మౌలికంగా జర్నలిస్టు కావడంవల్ల రాయడం పట్ల కూడా ఆసక్తి, ప్రవేశం ఏర్పడిన మునిసురేష్ పిళ్ళే గారికి రాయడమే ఆసక్తి, అభిరుచి, బతుకుతెరువు. వీరు రచించిన మూడు కథా సంపుటాలు ‘పూర్ణమూ నిరంతరమూ’, ‘రాతితయారీ’, గారడీవాడు, రెండు నవలలు ‘సుపుత్రికా ప్రాప్తిరస్తు’ ‘పుత్రికాశత్రుః’, ఒక కవిత్వం సంపుటి ‘షష్ఠముడు’, ఒక సంపాదకీయ వ్యాసాల సంపుటి ‘మునివాక్యం’ ప్రచురణ అయ్యాయి. వీటిలో కొన్ని పుస్తకాలకు వివిధ పురస్కారాలు లభించాయి. అనువాద సాహిత్యంకోసం ప్రత్యేకించిన ‘కథావసుధ’ వెబ్ మేగజైన్ ను తన సంపాదకత్వంలో నిర్వహిస్తున్నారు.