అటు సాహిత్యంలోనూ ఇటు ఆయుర్వేద వైద్య రంగంలో సుపరిచితులైన వ్యక్తి గూడూరి నమశ్శివాయ. ఆయుర్వేద, సాహిత్య అంశాలపై వ్యాసాలు, పుస్తకాలు రాశారు. వీరు రాసిన “సాహిత్యోపన్యాసములు” (1980) పుస్తకాన్ని ఆంధ్రప్రదేశ్ సాహిత్య అకాడమి ప్రచురించింది. ప్రముఖుల జీవిత చరిత్రలను, స్వీయచరిత్రలను వెలుగులోకి తీసుకురావడంలో ఆయన కృషి చేశారు. ఉదాహరణకు, ‘శ్రీ పింగళి లక్ష్మీకాంతం జీవిత చరిత్ర’ను ఆయన రాశారు. 1955 దశకంలో ‘జాగృతి’ వారపత్రికలో ప్రాచీన శస్త్ర చికిత్సలకు సంబంధించిన వ్యాసాలను ఆయన అందించారు.