నవోదయలో అడుగిడిన సాహితీవేత్తలంతా వెలుగుమూర్తులే! ఆ వెలుగే ఇదంతా! మంచి పుస్తకానికి చిరునామా నవోదయ! మహోదయుల సాయంకాలపు సంగమమై 50యేళ్ళు వెలిగింది. పుస్తకాల గుళ్ళో ధ్వజస్తంభంలా నవోదయను నిలపాలన్నది నా కల. నేనింకా ఆ కల కంటూనే ఉన్నాను. నవోదయ పుస్తకాలు తెలుగు భాష ఉన్నంతవరకూ సజీవం. తెలుగు భాష ఉన్నంతవరకూ నవోదయ సజీవం.
జి. వి. పూర్ణచందు
జీవిత విశేషాలు
డా. జి. వి. పూర్ణచందు ఆయుర్వేద వైద్యులు, సాహితీవేత్త, పరిశోధకులు, 156 గ్రంథాల రచయిత. తెలుగు భాషోద్యమ ప్రముఖులు, మినీకవితా ఉద్యమ సారధి, కవి, కథానవలా రచయిత, వైఙ్ఞానిక సాహితీవేత్త, తెలుగుభాష మూలాలను తవ్వి తీసిన పరిశోధకులు, తెలుగు వారి ఆహార చరిత్రవేత్త, కాలమిష్టు, సంపాదకుడు, విమర్శకుడు, వ్యాఖ్యాత, అంతకు మించిన సాహితీ కార్యకర్త కూడా!