జయప్రభ స్త్రీవాద రచయిత్రిగా సుప్రసిద్ధురాలు. వీరు వ్రాసిన “చూపులు”, ”పైటని తగలెయ్యాలి” అనే కవితలు సాహిత్యప్రపంచంలో ప్రకంపనలను సృష్టించాయి; పలుభాషలలోకి అనువదించబడ్డాయి. తెలుగులో వచ్చిన మొదటి స్త్రీవాద కరపత్రికగా 1989లో హైద్రాబాదునుండి వెలువడిన ‘లోహిత’ అనే పత్రికకు కొండవీటి సత్యవతితో కలిసి సంపాదకత్వం వహించారు. వీరి కవిత్వాన్ని మాజీ ప్రధానమంత్రి పి.వి.నరసింహారావు Unforeseen Affection and Other Love Poems అనే పేరుతో ఆంగ్లంలోకి అనువదించారు.