బంగారు వెలుగులు ఎర్రగా సూరీడు
రాచిలకల గుంపులు పచ్చగా ఆకాశం
నింపాదిగా పారుతూ నీలంగా ఏరు
పసుపు పచ్చని పూలు
రేకూ రేకూ విచ్చుకొంటూ

ఝుంఝుంఝుంఝుం
చెంగావిరెక్కల తుమ్మెదలు
తామరతూడు ఊయలబల్ల
వెండి చెన్నుల చిట్టి చేపపిల్ల
గాలిబుడగల తాళం వేస్తూ

తెల్లని జాజుల గంధం మోస్తూ పిల్లగాలి
వయ్యారంగా ఊగిసలాడే వంగపూలు
ఊసులలో తేలిపోతూ నల్లటి హంసల జంట
హరివిల్లు పానుపు పవ్వళిస్తూ మేఘమాల

అటూ ఇటూ ఎటూ వెలలేని
కదిలే రంగులు
వెలవెలబోతూ
కదలని నా కుంచె రంగులు.