పాఠకుల అభిప్రాయాలు

Total Comments: 16634

  1. సుఖమంటే ఏమిటో తెలుసా? గురించి S.Bhaskara Reddy అభిప్రాయం:

    04/01/2023 9:41 am

    పుస్తక సమీక్ష ఈ పుస్తకాన్ని చదివి తీరాలన్న అభిలాషను పెంచింది. తప్పక చదువుతాను. రచయిత దేశరాజు గారికి, పుస్తక సమీక్షకులు రామిరెడ్డి గారికి శుభాభినందనలు.

  2. సుఖమంటే ఏమిటో తెలుసా? గురించి Rohini vanjari అభిప్రాయం:

    04/01/2023 9:21 am

    రామిరెడ్డిగారి సమీక్ష చదివాక “షేమ్ షేమ్ పప్పి షేమ్” కథలన్నీ చదవాలన్న ఆసక్తి కలుగుతోంది. చాలా చక్కగా కథలను విశ్లేషించారు. రామిరెడ్డిగారికి, కథా సంపుటి రచయిత దేశరాజుగారికి హృదయపూర్వక అభినందనలు.

  3. సోల్జర్ చెప్పిన కథలు: క్లర్కత్వం గురించి Amarendra Dasari అభిప్రాయం:

    04/01/2023 9:16 am

    సస్పెన్స్ లో పెట్టా కథను అనుకొంటున్నారేమో. అదేంలేదు. మీరా ఐదువేలు ఇవ్వరు.

  4. మనోధర్మపరాగం: ఒక మంచి నవల గురించి Gorti Brahmanandam అభిప్రాయం:

    03/31/2023 11:51 pm

    మనకి నచ్చినట్లు ముక్కలు పీక్కుంటే చాలా అర్థాలు వస్తాయి.

    నేను కామెంటు చేసింది ఈ నవలలో సంగీత పరమైన విషయాలు శూన్యం అన్నది. సంగీత పరమైన విషయాల తప్పుల కత్తిరింపులు ముందే కొన్ని జరిగాయి, నాకు తెలుసున్నంత వరకూ.

    పెళ్ళి సంగీతం [సపాసా] గమ్యంలో సంగీతం వెనకబడుతుంది; పెళ్ళి మిగులుతుంది. ఈ నవలలో కూడా అదే జరిగింది.

    నవల అచ్చుకెళ్ళే ముందు రహస్యంగా ఓ అరవై పేజీలు పైనే అతికించుకున్నారు, ఎవరికీ చెప్పకుండా. నవలల పోటీ నిర్వాహకులకీ, ముందుమాట రాసిన వాళ్ళకీ తెలీదు. కొత్తగా అతికించిన అరవై పేజీల్లో సంగీత పరమైన విషయాలు తిరిగి అతికించుకున్నారేమో నాకైతే తెలీదు. మరలా ఆ నవల జోలికి పోలేదు నేను.

    సాధారణ నవల – అని అనడానికి కారణం దీని కథ అన్యాపదేశంగా ఎమ్.ఎస్.సుబ్బులక్షి జీవితం ఆధారంగా రాసినది. ప్రధాన పాత్ర నాగలక్ష్మి, పేరు గుర్తు రావాలన్నట్లుగానే ఎన్నుకున్నట్లనిపించింది.

    నవల రాసిన టెక్నిక్ చాలా బావుందన్నాను – ఎందుకంటే అదే చివరివరకూ ఆసక్తికరంగా పాఠకుల్ని లాక్కెళుతుంది – అందరికీ తెలుసున్న విషయమే అయినా. గుండె బరువెక్కుతుంది – అని ముందు మాటలో రాసింది ప్రధాన పాత్రపై కలిగే జాలీ, బాధా ఇవన్నీ మనసుకి అంటిపెట్టుకుంటాయన్న వుద్దేశ్యంతో.

    అక్కడో లైనూ, ఇక్కడో మాటా జత చేసుకుంటే చాలా అర్థాలు దొర్లుతాయి.

  5. మనోధర్మపరాగం: ఒక మంచి నవల గురించి ram kanteru అభిప్రాయం:

    03/31/2023 9:37 pm

    అమరేంద్ర గారు మీ వ్యాఖ్యతో నేను ఏకీభవించడం లేదు. క్షమించాలి.

    కవర్ పేజీ చూసి (పుస్తకం లో ఒక పేజీ కూడా చదవకుండా) ఇంత చక్కగా తాము చదివే గొప్ప సాహిత్యాన్ని ఉచితంగా మనకు పరిచయం చేస్తూ, వ్యాఖ్యానించారు అంటే చాలా సంతోషంగా వుంది. ఇదో కొత్త ప్రయోగం.

    పుస్తకానికి ముందుమాట ప్రశంసాపూర్వకంగా రాసి, బహుమతి ప్రదానం చేసి, ఇక్కడికొచ్చి వెనక మాట చెప్పడం కూడా, అత్యంత శ్లాఘనీయం.

    తెలుగు సాహితీ విమర్శను బతికించుకోడానికి ఇలాటి విన్నూత్న ప్రయోగాలు చాలా అవసరం. వ్యాఖ్యాతలిద్దరికీ ధన్యావాదాలు.

  6. మనోధర్మపరాగం: ఒక మంచి నవల గురించి Amarendra Dasari అభిప్రాయం:

    03/31/2023 1:20 am

    పై వ్యాసం నేపధ్యంలో వచ్చిన వ్యాఖ్యలు అహేతుకంగా ఉన్నాయి. స్పందించక తప్పడం లేదు.
    **
    ఒకటో వ్యాఖ్యాత నవల చదవలేదు. అయినా అది ‘ఐడెంటిటీ, జెండర్, రేస్ పాలిటిక్స్ పీకి పాకం పెట్టే పిచ్చ బోర్ చరిత్ర ఐ ఉండాలి’, అనేసారు. అనేముందు కాస్త సహనంతో ఆలోచించి ఉంటే ఆ దారుణమైన మాట అనేవారు కాదనుకొంటాను. ఏ కాంటెక్స్ట్ లో అయినా జెండర్ లాంటి వాటి గురించి అలా అనడం ఎంత అన్యాయం!!

    అలాగే ‘ఈ నవలలో సంగీత ప్రస్తావనలు చర్చలు ఏమైనా ఉన్నవా’, అనీ అడిగారీ వ్యాఖ్యాత. పై వ్యాసాన్ని శ్రద్ధగా చదివి ఉంటే ఈ ప్రశ్నకు ఆస్కారం లేదు.
    **
    రెండో వ్యాఖ్యాత ‘ఇదో సాధారణ నవల..సంగీత పరమైన విషయాలు శూన్యం…కాకపోతే నవల రాసిన టెక్నిక్ బావుటుంది. మిగతాదంతా పెళ్లికోసం నేర్చుకున్న సంగీతం లాంటిదే’ అన్నారు..
    1. ఒక పోటీలో ఈ నవలకు ప్రథమ బహుమతి ఇచ్చిన జడ్జీల బృందంలో తానూ ఒకరని, నవలకు చక్కని ముందుమాట రాసానని ఈ వ్యాఖ్యాతకు గుర్తుండే ఉండాలి.
    2. నవలకు రాసిన ముందుమాటలో ‘ఇది పేజీలు తిప్పేసి చదవేసే నవల కాదు. నవలంతా చదివాక గుండె బరువెక్కుతుంది’, అన్నానని కూడా గుర్తుండే ఉండాలి.
    3.అదే ముందుమాటలో ‘ఈ నవల మూడు విధాలుగా విభిన్నమైనది. అందులో మొదటిది సంగీత ప్రధానమైన నేపధ్యం’, అనడమూ; నవలలోని సంగీత స్వరాలనూ వాటి వెనుక ఉన్న ఆత్మఘోష గురించి ప్రస్తావించడమూ; ఆ మాటలు నవల బాక్ కవర్ పేజీలో పొందు పరచబడటమూ ఆ బాక్ కవర్ ఫోటో ఈ వ్యాసంలో భాగంగా ఉండటం ఇవన్నీ రెండో నెంబరు వ్యాఖ్యాతకు గుర్తున్నాయా – ఉంటే సాధారణ నవల, సంగీతం శూన్యం, పెళ్లి సంగీతం లాంటి మాటలు ఎలా సాధ్యం?!
    **
    చివరిగా ఈమాట అభిప్రాయాల స్పేస్ లో పసలేని మాటలే తప్ప అర్థవంతమైన చర్చలు జరగడం లేదని ఒకటో నెంబరు వ్యాఖ్యాత పదేపదే వాపోవడం గమనించాను. ఇపుడు ఆమె చేసిన వ్యాఖ్య ఏ నాణ్యతా ప్రమాణాలకు సరితూగుతుందో వారే చెప్పాలి.

  7. Kāvali Brothers and the Origins of Modern Historiography in India గురించి Sohan Pavuluri అభిప్రాయం:

    03/28/2023 4:13 am

    This is just the most brilliant piece on the Kavali brothers. Thank you

  8. ఊహల ఊట 22 గురించి కొ o కే పూడి అనూరాధ అభిప్రాయం:

    03/26/2023 5:40 am

    60వ పడిలో పడినా కూడా ఇది చదివాక మళ్ళీ ఆరేళ్ల పిల్లలాగా అయిపోయాను దీపావళి సందడి బాగుంది

  9. వన్ నైట్ స్టాండ్ గురించి కల్యాణి నీలారంభం అభిప్రాయం:

    03/20/2023 8:48 pm

    ఈ కథ మొదటిమారే చదివా. షాకింగ్ గా ఏమీలేదు. సంబంధాలు ఎలా క్రమేణా చిక్కబడతాయో/పల్చనవుతాయో చూపిస్తున్నారు అనిపించింది. ఆర్థికంగా హై క్లాస్/లో క్లాస్ ల్లో వున్న amorality మధ్యతరగతి కుటుంబాలకు లేదు. అది నిజం.

  10. వన్ నైట్ స్టాండ్ గురించి అనిల్ అట్లూరి అభిప్రాయం:

    03/20/2023 8:32 pm

    ఇదివరకే చదివాను శివ కథని. మళ్ళీ ఈ రోజు because you shared and reminded again on FB, మళ్ళీ ఈ రోజు చదివాను. కథలో ఎక్జైట్మెంట్ ఏమి లేదు. స్వప్న – మధు స్నేహంలో కాని, గోవాలో వన్ నైట్ స్టాండ్ కాని మోరల్ వాల్యూస్‌ని పుష్ చేసిందేమి కనపడలేదు. ప్రతి పాఠకుడికి కామెంట్ చెయ్యడానికి ఏమి లేని కథ. చి న So there you have my 2 cents. 🙂