1. ఎటులైనా ఇచటనే ఆగిపోనా
చిటారు కొమ్మకి
పారీ చూపు
ఈలలు ఊరీ
కోనకి కైపుపడుచు సూరీడి
నీడల అల్లుడు
చీమ మీసాల
గుస గుస
బారెడుకొమ్మ రెమ్మ
వంకర ఓలు
పురుగులు దున్ను
టింకర చాలుమబ్బు బానలు
మోసుకు వచ్చి
చీకటి సబ్బును
ఒంటికి రుద్దే
సంజె గాలికి
సాగీ కాలునడిమి అడివి
కాటుక కాయి
మూత తెరచే
పాలపుంతలో
పేరీ ఊహ
సోలీ కన్ను.
2. ఇంటికొచ్చిన వర్షం
ఆ
రంగారాయుడు
చెరువులో
వానకి తడుస్తున్న
తామర పూలని
ఒళ్ళు విదిల్చే
బాతుల్నిగడ్డిలో
చినుకుల బరువుకు
వంగిన పూలని
అప్పుడే బయటికి
వచ్చి స్నానం చేస్తోన్న
వానపాముల్నిచూస్తూ
రంగు చుక్కల
గొడుగు వేసుకున్నా
సగం వీపు తడిసేలా
జల్లు కొడుతోంటేవచ్చావూ
ఇప్పటికి
ఇంటికి?ఇదిగో
ఈ వేడి వేడి
దిబ్బ రొట్టి తిని
పక్కనే పొగలు
కక్కుతోన్న
అల్లం టీ
తాగు.వాన హోరు
వినిపిస్తుందిలే
ఇంట్లోంచిమెరుపులు
నల్ల చీరకి
జరీ అంచులా
తార్రోడ్డుకి
అటూ ఇటూ పారే
ఎర్ర
మట్టి నీళ్ళూపూల అంచుగా
ఒకటొకటిగా
జారి
ఇసకలో
తీరుబడిగా
కన్నాలు
పెడుతోన్న
వాన చినుకులూ చూడొచ్చులే
కిటికీలోంచి.