ఎవరైనా
నీపై దాడి చేసి గెలిచామనుకుంటే కాదనకు
నీ గుండెని ఖాయంగా తొలిచామనుకుంటే లేదనకు
నీకళ్ళల్లో నీరుందని వారంటే ఖండించకు
నిలువెత్తు దిగులే నీవంటే కోపించకు
వారు చూసేదాన్ని వద్దనకు
నమ్మేదాన్ని మిథ్య అనకు
ఆకాశమా! నువు నీలంగా వున్నావని
పదే పదే నినదిస్తే
కాదు కాదంటూ ఉరమకు
ప్రశాంతతని మరచి
మెరుపులూ రువ్వకు
రచయిత టి. శ్రీవల్లీ రాధిక గురించి: టి. శ్రీవల్లీ రాధిక రచనలు వివిధ తెలుగు పత్రికలలో, ఆకాశవాణిలో వచ్చాయి. “రేవు చూడని నావ” అనే కవితాసంపుటి, “మహార్ణవం”, “ఆలో ... పూర్తిగా »