పాఠకుల అభిప్రాయాలు

Total Comments: 16470

1. దేశభక్తి గేయాలు గురించి తః తః అభిప్రాయం:

   02/05/2016 10:38 pm

   శ్రీ పరుచూరి:
   ఈ అభిప్రాయాలలో ఒకసారి మిమ్మల్ని వింజమూరి సూర్య సుబ్బలక్ష్మి గారి వివరాలేమన్న తెలుపగలరా అని అడిగాను . మీకు గుర్తు ఉండక పోవచ్చు. యాభయ్ నాలుగు సంవత్సరాల క్రిందట తొమ్మిదవ తరగతి చదువుతున్న రొజుల్లో నాకు ఒక మాట కూడా ముందుగా చెప్పకుండా క్లాస్ రూం లో ఉన్న నన్ను తన వెంట నడిపించి యేడిద కామేశ్వర రావు గారింటికి తీసుకు వెళ్ళి ,రేడియో బొమ్మరిల్లు కార్యక్రమంలో అప్పుడు నడుస్తున్న ఒక సీరియల్ నాటికలో నాకొక పాత్ర ఇప్పించిన సహాధ్యాయిని ఆమె . ఆ తరువాత నేను చాలా నాటికల్లో ప్రథాన పాత్రలకు గాత్రధారణ చేశాను. ఈక్కడ మీరు పొందుపరచి అందచేసిన పాటల్లో బి సుశీల గారితొ కలిసి పాడినవారు ఆమేనా ! ఆ రొజుల్లొ పిల్లల కార్యక్రమాలలో పాటల కు ఆమె Prima Donna . తొమ్మిది,పది , పదకొండు కలిసి చదువు కున్నాం .ఆమె తర్వాత కామాక్షి అని మరొకరు పాడేవారు .
   నమస్కారాలతో
   తః తః

2. దేశభక్తి గేయాలు గురించి Sreenivas Paruchuri అభిప్రాయం:

   02/04/2016 1:42 pm

   ఈమధ్య విజయవాడ రేడియో కేంద్రానికి వెళ్లినప్పుడు తెలుసుకున్న వివరాలు:
   > కలగంటిని – బి. సుశీల, సుబ్బలక్ష్మి – మధురాంతకం రాజారాం.
   సంగీతం: V.S. నారాయణమూర్తి
   > బంగరు పూవులు – బి. సుశీల, సుబ్బలక్ష్మి- రాయప్రోలు సుబ్బారావు.
   రచన రాయప్రోలుది కాదు! కె. వీరరాఘవాచారి (కె. అంటే కొండూరి కావచ్చు. తెనాలి కాలేజిలో తెలుగు లెక్చరరుగా పనిచేసి చాలా పుస్తకాలు రాసిన వ్యక్తి అనుకుంటాను.) సంగీతం: మల్లిక్

3. కొ.కు ఉత్తరాలు – 1 గురించి lyla yerneni అభిప్రాయం:

   02/02/2016 7:22 pm

   In Tears

   నొచ్చుకోకు నేస్తం.
   ప్రపంచం హృదయం లేని తీతువు!
   “పోయాడు,
   లేడు, లేడు.” అని మళ్ళీ మళ్లీ అరుస్తుంది.
   అది తీతువు నైజం,
   నిన్నా మాటన్నందుకు
   మన్నించి మర్చిపో.

   ప్రపంచం బండబారి పోయింది నేస్తం.
   నీతో మాట్లాడుతూ మాట్లాడుతూనే
   నువ్వంతకు ముందు ప్రేమతో ఇచ్చిన
   నువ్వు నవ్వుతూ కలకలకలలాడే నీ ఆ ఫొటోనే
   ఎంతో తెంపరితనంతో,
   ఒక్క క్లిక్కులో నీ ఆబిచ్యుయరీకి జోడిస్తుంది.
   అలా చెయ్యొద్దనీ
   నువ్వు లేవని అనొద్దనీ, నే నరిచి
   నువ్విక లేవన్నందుకు, నే కన్నీరు పెట్టి, గిలగిలలాడితే
   విలవిలలాడితే,
   ప్రపంచం -నాకు ఏ రీతీ రివాజూ, మర్యాదా తెలియదని
   నే కటికదాన్నని
   నా మీద కోపగిస్తుంది. కత్తులు నూరుతుంది.

   నన్నేమన్నా కూడా నువ్వు
   నొచ్చుకోకు నేస్తం, నేనూ దుఃఖించను.
   మనం మనం బతికున్నట్టే భావించుకుని
   కోయిల పాటలు వింటూనే ఉందాం.

   లైలా

4. కొ.కు ఉత్తరాలు – 1 గురించి విష్ణుభొట్ల లక్ష్మన్న అభిప్రాయం:

   02/02/2016 2:49 pm

   రాజా గారు:

   “ఈమాట” లో ఎన్నో రచనలు చేసిన శ్రీ కొడవటిగంటి రోహిణీ ప్రసాద్ గారు చనిపోయి ఇప్పటికి మూడు సంవత్సరాలు దాటాయి.

   మీరు బహుశా ఈ వార్త గమనించి ఉండరు!

   విష్ణుభొట్ల లక్ష్మన్న

5. ఎవడూకానివాడు బతికేడు ఏ చింతాడో ఓ ఊరు గురించి anipeddijagannadhasastri అభిప్రాయం:

   02/02/2016 1:03 pm

   ఈకవిత నను ఆకట్టుకుంది. భాష వాడిన తీరుకు విస్తుపొయాను.

6. కొ.కు ఉత్తరాలు – 1 గురించి G K S Raja అభిప్రాయం:

   01/31/2016 10:03 pm

   ‘చందమామ’ ఆ మాట చదివినా, విన్నా చంద్రుడు కాదు, పిల్లల/ పెద్దల ఆ పత్రికే మనసంతా నిండిపోతుంది. వెన్నెలంతా వడిసిపట్టి జేబులో పెట్టేసి — ఒక్కొక్కటీ భద్రంగా తీసుకుని నమరేసుకుంటే ఎంత కమ్మదనం, ఎంత ప్రపంచదర్శనం ఆ కధల నిండా. కొకు గారి ఉత్తరాలు అందించిన ‘ఈమాట’ కు కృతజ్ఞతలు. వారసత్వం ఒడిసిపట్టి, సూక్ష్మంగా విజ్ఞానం అందిస్తున్న రోహిణీప్రసాద్ గారికి వందనాలు.
   రాజా.

7. మనకు తెలియని మన త్యాగరాజు – 2 గురించి Kamasamudram Ravilochan అభిప్రాయం:

   01/31/2016 12:20 am

   బ్రహ్మానందం గారూ,

   మీ వ్యాసంలో మీరు పేర్కొన్న రాళ్ళపల్లి గారి వ్యాసంకోసం ఎన్నో సంవత్సరాలనుండి గాలిస్తున్నాను. ఇది ఎక్కడ లభిస్తుందో చెప్పగలరా?

   కృతజ్ఞతలతో,
   రవిలోచన్

8. ఊర్మిళాదేవి నిద్ర గురించి Viswanadha subbarao అభిప్రాయం:

   01/30/2016 4:42 pm

   ఈలాంటి అరుదైన పాటలను వినిపించిన ఈమాట ఎలకట్రానిక్ తెలుగుపత్రిక వారికి ధన్యవాదాలు తెలుపుతూ ఒక చిన్న మాట: నావద్ద ఒక అరుదైన అప్పగింత పాట వుంది. మీపత్రికలో దానిని శబ్ద తరంగాలులో తీసుకుంటానని తెలియజేసితే నేను దాన్ని మీకు పంపుతాను. ఆరకంగా ఎందరో మహానుభావుల గళాలు వివినిపించిన మీ ఋణం తీరుతుంది.

9. వెంపరాల వారి సాహిత్య యాత్ర గురించి Viswanadha subbarao అభిప్రాయం:

   01/29/2016 4:47 pm

   హైస్కూల్ లో చిన్నపుడు విన్న మహానుభావుని గొంతు 60 సంవత్సరాల తరవాత మళ్ళి విన్నా జన్మ ధన్యం. థాంక్స్.

10. పురూరవ: శ్రవ్య నాటిక గురించి G K S Raja అభిప్రాయం:

    01/29/2016 5:39 am

    ‘మీ అభిప్రాయాలు’ తెలియచెయ్యండి, అని ఉంటుంది వ్యాసం చివర సింపుల్ గా. అది అంత తేలికైన విషయమా? విషయ పరిజ్ఞానం తోబాటు, కాస్తంత భాష కూడా తెలియాలి కదా! అయినా ఊరుకుని ఉండలేం కదా, ఇంతటి గొప్ప శ్రావ్యనాటిక విని తరించాకా. శ్రీనివాస్ గారూ! మరి మరి ధన్యవాదాలు. చలాన్ని చదవడమే కష్టం అనుకునే నాలాంటి వాళ్ళకు, శారదా శ్రీనివాసన్, చిరంజీవి గార్లు భావస్ఫోరకంగా శబ్దించి (అంటే ఏవిటో నాకు తెలీదు) వినిపించిన తీరు పరమాద్భుతం. ఎప్పుడో చదివిన శారద గారి ‘నా రేడియో జ్ఞాపకాలు’ పుస్తకం కోసం అలమారలన్నీ వెతకాలి జరుగురుగా. ఈమాట.కామ్ వారికి ప్రత్యేక అభివందనాలు.
    రాజా.