పుట్టిందీ పెరిగిందీ గుంటూరు జిల్లా పెదపరిమి గ్రామం (ప్రస్తుతం అమరావతిలో భాగం). రామ్‌కీ ఫౌండేషన్ అధ్యక్షుడిగా విధి నిర్వహణ. బిందువు, మనిషి జాడ, అజరామరం, అనిర్వచనం కవితాసంపుటాలు; వెన్నలో లావా, వెంట వచ్చునది, స్పర్శవేది కథాసంపుటాలు; విస్తార, ప్రస్తార వ్యాససంపుటాల ప్రచురణ. ఈ పుస్తకాలకు వివిధ సంస్థల నుంచి పాతికపైగా అవార్డులు. తండ్రి స్మారకార్థం ‘మువ్వా చినబాపిరెడ్డి మెమోరియల్ ట్రస్ట్’ స్థాపించి; పెద్దల కోసం వృద్ధాలయం, నిరుద్యోగ యువతకోసం స్కిల్ డెవలప్‌మెంట్ ట్రైనింగ్ సెంటర్ నిర్వహిస్తున్నారు. పెద్దలు, పిల్లల సౌకర్యార్థం ట్రస్టు కార్యాలయంలో ప్రత్యేక గ్రంథాలయం ఏర్పాటు. అడపాదడపా సాహిత్య కార్యక్రమాల నిర్వహణ. ట్రస్టు తరఫున ఇప్పటిదాకా 16 పుస్తకాల ప్రచురణ.