బిగిసిన కండరాలు సడలి
నరాలు తేలియాడుతున్నప్పుడు
కటిక చీకటి చలి రాత్రుల్లో
జరాసంధుడి నిద్రే
వాలిన పక్షి వున్నట్టుండి
రివ్వున్న గాల్లోకి గిరికీలు కొట్టినట్టు
ఎప్పుడో ఓసారి-
హృదయాంతరాళపు యవ్వనోద్వేగం
కాంతివేగమై దూసుకుపోతుంది
పచ్చలైటు పడినప్పుడల్లా
యాక్సిలేటర్ రైజ్ చేయడానికి
మనసు ఒక యంత్రం కాదు
మెలకువలో కల అదృశ్యమైనట్టు
కలయికలన్నీ ఇక
స్వప్నలిఖితాలే కావచ్చు.
