ఎద మీటినారెవరొ
ఏకాంత వేళ

ఈ ఏకాంత వేళ

కోనలో కోవెలలొ అలలేని కొలనులో
చేప అలికిడి కలువ పువును కదిలించినటు

ఎద మీటినారెవరొ ఏకాంత వేళ
ఏకాంత వేళ ఈ ఏకాంత వేళ

కనులకు కనిపించని రూప విభవముతొ
వీనులకు వినిపించని రాగ మధురిమతొ

ఎద మీటినారెవరొ
ఏకాంత వేళ ఈ ఏకాంత వేళ

పాలపిట్టలు వచ్చి పలకరించాయి
మేఘమాలికలొచ్చి మేలమాడాయి
ఊటబావితొ తోట గుసగుసలు నను జూసి
ముసిముసి నవ్వులై ముసురుకున్నాయి

కలకూజితాలతో ఊహలను శ్రుతి జేసి
సెలయేటి పరుగుతో ఊపిరులు జత జేసి

ఎద మీటినారెవరొ
ఏకాంత వేళ ఈ ఏకాంత వేళ