1
తీరిగ్గా ఆ సాయం వేళ
చేయి కలిపి నడిచినపుడు
సముద్ర తీరాన
శాశ్వతమనుకొన్నా ప్రియా!
స్వప్నాన్ని..

2
కావాలనే కలలు కంటాను
నీవు కనిపిస్తావేమోనని
నిశ్శబ్దాన్నీ వింటాను
వినిపిస్తుందని నీ పిలుపు
ఆశకు కొదవేముంది
ఆకాశంలో చుక్కల్లా?

3
ఎందుకో ఎదురు చూపులు
వెళుతూ తిరిగిచూస్తావని
మౌన గీతం వినిపిస్తే
కరిగి మనసు వస్తావని
కనుల చెమ్మకు కరువేముంది
సముద్రాన నీటి బొట్లలా

4
కాలమంతా రాలిపోతే
కలల చట్రం వీడిపోయి
పూల రంగు వెలిగిపోయి
పుణ్యకాలమొచ్చినాక
వెలుగు నీడలు కలిసే చోట
కొత్త పాతగ మారే వేళ
అగ్ని పడక మీద ఒంటి నిదుర

5
కొలనులో అలల సవ్వడి
నువ్వుంటే ఒకటే సందడి
నీ చిలిపి మాటల వెల్లువకు
నా పెదవి ఆనకట్టా !

6
మొద్దుపోయిన కాలం
ముద్దులతో చిగురించనీ
వలపు మల్లెలు మూటగట్టి
రాతిరి సరిహద్దు దాటితే
ఊహల లోకం