డాక్టర్ జి. వి. ఆర్‌. కె. శర్మగారు ప్రముఖ వైద్య నిపుణులు, కార్డియో-పల్మనరీ (గుండె, ఊపిరితిత్తులు) రంగంలో పరిశోధకులు. ఆయన విశాఖపట్నంలోని ఆంధ్ర మెడికల్ కాలేజీలో వైద్య విద్య పూర్తిచేశారు. కొన్ని తీవ్రమైన వ్యాధులపై ఆయన చేసిన పరిశోధనలు అంతర్జాతీయంగా గుర్తింపు పొందాయి. అమెరికాలోని వెస్ట్ రక్స్ బరీ వెటరన్స్ అడ్మినిస్ట్రేషన్ హాస్పిటల్‌లో పల్మనరీ విభాగానికి చీఫ్‌గా పనిచేశారు. హార్వర్డ్ మెడికల్ స్కూల్‌లో మెడిసిన్ ఇన్‌స్ట్రక్టర్‌గా బాధ్యతలు నిర్వర్తించారు. ఆయన పరిశోధనా పత్రాలు అమెరికన్ జర్నల్ ఆఫ్ కార్డియాలజీ, ది లాన్సెట్, న్యూ ఇంగ్లాండ్ జర్నల్ ఆఫ్ మెడిసిన్ వంటి ప్రతిష్టాత్మక జర్నల్స్‌లో ప్రచురితమయ్యాయి. వైద్యుడిగానే కాకుండా, జి.వి.ఆర్.కె. శర్మగారు తెలుగు సాహిత్యంలోనూ సుపరిచితులు.