పాఠకుల అభిప్రాయాలు

Total Comments: 16635

  1. సమకాలీన తెలుగు సాహితీ విమర్శ – కొన్ని పరిశీలనలు గురించి Bhimaraju Venkata Ramana అభిప్రాయం:

    07/02/2018 8:39 am

    డా. కామేశ్వరి గారు వెలుబుచ్చిన సంశయాలు నాకూ కలిగాయి. ఇదే వ్యాసం నిర్వాహకులు రేపు మరొక పత్రికలో ప్రచురించవచ్చా? నిబంధన ప్రకారం నిర్వాహకులు వారి పత్రికలో ప్రచురించుకోవడానికి హక్కు ఉంటుంది. కానీ వేరొక పత్రికలో ప్రచురించేట్లయితే ఆ రచయిత అనుమతి తీసుకోవడం బావుంటుంది అనిపిస్తున్నది.

  2. సమకాలీన తెలుగు సాహితీ విమర్శ – కొన్ని పరిశీలనలు గురించి Dr. Y. Kameswari అభిప్రాయం:

    07/02/2018 3:42 am

    ఈ చర్చ చూశాక నాకు కలిగిన అనుమానం

    1. డీ టి ఏల్ సి వారు ఈమాట వారితో కలిసి ఈ పోటీ నిర్వహించారా? సాధారణంగా ఏదో ఒక పత్రికతో కలిసి ఇటువంటి పోటీలు జరపటాన్ని గమనిస్తాం.
    2. ప్రచురణ హక్కులు నిర్వహించే వారికి ఉంటాయనే నిబంధన సాధారణమే. కానీ, అలా కలిసి నిర్వహించిన పత్రికలో గాని, లేదా ఆ సందర్భంగా వెలువరించే ప్రత్యెక ప్రచురణలో గాని ప్రచురిస్తారు. ఇలా ఏ సంబంధమూ లేని మరొక పత్రికలో ప్రచురించటానికి పోటీ నిర్వహించిన సంస్థకు హక్కు ఉంటుందా! ఆ నిబంధనకు అంత విస్తృతి ఉందా!
    3. ఎక్కడో ఒకచోట రచయిత పేరిట ప్రచురణ పొందటమే మహాభాగ్యంగా రచయితలు తృప్తి పడాలా!
  3. 1 + 1 గురించి mani అభిప్రాయం:

    07/02/2018 1:02 am

    మోస్ట్ ప్రాక్టికల్ స్టొరీ. ఐ లవ్‌డ్ ఇట్ పూర్ణిమా!

  4. సమకాలీన తెలుగు సాహితీ విమర్శ – కొన్ని పరిశీలనలు గురించి మద్దిపాటి కృష్ణారావు అభిప్రాయం:

    07/01/2018 10:41 pm

    శ్రీవల్లీ రాధిక గారు,

    మేము పోటీకి వచ్చిన వ్యాసాలలో ఎన్నదగిన వాటిని ప్రచురించే హక్కు పై పోటీ ప్రకటనలోనే వివరంగా తెలిపాము.

    నిబంధన 7:
    “….బహుమతి పొందిన వ్యాసాలతో పాటు, మిగిలిన వాటిలో ఎన్నదగినవాటిని ప్రచురించే హక్కులు నిర్వాహక వర్గానివే.”

    పోటీకి వ్యాసాలు పంపేవారు నిబంధనలననుసరించాల్సి ఉంటుందని కూడా తెలిపాము.

    ఈ నిబంధనలననుసరించే, పోటీకి వచ్చిన వ్యాసాల్లో ఎన్నుకున్న వాటిని అందరూ చదవాలనే ఉద్దేశంతో ఈమాట లో ప్రచురణకు అనుమతించాం. ఇప్పుడు ఇది మీరు సబబు కాదనుకోవడం విచారకరం.

    డిట్రాయిట్ తెలుగు సాహితీ సమితి తరపున,
    మద్దిపాటి కృష్ణారావు

  5. జీవితానందం ఎక్కడున్నది? గురించి Usman khawaja అభిప్రాయం:

    07/01/2018 4:13 pm

    ఈ వ్యాసం చదివాక నాకు వివేకానందుని మాటలు గుర్తుకు వచ్చాయి:

    Who enjoys the picture, the seller or the seer? The seller is busy with his accounts, computing what his gain will be, how much profit he will realise on the picture. His brain is full of that. He is looking at the hammer, and watching the bids. He is intent on hearing how fast the bids are rising. That man is enjoying the picture who has gone there without any intention of buying or selling. He looks at the picture and enjoys it. So this whole universe is a picture, and when these desires have vanished, men will enjoy the world, and then this buying and selling and these foolish ideas of possession will be ended. The money-lender gone, the buyer gone, the seller gone, this world remains the picture, a beautiful painting.

    https://www.vivekananda.net/BooksBySwami/JnanaYoga/7.html

    God in everything – Swami Vivekananda

    (Delivered in London, 27th October 1896)

  6. సమకాలీన తెలుగు సాహితీ విమర్శ – కొన్ని పరిశీలనలు గురించి శ్రీవల్లీ రాధిక అభిప్రాయం:

    07/01/2018 9:43 am

    వ్యాఖ్యలు వ్రాసే విషయంలో ఈమాట వారు పాఠకులకు చేస్తున్న సూచనలు (కొన్ని) నాకు నచ్చనందువలన ఇక ఈ పత్రికకి ఎప్పుడూ వ్యాఖ్య వ్రాయకూడదని అనుకున్నాను. కానీ ఈ రచనకి వ్రాయవలసి వచ్చింది. అందుకు రెండు కారణాలు.

    1. DTLC వారు ఈ రచనని తమ పుస్తకంలో ప్రచురిస్తామని మాత్రమే నాకు వ్రాసిన ఇమెయిల్ లో చెప్పారు. దానిని మరలా ఈమాటకు ఇస్తామని వారు కానీ, ఆ పుస్తకం నుండి తీసుకుని ఈమాటలో ప్రచురిస్తామని ఈమాట వారు కానీ నాకు తెలియచేయలేదు. ఇది సబబు కాదు.
    2. వ్యాసాన్ని ప్రచురించడంలో కూడా అశ్రద్ధ కనబడింది. “పాఠకుడిగా విమర్శకుడిగా వ్యవహరించడంలో తడబాటు” అనేది ఉపశీర్షిక. కానీ మిగిలిన ఉపశీర్షికలలా అది ప్రత్యేకంగా చూపబడలేదు. దానిని మిగిలిన text లో కలిపి ప్రచురించడం అస్పష్టతకి కారణమవుతుంది.

    [ఉపశీర్షిక సరిదిద్దాము – సం.]

  7. నటనకు గీటురాయి గురించి subhadra అభిప్రాయం:

    07/01/2018 9:34 am

    చాలా మంచి పరిచయం. ఇప్పటికిప్పుడు పుస్తకం కొని చదవాలనిపించేంత బాగా రాశారు. అభినందనలు అమరేంద్రగారూ.

  8. కాళీ పదములు గురించి Subrahmanyam అభిప్రాయం:

    07/01/2018 6:40 am

    అద్భుతం!!

  9. జూన్ 2018 గురించి ఆర్.దమయంతి. అభిప్రాయం:

    06/30/2018 10:52 pm

    మాకు రచన ముఖ్యం, రచయిత ఎవరు అన్నది అనవసరం.

    *నా రచనలూ అప్పుడప్పుడూ రిజెక్ట్ అవుతాయి. కానీ, దాని దారి దానిదే. దాని డిస్కషన్స్ దానివే. ఆ కారణంగా ఈ సాహితీ శిఖరాన్ని చిన్నది చేసి మాట్లాడాలనే అపరాధ భావం అస్సలు కలగదు మనసులో.

    నాకు తెలుసు. – ఈమాట ఇంత ఖరాఖండిగా, ముక్కుసూటిగా వ్యవహరించడం వల్ల ఎన్నో వ్యతిరేకతలని ఎదుర్కోవాల్సి వస్తుందని. అయినా, తలవంచని ఆ ధీరత్వం నాకు చాలా నచ్చుతుంది. హీరోఇజం అంటే అదే మరి.

    మరో గొప్ప లక్షణం ఏమిటంటే – గుంపుల గోల వుండదు. ప్రాణం హాయిగా వుంటుంది. 🙂

    ఇంకా, సొంత వారి కోసం డబ్బాలు మోగించడం, అయిన వారి కోసం కాలమ్స్ కేటాయించబడటం వంటి చౌకబారు చర్యలు వుండవు. నిన్నటి నీ అద్భుతమైన రచన రేపటి నీ రిజెక్టయ్యే రచనకు ఒక రెఫెరెన్స్ గా గానీ, రికమండేషన్ గా కానీ ఎలాటి పరిస్థితుల్లోనూ కన్సిడర్ చేయబడదు :-).

    అందుకేనండీ, ఈ మాటంటే నాకొక ప్రత్యేకమైన విశిష్ట గౌరవం.

    ప్రతి జర్నలిస్ట్ తమ తమ వృత్తిలో ఎంతో నిజాయితీగా వ్యవహరించేందుకు – ‘ఈమాట’ ఒక అత్యున్నతమైన ఆదర్శంగా నిలుస్తుంది అని చెప్పక తప్పదు.

    డియర్ ఈమాటా!

    రచనల ఎంపికలో ఈ మీ నిజాయితీ కొరవడనంత వరకు నేనెప్పటికీ మీ అభిమానినే.

    ఎందరో మహానుభావులు అందరకీ వందనములు.
    శుభాభినందనలతో..
    ఆర్.దమయంతి.

    (*డిస్‌క్లైమర్: ఈ మాగజైన్ నడుపుతున్న వారితో నాకు ఎలాటి పరిచయాలూ లేవు. అసలెవరన్నది కూడా చూడలేదు, చూడను. సొంత పబ్లిసిటీల కోసం ఈ స్పేస్ ని వినియోగించుకునే అవసరాలంతకన్నా లేవు. వున్నదల్లా ఒక్కటే. – ఇక్కడి విలువైన రచనలతో నాకు గల సాహిత్యానుబంధం మాత్రమే అని సవినయంగా తెలియచేసుకుంటున్నాను.)

  10. సిలువ గుడి గురించి amarendra dasari అభిప్రాయం:

    06/30/2018 7:04 pm

    అజిత్ కుమార్ గారి సూచన వివరాల్లోకి వెళ్లదగినది. థాంక్స్.