తెలుగు విశ్వవిద్యాలయాల పరిశోధనల్లో ప్రామాణికత లేమిని ఎత్తి చూపిస్తూ, “జ్ఞానానికి భౌగోళికమైన సరిహద్దులు లేవు. అజ్ఞానానికి మాత్రం వుంటాయి.” అంటూ వెల్చేరు నారాయణ రావు 1988లో తెలుగు పరిశోధన అనే పత్రికలో చేసిన చర్చ నేటికీ తన సంగతత్వాన్ని ఎంతమాత్రమూ కోల్పోలేదు. ఆ చర్చ పరిష్కృత పాఠం; బాలకథారచయితగా సుప్రసిద్ధుడైన డాక్టర్ ౙాయిస్ పుట్టినరోజు సందర్భంగా, ఆయన కథల స్ఫూర్తితో లలిత టి.ఎస్. చెప్పిన అంకెల కథ; ఒక కాలానికి చెందిన వ్యక్తిని, లేదా సంఘటనని, లేదా సామాజిక దృశ్యాన్ని కాలాతీతం చేసే మార్మిక శక్తి కావ్యానికి మాత్రమే ఉన్నదని, చరిత్ర చేయలేని పని కావ్యం చేస్తుందని చెప్తున్నారు భైరవభట్ల కామేశ్వరరావు నాకు నచ్చిన పద్యం ద్వారా; విశ్వనాథ – వేయిపడగలు, మార్గరెట్ మిచల్ – గాన్ విత్ ద విండ్ నవలల లోని పోలికలూ తేడాలూ చూపిస్తూ కల్లూరి భాస్కరం ఇకనుండీ ఈమాటలో కొనసాగించబోయే విశ్లేషణ; ఇంకా ఎన్నో రచనలతో కలిసి ఈ సంచికలో మీకోసం.

🔸 ఇప్పటికీ చాలామంది ఈమాట రచయితల పరిచయాలు ఇంచుమించు ఖాళీగా ఉన్నాయి. దయచేసి తమ వివరాలు పంపమని, అలానే కాలదోషం పట్టిన వివరాలు సరిదిద్దడంలో మాకు సహాయపడమని రచయితలకు మా మనవి. రచయితల గురించి పాఠకులకు తెలియడానికి ఈ పరిచయాలు ఎంతో ఉపయోగపడతాయి. దయచేసి తోడ్పడమని విజ్ఞప్తి.

ఈ సంచికలో:

• కథలు: ఒక ప్రయాణం – తాడికొండ శివకుమార శర్మ; అయిదో కుర్చీ – అవినేని భాస్కర్ (మూలం: అప్పాదురై ముత్తులింగం); అతిథి – ఆర్ శర్మ దంతుర్తి; ఒకనాటి యువ కథ: అమ్మ – రంగనాయకమ్మ.
• కవితలు: శబ్దాన్ని జయించి రా – చంద్ర మోహన్ (మూలం: వైరముత్తు); వలస పక్షి – పి. రామకృష్ణ; త్వం తత్ అసి – విజయ్ కోగంటి; ఒకటి నుంచి పదిల దాకా… లలిత టి. ఎస్.
• వ్యాసాలు: ఉదాహరణములు -2: శారదోదాహరణ తారావళి – జెజ్జాల కృష్ణ మోహన రావు; ఇద్దరు కథకులు – రెండు చెదిరిన బ్రతుకుల కథలు – ల.లి.త.; వేయిపడగలు – గాన్ విత్ ద విండ్: 1. ఒక ధీర, ఇద్దరు అధీరులు – కల్లూరి భాస్కరం.
• శీర్షికలు: నాకు నచ్చిన పద్యం: రాజు-కవి-కావ్యం – భైరవభట్ల కామేశ్వరరావు; తెరచాటు-వులు: 2. రాజువయ్యా! మహారాజువయ్యా! – కంచిభొట్ల శ్రీనివాస్. గడి నుడి 5 – కొల్లూరు కోటేశ్వరరావు.
• ఇతరములు: తెలుగు పరిశోధనపై వెల్చేరు నారాయణరావుతో ఇంటర్‌వ్యూ – చేరా, ఎన్. గోపి; పుస్తక పరిచయం: స్వప్నసాకారం – కొల్లూరి సోమ శంకర్; శ్రీశ్రీ పదబంధప్రహేళిక.