1.
విరగ గాచి
కనులు మూసి
వేచి ఉంటానుపసిమి వన్నెల
కవిత గువ్వ
వచ్చి వాలిగొంతు ఎత్తి
ఉండి ఉండి
పాట పాడితే
పులకలెత్తి
పూలు రాల్చానుపాట మాని
ఊరికే అది
కొమ్మకొమ్మకి
దూకుతోంటే
కులాసాగా
పొడుస్తోంటేపాట ఆగితే
నిద్ర లేచే
తలపోతలు
నాగుబాములుపొంచి పొంచి
పాకి వచ్చి
ఒక్క పట్టున
మింగబోతేపాము చెవుల
చిట్టి గువ్వ
వదిలి నన్ను
ఎగిరిపోతోఎన్నడూ ఇక
తిరిగి రానని
కేక వేసింది.2.
మందారచెట్టు మీద
మబ్బుల పరుపు
వెలుగు రేకల
చీకటి దుప్పటీ
పక్కన
చిన్ని కంఠం
కూకూ పాటవింటూ
వత్తిగిలితే
రెక్కలు సాచి
కూత పెడుతూ
తరుముకు
వచ్చేస్తో
గండభేరుండ పక్షిఉలిక్కి పడ్డాను
పడ్డాను
మంచం మీంచికిటికీ బయట
పాట మాని
రెక్కల్లో
తల దాచి
చిట్టి పిట్టమా ఇంటి
పైన్నించి
ఎప్పటిలాగే
గర్జిస్తూ
లంఘిస్తో
లోహ విహంగం.