ఎద మీటినారెవరొ ఏకాంత వేళ

ఈ ఏకాంత వేళ

కోనలో కోవెలలొ అలలేని కొలనులో
చేప అలికిడి కలువ పువును కదిలించినటు

ఎద మీటినారెవరొ ఏకాంత వేళ
ఏకాంత వేళ ఈ ఏకాంత వేళ

కనులకు కనిపించని రూప విభవముతొ
వీనులకు వినిపించని రాగ మధురిమతొ

ఎద మీటినారెవరొ
ఏకాంత వేళ ఈ ఏకాంత వేళ

పాలపిట్టలు వచ్చి పలకరించాయి
మేఘమాలికలొచ్చి మేలమాడాయి
ఊటబావితొ తోట గుసగుసలు నను జూసి
ముసిముసి నవ్వులై ముసురుకున్నాయి

ఇంద్ర ధనువే వచ్చి పందిరౌతానంది
చిలకలతొపాటుగా గిరికీల చిరుగాలి
కులుకుతూ పిలుపులకు బయలుదేరింది
తారలతొ చంద్రుడే బాసికముకాగా
వరిచేలు తలబ్రాలు సిధ్ధమన్నాయి

కలకూజితాలతో ఊహలను శ్రుతి జేసి
సెలయేటి పరుగుతో ఊపిరులు జత జేసి
ఎద మీటినారెవరొ
ఏకాంత వేళ ఈ ఏకాంత వేళ

పన్నెండు పున్నమలొకేసారి విరిసి
పండు వెన్నెల నాపై వర్షించినట్లుగా
ఎద మీటినారెవరొ
ఏకాంత వేళ ఈ ఏకాంత వేళ