పాఠకుల అభిప్రాయాలు

Total Comments: 16486

1. ఒక్కతే… మృత్యువు గురించి గరికపాటి పవన్ కుమార్ అభిప్రాయం:

   05/03/2009 7:28 pm

   అనువాదాలు కత్తి మీద సాము లాంటివే, అందులోనూ లయ బద్దమైన వాక్య నిర్మాణానికి పెరెన్నిక గన్న నెరుడా కవిత్వానువాదమంటే ఎంతో లోతైన ఆలోచన, కవిత్వం చదివినప్పుడు కలిగిన నిండైన భావావేశం రెండూ కలపోయాలని నా స్వీయానుభవం. లేకపోతే అనువాదం రక్తి కట్టదు.

   మొదటి ఏడు పాదాల స్పానిష్ మూలం;

   SÓLO LA MUERTE

   HAY cementerios solos,
   tumbas llenas de huesos sin sonido,
   el corazón pasando un túnel
   oscuro, oscuro, oscuro,
   como un naufragio hacia adentro nos morimos,
   como ahogarnos en el corazón,
   como irnos cayendo desde la piel al alma.

   ఉరామరికగా, స్పానిష్ నుంచి అర్థం:

   మృత్యువొక్కటే

   అక్కడ ఒంటరిగా శ్మశానాలు
   ఎముకలు నిండిన సమాధులు, శబ్దం లేదు
   గుండె గుండా ఒక సొరంగం
   చీకటి, చీకటి, చీకటి
   మనని మృత్యువులో దించిన పగిలిన ఓడన్నట్టు
   మన గుండెలోన మనని ముంచినట్టు
   మనం తోలు నుండి ఆత్మ లోకి పడినట్టు

   ఇక భైరవభట్ల గారి అనువాదం పరిశిలిస్తే: మొదటి పాదం బాగా వచ్చింది, కానీ రెండవ పాదంలో కవి(నెరుడా) హృదయం నిశ్శబ్దం అని కాదు, శబ్దం లేదని (కవిత్వంలో ఈ రెంటికీ చాలా తేడా ఉంది),అలాగే సమాధులు ఎముకల నిశ్శబ్దం నిండినవని కూడా కాదు.

   ఇక మూడవ పాదం ఆంగ్లానువాదంలోని తప్పుని ఖరారు చెయ్యడం.
   నాలుగవ పాదంలో మూలంలో లేని అనవసరమైన దండుగ్గణం (కటిక)
   ఐదు, ఆరు, ఏడు పాదాలు Como అనే పదంతో మొదలైతాయు స్పానిష్ లో, దానర్థం లా, ఉపమానంగ చెప్పినట్టు. “ఈ మరణం” అనేది ఎక్కడ నుండి వచ్చింది? కవితా వాక్య నిర్మాణానికి అనువాదంలో ఎటువంటి స్థానం కల్పింఛారు భైరవభట్ల వారు?

   అనువాదాలు చేసేప్పుడు కొన్ని సూచనలు:

   1. మూలాన్ని రక్షించండి (మూలో రక్షతి రక్షితః)
   2. వివరణల్లోకి పోవద్దు, కవితని కవితగానే ఉంచండి (ఉదాహరణకి పై ఐదు, ఆరు, ఏడు పాదాలు వివరణ)
   3. మూల భాషలో కనీస పరిజ్ఞాన్ని పెంచుకోవడం.

   మన పద్యాలను సంస్కృతంలో నుంచి జర్మనులోకి పరివర్తించేప్పుడు, ఛందోబద్దంగా అనువదించగలిగితే బాగుండేదని మహకవి గోథే అభిప్రాయపడ్డాడు. ఈ వివరణ భైరవభట్ల గారి కలం నుంచి ఇంకా మంచి అనువాదాలు వెలువడాలనే.

   [మరింత చర్చకు వీలుగా ఈ అభిప్రాయాన్ని చర్చావేదికలో కూడా ప్రచురించాము. – సం]

2. గృహకల్ప గురించి sarath అభిప్రాయం:

   05/03/2009 7:05 pm

   ఇటు దగ్గిరసా దీన్నొదలవు – దీని అర్ధం?

3. ప్రచురణకి వచ్చే రచనల గురించి గురించి mOhana అభిప్రాయం:

   05/03/2009 4:34 pm

   శ్రీనివాస్ గారు ఉదహరించిన మరో ప్రపంచం అనే రెండు పదాలు మూడు మారులు ఉపయోగించడము పునరుక్తి ఎలా కాదు, మూడు వేరువేరు మరో ప్రపంచాలు ఉంటే తప్ప? అదే విధంగా మూడు మారులు భజ గోవిందం అన్నది పునరుక్తి కాదా? వేరు వేరు అర్థాలలో ఉపయోగిస్తే తప్ప పై పదాలు పునరుక్తి దోషం కాదా? దేశంలాటి ఒక పదాన్ని మరల మరల వాడితే పునరుక్తి కాదు, ఎందుకంటే అది వాక్య నిర్మాణానికి కావాలి. లేక నేను బాగా అర్థం చేసికోలేదా పునరుక్తిని గురించి? మన జీవితమే ఒక పునరుక్తి కదా? మొన్నటిలా నిన్న, నిన్నటిలా ఈరోజు. అదే ఆఫీసు, అదే పని, అవే కష్టాలు, అవే నష్టాలు. అదే సూర్యుడు, అదే చంద్రుడు, అదే భూమి, అదే ఆకాశం. పునరపి జననం పునరపి మరణం, భజ గోవిందం, భజగోవిందం! – విధేయుడు – మోహన.

   [పునరుక్తిని నిఘంటు అర్ధంతో కవిత్వంలో వాడరు. కేవలం పదం పునరుక్తమైతేనే దోషం కాదు. ఒక భావానికి ఊనిక కోసమో, తూగు కోసమో పదాల్ని తిరిగి వాడడం ఇటరేషన్. చెప్పదలచుకున్న విషయాన్నే మళ్ళీ మళ్ళీ అనవసరంగా చెప్పడం రిడండన్సీ. పునరుక్తి అన్న పదాన్ని ఈ రిడండన్సీ అన్న అర్ధంలో వాడతారు. ఇది మొనాటనీ కాదు. మరికొంత చర్చ అవసరం అనుకుంటే దయచేసి చర్చావేదికను ఉపయోగించుకోగలరు. – సం.]

4. ప్రచురణకి వచ్చే రచనల గురించి గురించి Srinivas Nagulapalli అభిప్రాయం:

   05/03/2009 12:32 pm

   నమస్కారం
   చెప్పిన ఉదాహరణలలో పునరుక్తి దోషం లేదన్నందుకు సంతోషం.
   “పునః ఉక్తి పునరుక్తి” అనుకుంటున్నాను. మరి పునరుక్తి ఎప్పుడు దోషంగా
   మారుతుందో కొంచెం వివరణ, వీలైతే ఎక్కువ పాపులారిటీ పొందిన కవితలలోనుంచేదైనా సాయపడే ఉదాహరణ దయచేసి తెలుప మనవి. పాయింటు బొత్తిగా అర్థం కాలేదు, నాకొక్కనికే కాదేమో అని కూడా అనుమానం, ప్రయత్నిస్తున్నప్పటికినీ.
   ____
   విధేయుడు
   -Srinivas

5. ప్రచురణకి వచ్చే రచనల గురించి గురించి Srinivas Nagulapalli అభిప్రాయం:

   05/02/2009 10:08 pm

   నమస్కారం
   చమత్కారంగా చక్కగా తెలిపారు, ఒక్కటి మాత్రం అర్థం కాలేదు.
   “ముఖ్యంగా కవితలలో పునరుక్తి పనికిరాదు. కత్తిరించేయండి.”
   అన్నదొక్కటి వ్యంగ్యమో హాస్యమో నిజమో తెలియని (దు)స్థితి.

   వచనంలో పునరుక్తి వద్దనేది అర్థంచేసుకోగల్గినా, కవితలలో_ మనకున్న ఎన్నో తెలుగు, తెలుగేతర కవితలలో, అందంగానే కనబడుతుంది, స్పష్టంగానే వినపడుతుంది, సమంజసంగానే అనిపిస్తుంది కదా పునరుక్తి! అపార్థం చేసుకున్నాననేమో అని అనుమానం, అంతకన్నా దాన్ని సరిచేసుకోడానికే ఈ ప్రయత్నం.

   To be or not to be: that is the question” అనే అంటాం కాని ఎంత Elements of Style ఘోషించినా To be or not: that is the question” అని అనం కదా! “మరో ప్రపంచం, మరో ప్రపంచం, మరో ప్రపంచం పిలిచింది” అనీ, “భజ గోవిందం, భజగోవిందం, గోవిందం భజ” అనీ, “సంభవామి యుగే యుగే” అనీ, “జయ జయ జయ ప్రియ భారత జనయిత్రీ” అనీ, “వాగర్థావివ సంప్రృక్తౌ” అని తిరిగి “వాగర్థ ప్రతిపత్తయే” అనీ, “దేశమంటే మట్టికాదోయ్ దే శమంటే మనుషులోయ్”-పునరుక్తులు లేక్కపెట్టుకుంటూపోతే, కత్తిరిస్తూవుంటే మిగిలేదేమిటో conclusion ఏమిటో తెలియదు!
   ప్రార్థన చివర్లో కూడా పునరుక్తే ఓం శాంతిః శాంతిః శాంతిః !
   “And miles to go before I sleep, And miles to go before I sleep”
   —–
   విధేయుడు
   -Srinivas

   [శ్రీనివాస్ గారూ: మీరు పైన ఉదహరించిన వేటిల్లో కూడా పునరుక్తి దోషం లేదు. -సం.]

6. మే 2009 సంచిక విడుదల గురించి ravikiran timmireddy అభిప్రాయం:

   05/02/2009 7:59 pm

   ఒక ప్రత్యేకవైన సంచికను తేలేదు సరే, కనీసం ఒక వ్యాసాన్ని కూడా శ్రీ శ్రీ గార్ని స్మరించుతూ ప్రచురించకపోవటం ఎల్లలు లేని ఎలక్ట్రానిక్ తెలుగు పత్రిక ప్రత్యేకతా?

   రవి

7. ఈమాట పాఠకులకు… గురించి సుజాత అభిప్రాయం:

   05/02/2009 4:46 pm

   చాలా బాగా చెప్పారు. ముఖ్యంగా తమది పాండిత్యం, ఎదుటివారిది అజ్ఞానం అనే భ్రమలో(పోనీ నమ్మకంలో) ఉన్నపుడు,రచన తమ మనోభావాలకు అనుగుణంగా లేనపుడు ఇటువంటి “నొప్పించే” అభిప్రాయాలు వ్యక్తమవుతాయనుకుంటాను.

   “ముఖ్యంగా ఒక నమ్మిక కోసం తమ ఉనికిని గోప్యంగా వుంచుకునే వెసులుబాటును చీకటిలో నిలబడి మిగతావారిపై బురద జల్లడానికి వాడుకోవడం (తమ అభిప్రాయాలని వెలుగులో నిలబడి ప్రకటించలేని అధైర్యం కూడా కావచ్చునేమో”

   . ఇదీ నిజమే! కానీ అది అధైర్యం కాదు, తమ నమ్మిక ఒకటీ, ఇక్కడ వ్యక్తపరుస్తున్న అభిప్రాయం మరొకటీ అయినపుడు, ఈ గోప్యతను అడ్డు పెట్టుకోవడం జరుగుతుంది. రెండు నాల్కల ధోరణి అన్నమాట!

   ఇది నా అభిప్రాయం. ఎవరి మనోభావాలనూ గాయపరిచే ఉద్దేశం నాకు లేదు. (సంకల్పం చెప్పుకున్నట్లు ఇవాళ ప్రతి మాటకూ ముందు ఇది చెప్పుకోవాల్సిన స్థితి) ఆరోగ్యకరమైన చర్చకు దారితీసే విధంగా మీరు తీసుకుంటున్న నిర్ణయం సమర్థనీయమే!

8. ఒక్కతే… మృత్యువు గురించి ravikiran timmireddy అభిప్రాయం:

   05/02/2009 4:37 pm

   బాగా అనువాదం చేసారు కామేశ్వరరావు గారు. బల్లోజు బాబా గారు చెప్పినట్లు ఒకటి రెండు ఒమిషన్సు వున్నా, నెరూడా గార్ని చక్కగా తెనిగించారు, మెత్త మెత్తగా, చల్ల చల్లగా, సడి చేయని ఒక ఆఖరి, దీర్గ నిశ్వాసాన్ని బాగా చెప్పెరు తెలుగులో.

   రవి

9. ఈమాట పూర్వాపరాలు – నా జ్ఞాపకాలు II గురించి sUryuDu అభిప్రాయం:

   05/02/2009 12:31 pm

   చాలా విలువైన సమాచారం అందించారు. ధన్యవాదాలు.

10. ప్రచురణకి వచ్చే రచనల గురించి గురించి darla అభిప్రాయం:

    05/02/2009 10:32 am

    నమస్కారం,
    వెంకటేశ్వరరావు గారు వ్యాసంలో అక్కడక్కడా ఆధునిక అప్పకవి కనిపించినా, చాలా విషయాలను సూటిగా స్పష్టంగా చెప్పారు. మన తెలుగు వ్యాసాలను ఎం.ఎల్.ఏ స్టైల్ షీట్ కూడా తెలియని/ అసలు పాటించన పరిశోధన వ్యాసాలు మాత్రమే అధికంగా ప్రచురితమవుతున్నాయి. కవిత, కథ, వ్యాసాల్లో వాక్యాల గురించి కొన్నింటిని ప్రస్తావించారు. పునర్తుక్తి గురించి రాశారు. కావ్యాలంకార సంగ్రహం లో ప్రత్యేకించి దోష ప్రకరణం ఉంది. అందులో ఉన్నవన్నీ శాశ్వత ప్రామాణికాలని అనలేం, కానీ, అత్యధిక శాతం అవి ప్రామాణికాలే! ఇలాంటి వన్నీ మన భాషా, సాహిత్యాలను మరింత ముందుకు తీసుకువెళతాయి. అలాగే ఇలాంటి వ్యాసాలు కూడా కొందరినైనా కదిలిస్తాయి.
    మంచి ప్రయత్నం. అభినందనలు అనలేను…. ఇంకా వారికంటే చాలా చిన్నవాణ్ణి. ఉపయోగపడే వ్యాసం అని మాత్రం చెప్పగలను.
    దార్ల