పాఠకుల అభిప్రాయాలు

Total Comments: 16635

  1. రంగులూ మాటాడతాయి! గురించి థింసా అభిప్రాయం:

    06/16/2017 8:07 am

    డా విజయ్ గార్కి,

    ధన్యవాదాలు.

    ఒక పదమో పదబంధమో ప్రయోగమో పంటి కింది (పలుగు) రాయిలా అనిపించడానికి .. దుష్ట సమాసం, దుష్ట సంధి, ముద్రారాక్షసాలే కావలెనా?

    శబ్ద సౌందర్యం, అర్థ శబలత, కంటికుండే ఇంపు గురించి మీకు తెలియనిది(వి) కాదు కదా!

    మీకు ఇష్టమైన, నాకు ఇంచుక వ్యత్యస్తంగా తోచిన “గుండె అంగీ” లో ఏ సమాసం, ఏ సంధి గలవో (ముద్రారాక్షసం లేదనుకున్నప్పటికీ) అదెంతటి సత్ప్రయోగమో దయచేసి వివరించ గలరని సవినయంగా విన్నవించుకుంటున్నాను.

    థింసా

  2. రాగలహరి: సింధుభైరవి గురించి విష్ణుభొట్ల లక్ష్మన్న అభిప్రాయం:

    06/16/2017 7:12 am

    జూలై 22న జరగబోయే సాహిత్య సదస్సులో “మన పాటల్లో సింధుభైరవి” అన్న అంశం మీద ప్రసంగానికి తయారు అవుతుండగా ఈ క్రింది పాటలు లభ్యమయ్యాయి. ఈ పాటలన్నీ సింధుభైరవి రాగంలో బాణీ కట్టబడ్డవే!

    1. “మన ప్రేమ, మన ప్రేమ..” అన్న బాలాంత్రపు రజనీకాంతరావుగారి రచనని, బాలమురళీకృష్ణ – శ్రీరంగం గోపాలరత్నం అద్భుతంగా పాడగా చాలా కాలం క్రితం విన్నాను. ఇదిగో మళ్ళీ ఇక్కడ వినొచ్చు.

      https://www.youtube.com/watch?v=GEq9MlJERvU

    2. ఇంకో పాట:

      సంసారం (1950, ఘంటసాల – గానం,L. V. ప్రసాద్ – దర్శకత్వం, సుసర్ల – సంగీతం, వెంపటి సదాశివ బ్రహ్మం – రచన)
      సంసారం! సంసారం!
      ప్రేమ సుధాపూరం! నవజీవన సారం!

      https://www.youtube.com/watch?v=rmQBJuPVX4M

    3. మరొక అద్భుతమైన పాట:

      మౌనం గానే ఎదగమని మొక్క నీకు చెపుతుంది
      ఎదిగిన కొద్దీ ఒదగమని అర్ధమందులో ఉంది

      https://www.youtube.com/watch?v=uVR75mT2Ibc

    విష్ణుభొట్ల లక్ష్మన్న

  3. రంగులూ మాటాడతాయి! గురించి విజయ్ కోగంటి అభిప్రాయం:

    06/16/2017 5:38 am

    ధింసా గారు, ప్రతిస్పందనకు ధన్యవాదాలు.

    ఏ కవీ తన చదువరులను ఇబ్బంది/తికమక పెట్టాలని అనుకోరని నా భావన. ఒక్కోసారి కవికి ఉన్న దృక్కోణం రీడర్ కి దొరక్కపోవచ్చు. అలాగని కవిత, దాని లోని భావన ఇలాగే ఉండాలని చెప్పలేము. వీలున్నంతవరకు కవితను తన చదువరీ ఆస్వాదించాలనే కవి భావన కదా.

    వైరి సమాసమో, దుష్ట సంధో, ముద్రా రాక్షసమో ఐతే మీరన్నట్లు పంటి కింద రాయే. కానీ ఈ నా భావన అంత సంక్లిష్టమో జుగుప్సాకరమో కాదు గదా.

    మీ అభిప్రాయాన్ని పంచుకున్నందుకు ధన్యవాదాలు.

  4. తెరచాటు-వులు: 3. శ్రుతి చూసుకో, శ్రుతి చేసుకో! గురించి Guru kiran అభిప్రాయం:

    06/15/2017 10:23 pm

    Can the TONE and TREATMENT be considered as same?

  5. రంగులూ మాటాడతాయి! గురించి థింసా అభిప్రాయం:

    06/15/2017 4:26 pm

    ప్రియమైన డా. విజయ్ గారూ, మీ వివరణ అర్థమయింది. నా రాతతో మీ సున్నిత మనస్సుని మీ మృదు హృదయాన్ని గాయపరచడం నా ఉద్దేశ్యం కానేకాదని గమనించ మనవి. పరస్పర అభిప్రాయ కలబోత హలదాయకం కాగలదని నా నమ్మకం. అంతే.

    1. మీరు ఆశ్చర్యాన్ని వెలిబుచ్చిన “తెల్ల నవ్వులు” నిజానికి నాకెక్కడా ఎదురు కాలేదు. ఇది నా పరిమిత జ్ణానమే కావచ్చును. “జీవం లేని (నిర్జీవపు) “, “పేలవపు”, “వెలతెల బోయిన” “నిర్వేదపు” “కిలకిల గలగల” “ముత్యాలు జాలువరే” ఎట్సెట్రా నవ్వుల వరకే నా తెలివిడి. నిజానికి సాదారణ వాడుకలో “తెలుపు” స్వచ్చతకి ప్రతిబింబం. కానీ అది సందర్భ ఔచితిని బట్టి ముఖ్యంగా సంఘర్షణలో “తెలుపు” ఓటమిని తెలిపే సంకేతం. “ప్రతి రంగుకూ ఒక భాష ఉంటుంది” అన్న మీకు రంగు ప్రాధమ్యత అబోధకమని నేను పొరబడను గాక పొరబడను.
    2. నిజమే.. ఏ వస్తువుకు ఆ రూపాన్నీ ఏ భావానికి ఆ రంగునూ అద్దడం వాస్తవిక కవి సమయం. మీరు కోపానికి ఎరుపు రంగును సరిగ్గా ప్రయోగించి, ఆకసం, గడ్డిపరకల్ని విరుద్ధ రంగుల బారిన పడెయోద్దనడం చమత్కారమనుకోమనడం భావ్యమేనంటారా?
    3. డా. విజయ్ గారూ నిజమే అన్ని రంగుల కలయికే జీవితం..కానీ జీవితమ్లో కొన్నింటికే ఎక్కువ ప్రాధాన్యమియ్యడం అందరి అనుభవంలో ఉన్నదే గదా! అందుకే రంగులకు భాష మాత్రమే కాదు భావజాలం కూడా ఉంటుందన్నాను. మీరు నొచ్చుకుంటే మన్నించండి. రంగు కున్న ప్రాధాన్యమది.
    4. మాటడుతాయి, మాట్లాడుతాయి మాండలిక భేదాలను, యాసల పార్శ్వాలని తెలిపేటివని మీకు తెలియనిది కాదనుకుంటాను. అందుకే సర్దుకుని అర్థం చేసుకోవచ్చులేనని భావించాను తప్ప అన్యం కాదు.
    5. “గుండె అంగీ” ప్రయోగం మీకు అత్యంత ఇష్టమైన మీ మమకారాన్ని దాయలేనంత ప్రీతిపాత్రమైన పద ప్రయోగమే కావచ్చును. కాదనడం లేదు. కానీ ఏ ప్రయొగమైనా పాఠకుడికి పంతికింది రాయిలా ఉండకూడదన్నదే నా భావన.
    6. రంగులు మానసిక భావవేశాలను వ్యక్తం చేయడమే కాదు కావలసింది ఆ వ్యక్తీకరణకి ఒక క్రమగతి, క్రమోన్మీలన కూడా ఆవశ్యకమని మీరూ గుర్తిస్తారు కాదా డా. విజయ్ గారూ.
    7. “ఏదైనా చదివినప్పుడు ఏమైనా మాట్లాడె హక్కు అందరికీ ఉంది” అని మీరంటారు గానీ అట్లా “ఏమైనా మాట్లాడడం” బాధ్యతా రాహిత్యమని నేను గాఢంగా భావిస్తాను. కవి మాత్రమే కాదు చదువరులు కూడా ఔచిత్యాన్ని పాఠించాలని నా ప్రగాఢ ఆకాంక్ష. అవసరమైనప్పుడు పెదవి విప్పకపోతే అనవసర అపార్థాలనధిగమించడం దుస్సాధ్యమౌతుంది కదా. అవసరాన్ని గుర్తించిన పరస్పరుల కవితాస్వాదనా సంలబ్ది కోసమే గదా మన భావాభిప్రాయాల కలబోత.
    8. మీకు తెలియని విషయమేమీ కాదు గానీ – కవి కవిత రాసి ప్రకటించాక ఇక ఆ కవిత కవిది కాదు పాఠకులదౌతుంది. అనుకుంటాం గానీ ఏ కవీ తన కోసం మాత్రమే కవిత్వం రాసుకోడన్నది జగమెరిగినదే. పాఠకులు లేదా చదువరుల ఆస్వాదనిరాస్వాదన వల్లనే ఆ కవితకొక ఉనికి ఏర్పడుతుందని చెప్పడం అవాస్తవమో అతిశయోక్తో కాబోదు.

    కొంచెం ఎక్కువగానే స్పందించాననుకుంటాను.
    నా అభిప్రాయ నివేదనని అన్యధా భావించరని కవికీ సంపాదకులకు ధన్యవాదాలు తెలుపుకుంటూ….
    –థింసా

  6. కోడ్ కూలీ గురించి తాడిగడప శ్యామలరావు అభిప్రాయం:

    06/15/2017 3:34 am

    కథ బాగుంది. అంతకంటే దీన్ని అనవసమైన విస్తరణలు లేకుండా సూటిగా చెప్పి ముగించటం ఇంకా బాగుంది. కాని కథలో కొంత వైరుథ్యం కనిపిస్తోంది. నోటిదురుసువల్ల ఉద్యోగం ఊడగొట్టుకున్న మనిషి ఆతరువాత ఏమీ మారలేదని సుస్పష్టంగానే కథలో కనిపిస్తోంది. కాని అంత తలబిరుసూ నోటిదురదా ఉన్న మనిషి ఒక ఉద్యోగంలోనుండి గెంటించుకొన్నాక ఎలాగ అమెరికాలో కుదురుకొని పైకి వచ్చిందని చెప్పటం ఆ పాత్రస్వభావానికి అస్సలు నప్పటం లేదు. అదొక చెప్పుకోదగ్గ లోపమేను.

  7. రంగులూ మాటాడతాయి! గురించి విజయ్ కోగంటి అభిప్రాయం:

    06/15/2017 12:16 am

    ‘అపారా’నుభవంతో ‘సునిశిత’ విమర్శ చేసిన ధింసా గారికి నమస్సులు.

    చాలా సమయం వెచ్చించి వ్యాఖ్య(లు) చేసినందుకు ధన్యవాదాలు.

    అనేక భావావేశాలనే రంగులని గ్రహించి జీవితాన్ని అందమైన చిత్రాన్నెలా చేసుకోవాలో చెప్పడమే నా ఆలోచన.

    1. ‘తెల్ల నవ్వులు’ అనే ప్రయోగం సర్వ సాధారణమే. మీరు వినలేదంటే ఆశ్చర్యమే వేసింది. తెల్ల నవ్వు వెలిసిపోయిన తనాన్ని, జీవం లేని తనాన్ని సూచిస్తుందనేది అందరకు తెలిసిన విషయమే. అందుకే నవ్వుల్లో తెల్లదనం ఎక్కువ కాకూడదనేది కవి హృదయం.
    2. ఇక ఇంగిత జ్ఞానం గురించి మీరు చేసిన వ్యాఖ్య: కవితలోని చమత్కారాన్ని గ్రహిస్తే ఇంగిత జ్ఞానం త్వరగా బోధపడుతుంది.ఏ భావానికి ఆ రంగును అద్దమని కవి ఆకాశం , గడ్డి పరకల రంగుల గురించి ప్ర స్తావించాడు. లేకుంటే ఇదిగో ఇలాగే ఒక దానికి మరొకటి అర్ధమౌతాయి.
    3. ఏ ఒక్క రంగునీ కవి ద్వేషించ లేదు – లేడు. ఎందుకంటే ఒక మంచి చిత్రానికి అన్ని రంగులూ అవసరమే – అందులోనూ జీవిత చిత్రం కదా. చాలా తేలికైన పదాలతోనే జీవితాన్ని గూర్చి చెప్పాలని ప్రయత్నించిన కవిత ఇది – అంత దాగని సత్యాలేముంటాయి చెప్పండి ? 
    4. ఇక శీర్షిక విషయంలో మీరు చేసిన వ్యాఖ్య : మాటాడు – మాట్లాడు ; పోటాడు – పోట్లాడు – వాడుకలో ఉన్నవే . అంత ‘సర్డుకు’ పోవాల్సిన అగత్యం లేదేమో.
    5. ‘గుండె అంగీ’ లా చుట్టుకోడమంటే మనసుకు చాలా ఇష్టమైన దానిలా చుట్టేసుకొమ్మని. మీకు నచ్చకపోతే నేనేమీ చేయలేను. నాకు నచ్చి చేసిన ప్రయోగమది. అంతే కానీ ఫేసు బుక్ లో బోలెడన్ని లైకుల కోసమో చప్పట్ల కోసమో కాదు. అసలు నేను వ్రాసుకునేదే నాకోసం. నాకిష్టమై వ్రాసాను. సంపాదకులకి నచ్చి ప్రచురించారు. నచ్చిన వారు చదువుతారు. ఇష్టపడతారు. బలవంత మేమీ లేదు.
    6. రంగులు మానసిక భావావేశాలను వ్యక్తంచేసినపుడే మాటాడి నట్టు – అదే – మాట్లాడినట్లు. నేను చెప్పిందీ అదే.
    7. ఏదైనా చదివినపుడు ఏమైనా మాట్లాడే హక్కు అందరికీ వుంది. అవసరమైనపుడే మాట్లాడాలి – కానీ నా మటుకు నాకు అవసరాన్ని గుర్తించ గలిగినపుడే మాట్లాడాలన్నది నా ఉద్దేశ్యం.

    ఇలా మీ పరిచయం కలగడం మహద్భాగ్యం. నమస్తే.

  8. ఇంటికి మళ్ళు గురించి థింసా అభిప్రాయం:

    06/13/2017 5:36 am

    మీ వివరణ కు ధన్యవాదాలండీ ఇంద్రాణి గారు.

  9. వేయిపడగలు-గాన్ విత్ ద విండ్: 4. వైరుధ్యం వర్సెస్ వైవిధ్యం గురించి kalluri bhaskaram అభిప్రాయం:

    06/12/2017 9:23 pm

    సహానుభూతిపూర్వక స్పందనకు రవిగారికి ధన్యవాదాలు. వేయిపడగలపై ఆర్.ఎస్. సుదర్శనంగారి విమర్శ కాక, చెప్పుకోదగిన ఇతర అనుకూల/ప్రతికూల విమర్శలు ఏవైనా మీ దృష్టికి వచ్చి ఉంటే తెలపగలరు.

  10. పునరావృతమ్ గురించి kalluri bhaskaram అభిప్రాయం:

    06/12/2017 9:16 pm

    కథ, కథనం రెండూ బాగున్నాయి. కొన్ని తప్పనిసరి సాంకేతిక పదాలను మినహాయిస్తే మిగతా ఇంగ్లీష్ మాటల్ని, వాక్యాల్ని తెలుగు చేయడం ఏమంత కష్టం కాదు. అవసరమనిపిస్తే ఎవరి సాయమైనా తీసుకుని ఆ పని చేయండి.