గారిది కాదు” అన్నాను.
   హిరణ్యకశిపుణ్ణి లేపీసేక ఇంకా “గాండ్రు గాండ్రు” మంటూ “కనిపించినోణ్ణి, కనిపించినట్టూ యేసేస్తాను” అని తిరుగుతున్న నరిశిమ్మూర్తి లాగ వున్నోడు, వొక్కసారి చెంచులక్ష్మి ని చూసిన నరసింహమూర్తి గారయిపోయి “చెస్. మన ఘంటసాల అసలు పేరు వెంకటేశ్వర్రావు కదూ. మర్చిపోయేను. వొస్తాను డూటీకి లేటయిపోద్ది” అని తిరుగు టపాలో సైకిలు మీద తార్నాకా బయల్దేరేడు. అదీ ఘంటసాల ఏల్యూయేషను.
   ఘంటసాల పాటకి వారసుడు “వీడా” అని మీరు బాధపడొచ్చు. గుర్రాన్నీ, గాడిదనీ ఒకే గాట ఎలా కట్టీసేరూ? అని బాధపడుతూ అడగొచ్చు.
   ఇంకొంచెం ముందుకెళ్ళి, హంస “కెపాసిటీ” వుంటే పాలూ నీళ్ళూ వేరు చేయిస్సి అందరికీ చూపించీ వ్యాసం రాసి “ఈ మాట” కి పమ్మించొచ్చు.
   ఇంకోటి. అభిప్రాయవేదిక లో మలబారు పోలీసు గేంగీలు తిరుగుతున్నాయి. జార్తగుండండి. మామూలు పోలీసోడు మంచోడు, మలబారోడి ముందు. మలబారోడి చేతిలో పడ్డావా, మన పని అంతే. ఆ బాధ మలబారోడిక్కూడా వద్దు. సంపాదకుల్ని “ఇదేటి బావూ ఈ అన్నేయం” అనడిగితే. వెబ్ జైన్ లో మలబారు “టెక్నిక్ ” మాత్రమే “సూటబుల్” అనన్నారు. అలాగని “నోట్లో నాలుక లేనోళ్ళనీ” యేసేస్తారా అంటే ఆయన సిర్నవ్వు నవ్వి “భక్తిలోపం వుంటే తగలవా?” అన్నారు. మద్దెలో అదేటిదన్నాను జడుసుకుని. వొక్కసారి కుర్సీలోంచి్ “ఆఫీసుచరత్ కరేణుకర కంపిత సాలము” అయిపోయి “ఆయమ్మ ఎర్రిపీరునీ, సాతాను మనవాళ్ళయ్యనీ, మిగిలినోళ్ళనీ యేసుకోని గుండం తొక్కిందా లేదా? అందులో కొంతమందికి కాళ్ళు కాల్నాయా లేదా? ఏటలా సూస్తావు చెప్పూ” అని డబాయించేరు. అవునన్నాను. ఎందుకంటావన్నారు. భక్తిలోపం బాబూ అనొప్పేసుకున్నాను. మరంచేత జార్త.

8. ఛందోధర్మము గురించి baabjeelu అభిప్రాయం:

   08/20/2008 9:06 pm

   రాసీ వాళ్ళ “అర్హత” తో పేచీ?
   రాసీ వాళ్ళూ “రాసినదాని” తో పేచీ?
   “అర్హత” లేన్నివాళ్ళు మంచి కవిత్వం రాస్తే పేచీ?
   “అర్హత” వున్న వాళ్ళు ఎలా గిలికినా “పేచీ”?

   చాలా పెద్ద పేచీ.

9. వినాయక చవితి కథ గురించి Phanikumar Erramilli అభిప్రాయం:

   08/20/2008 4:10 pm

   నాకు ఇప్పటికి అర్ధం అయ్యింది. సీతాఫలం చెట్టు కొమ్మలు ఎందుకు విరిగిపోయి ఉండేవో 🙂 Anyway, let me know some more details about you. May be I know you. I live in seattle.

10. ఘంటసాల – బాలసుబ్రహ్మణ్యం గురించి మొద్దబ్బాయి అభిప్రాయం:

    08/20/2008 1:45 pm

    బావుంది మీ డబాయింపు!

    “ఏ కారణం చేత గానీ, నా ఇంటి పేరు మార్చేస్తే నాకు ఒళ్ళు మండదూ?” అని ప్రశ్నించడానికి మన పేరు చెప్పాల్సిన అవసరం లేదా? నా పేరు గుట్టుగా ఉంచుకుంటాను, ఎదుటి వాళ్ళ పేర్లు సరిగ్గా లేకపోతే తన్ని తగలేస్తానడం మీకే చెల్లింది. రాతలు పోల్చుకోగలరు చదివేవాళ్ళు. నా అంత మొద్దులు కారు లెండి. నేను లైట్లు వేయకుండా అర్థరాత్రి కారు నడుపుతాను కానీ ఎవరి కారు కైనా ఒక లైటు సరిగ్గా లేకపోతే ప్రశ్నించే హక్కు నాకుండదా అని అడగడం ఎక్కడి వ్యంగ్యమో మీకే తెలియాలి? పైగా ట్రాఫిక్ పోలీసులు సరిగ్గా పట్టించుకోరనడం హాస్యాస్పదం కాదా? పేరు చెప్పకపోతే పొండి. ఎవరూ పట్టించుకోరు.