పాఠకుల అభిప్రాయాలు

Total Comments: 16489

1. తుపాకి గురించి కె.మహేష్ కుమార్ అభిప్రాయం:

   07/10/2008 7:56 pm

   కథ గుండెని తాకింది. కొన్ని ఆలోచనల్ని కొన్ని, ప్రశ్నల్ని మనసులో రేపింది.

2. సార్థక నామధేయుడు సంగీతరావు గురించి baabjeelu అభిప్రాయం:

   07/10/2008 6:46 pm

   రోహిణీ ప్రసాదు గారూ, మీ “కిట్టించడం” అన్నపదప్రయోగం వల్ల ఇంత చర్చ.
   త్యాగరాజ కీర్తనల్లో సాహిత్యం శాతం తక్కువే. సంగీతానికే పెద్దపీట. అయినా మంచి సాహిత్యం సృష్టించేడు. త్యాగరాజుని సాహితీకారుడుగా ఎవరూ, మిగిలిన సాహితీస్రష్టలతో కంపేర్ చేయరు. కీర్తనలు రాసిన వాళ్ళలో త్యాగరాజు నెం.2.

3. తుపాకి గురించి నెటిజన్ అభిప్రాయం:

   07/10/2008 6:07 pm

   ఎందుకో ఇది చదవడం మొదలుబెట్టగానే ఘుస్ వన్ శంత్ సినిమా, Fఇందింగ్ Fఒర్రెస్తెర్ గుర్తొచ్చింది. దానికి, మీ కధకి ఎలాంటి పోలికా లేదు! గుర్తొచ్చింది అంతే!
   మీరు చూసారా ఆ సినిమాని?

4. సార్థక నామధేయుడు సంగీతరావు గురించి Rohiniprasad అభిప్రాయం:

   07/10/2008 5:34 pm

   ఇక ఈ విషయం గురించి నేను చర్చించదలుచుకోలేదు. సంగీతం ఎటువంటిదో, సాహిత్యం ఎటువంటిదో ఎవరిష్టం వచ్చినట్టు వారు అర్థం చేసుకోగలరు.

5. పూర్వజన్మ వాసన గురించి ప్రసాద్ అభిప్రాయం:

   07/10/2008 1:52 pm

   ఇంతకీ ఆ పూర్వజన్మ వాసన ఏంటో, ఇప్పుడు చూసిన వాసన ఏంటొ స్పష్టంగా నా మొద్దు బుర్రకు అర్థం కావటం లేదండి.

   –ప్రసాద్
   http://blog.charasala.com

6. జ్యోతిషమూ – లోపలి సంగతులూ – 3 గురించి నాగమురళి అభిప్రాయం:

   07/10/2008 1:15 pm

   అవును మోహన గారూ. గోక్ లా పరిశోధనల్ని సైంటిస్టులు గానీ, హేతువాదులు గానీ ఎవరూ ఒప్పుకోరు, సీరియస్ గా తీసుకోరు. కానీ జ్యోతిష్కులకే అది కొంత ఆశాజనకంగా కనిపిస్తుంది. గోక్ లా పరిశోధన ఒక చిన్న ముందడుగు మాత్రమే అనీ, అతని పరిశోధనల్లాంటివే ఇంకా ఖచ్చితంగా చేస్తే (గోక్ లా తన డేటా లో జన్మ సమయాలకి గంటని మాత్రమే పరిగణనలోకి తీసుకున్నాడు, నిమిషాల్ని లెక్కలోకి తీసుకోలేదు), లేదా వేరే విధంగా చేస్తే ఫలితాలు ఇంకా బాగా వస్తాయి అని చాలామంది జ్యోతిష్కులు భావిస్తారు. అయితే ఇంతవరకు ఎవరూ అంత పెద్దయెత్తున పరిశోధనలు చెయ్యలేదు.

7. జ్యోతిషమూ – లోపలి సంగతులూ – 3 గురించి mOhana అభిప్రాయం:

   07/10/2008 11:45 am

   మీ వ్యాసం బాగుంది.
   0.04 కారిలేషన్ కొయెఫిషిఎంట్ అనంగీకృతమండీ. ఒక ప్రయోగాన్ని పరిశీలనకు తీసికోవాలంటే ఇది కనీసం 0.2 నుండి 0.3 వరకు ఉండాలి. ఈ 0.2 నుండి 0.3 వరకు గల పరిమితి సుమారు మూడు స్టాండర్ద్ డీవియేషనులకు సమానము. అప్పుడే ఫలితాలను ఇంటర్ప్రెట్ చేయడానికి ప్రారంభిస్తాము. లేకపోతే దానిని చెత్తబుట్టలో వేయాల్సిందే. అంటే అది తప్పని కాదు. కాని అది సరి అని ఒప్పుకొని ముందంజ వేయలేము. స్టాటిస్టిక్స్ అబద్ధం కాదు. దానిని సరిగా అనలైస్ చేయకపోతే అబద్ధంలాగ కనిపిస్తుంది.
   – మోహన

8. జ్యోతిషమూ – లోపలి సంగతులూ – 3 గురించి నాగమురళి అభిప్రాయం:

   07/10/2008 11:08 am

   రామకృష్ణ గారూ, ధన్యవాదాలు. ఈ వ్యాసావళిలో తరవాత రాబోయే భాగాలు చదివితే మీకు కొంత స్పష్టత వస్తుందనే ఆశిస్తాను.

   నరేంద్ర భాస్కర్ గారూ, నమస్కారాలు.
   నా వ్యాసాలు ఓపికతో చదివినందుకు ధన్యవాదాలు. నేను ఇదివరకే చెప్పినట్టు జ్యోతిషం గురించి తొందరగా ఒక అభిప్రాయం ఏర్పరచుకోవడమో, నిర్ణయానికి రావడమో తేలిక. కొంచం లోతుగా పరిశీలించడమే కష్టం. నేనింకా చెప్పవలసినది చాలానే ఉన్నది. మిగతా భాగాలు కూడా చదవమని కోరుతున్నాను.

   మీ ఉత్సాహాన్ని భంగపరచడం నా ఉద్దేశ్యం కాదు కానీ, నేను మిథున జాతకుణ్ణి కాను – ఏ జ్యోతిష సాంప్రదాయం ప్రకారం చూసినా సరే. జ్యోతిషంలో అంత తేలికగా ఒక విషయాన్ని నిర్ణయించడం సాధ్యం కాదని నాకు బోధపడడానికి చాలా కాలమే పట్టింది.

   ప్రశ్నించి తెలుసుకోవాలనే ఆసక్తి ఉండాలే గానీ ఏ తీగ లాగినా మొత్తం డొంక అంతా కదలవలసిందే. మనకున్న ప్రశ్నల పరిధిని బట్టే మనం సమాచారాన్నిసేకరించుకుంటాం, పనికివచ్చేదో పనికిరానిదో నిర్ణయించుకుంటాం. నేను మాత్రం సమాధానాల కన్నా ప్రశ్నలే ముఖ్యమని గట్టిగా నమ్ముతాను.

   మరొక్కసారి మీకు నా ధన్యవాదాలు.
   నాగమురళి.

9. సార్థక నామధేయుడు సంగీతరావు గురించి abhimaani అభిప్రాయం:

   07/10/2008 10:09 am

   ఎందరో మహాను భావులు ఆసువుగా పదిమంది ముందూ పాడిన కీర్తన. సర్దుబాట్లూ, కిట్టించడాలు త్యాగరాజుల వారికి అవసరం లేదనుకుంటాను. అందులో మీకు ఎక్కడ ఏ చరణం కిట్టించినట్లు అనిపించిదో చెబితే సంతోషిస్తాము.
   త్యాగరాజు ధర్మమా అని తెలుగు సాహిత్యం తమిళ నాట కూడా ఓ వెలుగు వెలిగింది. తెలుగు మరీ నేర్చుకొని సంగీత కృతులు కట్టిన వారున్నారు. త్యాగరాజ కీర్తనల్లో కూడా సాహిత్య విలువలు ఎక్కువే! “త్యాగరాజు రచనలు intensely musical గా అనిపిస్తాయి” అని రాసారు. సాహిత్య విలువలు లేవని రాసిన మీ అభిప్రాయాన్ని పెద్దలు ఒప్పరు. పైగా ముత్తు స్వామి దీక్షితార్ కీర్తనలన్నీ సంస్కృతం లో కదా? అందులో తెలుగు సాహిత్యం ఎక్కడుంది?
   త్యాగరాజు రాసిన “గ్రహబలమేమి?” అన్న కీర్తన సాహిత్యం, మాత్రా చందస్సు లో ఉంటుంది. వ్యవహారిక పదాలని ఎక్కువ భాగం సంగీతంలో అద్భుతంగా వాడిన ఘనత త్యాగరాజుదే!

   baabjeelu గారు రాసినట్లు “మన తెలుగు వాళ్ళకి, తెలుగన్నా, తెలుగు వాళ్ళన్నా చిన్నచూపు.” అందుకే త్యాగరాజు మనవాడు అన్న ఫీలింగ్ లేదు. ఇది మాత్రం సత్యం. ఎంత సేపూ పక్కింటి వాళ్ళ గోలే తప్ప మనకి మన వాళ్ళ గొప్పతనం మెచ్చుకోవడానికి మనసు రాదు.

   -అభిమాని.

10. సార్థక నామధేయుడు సంగీతరావు గురించి baabjeelu అభిప్రాయం:

    07/10/2008 9:02 am

    నా ఉద్దేశం అది కాదు ప్రసాదు గారూ.

    సంగీతం కోసం సాహిత్యాన్ని కిట్టించడం చాలా ఎక్కువ.
    సాహిత్యం కోసం సంగీతాన్ని స్రుష్టించడం చాలా తక్కువ. ఇప్పుడే “స్మరవారం వారం…” వింటున్నాను. పల్లవి ఎంత సులువుగా వుందో చరణాలు అంత కష్టంగా వున్నాయి.

    దయచేసి ట్రేడిషన్ ని పక్కన పెట్టి చూడండి.

    చిట్టిబాబు చెప్పినట్టు ట్రేడిషణన్ కెన్ బి బ్రోకెన్.
    తమిళ్ సంగీతం, తెలుగు సంగీతం అంటూ వేర్వేరుగా వుందా?
    మన తెలుగు వాళ్ళకి, తెలుగన్నా, తెలుగు వాళ్ళన్నా చిన్నచూపు.
    దయచేసి ఈ చివరివాక్యం మీద చర్చ వద్దు.