పాఠకుల అభిప్రాయాలు

Total Comments: 16635

  1. సమవుజ్జీ గురించి సాహిత్ అభిప్రాయం:

    10/07/2018 11:38 am

    గోదారోళ్ల బాష, గ్రామీణ యాసతో ఆద్యంతం ఆసక్తిగా సాగించిన కథనం, కొస మెరుపు బాగున్నాయి. రాచ వారి మర్యాదలు, సంప్రదాయాలు పరిచయం చేసారు రచయిత.

  2. బేతాళ కథలు: కథన కుతూహలం – 5 గురించి టి. చంద్రశేఖర రెడ్డి అభిప్రాయం:

    10/07/2018 7:34 am

    శర్మ గారి సూచనలకు ధన్యవాదాలు.

    నేను ఎన్నుకున్న సంవిధానం’చందమామ’ బేతాళ కథలనుంచి తీసుకున్నది. బేతాళుడు కథ చెప్తాడు. తర్వాత ప్రశ్నలు వేస్తాడు. విక్రమార్కుడు సమాధానాలు ఇస్తాడు. లక్ష్యం విక్రమార్కుడి మౌనభంగం. అది నెరవేరగానే బేతాళుడు అదృశ్యమవుతాడు. విక్రమార్కుడు మళ్లీ బేతాళుడిని మోసుకొస్తాడు. ఇది పునరుక్తమవుతూ ఉంటుంది. నేను రాసిన ఈ బేతాళకథల్లో జరిగింది కూడా ఇదే.

    గణాంకాలని కథలో కూడా ఇమిడ్చి ఉండవచ్చు. అప్పుడది పరిశోధనాపత్రంలా తయారవుతుందనిపించి గమనికగా కథ అడుగున ఇవ్వడం జరిగింది.

    కథలోని ఒక విసురు శర్మ గారికి నచ్చినందుకు సంతోషం.

    టి. చంద్రశేఖర రెడ్డి

  3. అహోరాత్రం గురించి నాగమురళి అభిప్రాయం:

    10/06/2018 10:50 pm

    సురేశ్ గారు,
    హోర అన్న పదం “అ’హోరా’త్రం” నుంచి పుట్టింది అని సాంప్రదాయికులు అంటారు. ఈ కవిత పేరు అహోరాత్రం కాబట్టి, పరాశరుణ్ణి ఉటంకించారు కాబట్టి ఆ మాట వ్రాశాను. అంతకు పైన శబ్ద వ్యుత్పత్తి గురించి ఆలోచించలేదు.

    యవనుల కంటే పూర్వం భారతదేశ ఖగోళశాస్త్రం ఎక్కువగా నక్షత్రాల మీద ఆధారపడిందే తప్ప, రాశుల గురించి చర్చ లేదు

    ఇది నేనూ విన్నదే. కానీ కొన్ని సందేహాలు ఉన్నాయి. ఉదాహరణకి, ‘ఏకం చక్రం వర్తతే ద్వాదశారం’ – అన్న అశ్వినీసూక్తంలోని మాట. ఈ సూక్తం ఎంత ప్రాచీనమైనదో తెలియదు.

    in geo-centric theories, sun takes one day to rotate around earth

    It is not only Sun, all planets (the entire zodiac for that matter) appear to rotate around the earth in just one day due to the diurnal motion of earth. This motion represents the Lagna (rising zodiacal degree in the east), which is the most important, and other houses in Astrology.

    అమూర్తుడు అన్న పేరు నేనూ ఎప్పుడూ వినలేదు. కానీ ఆ పదంద్వారా ముహూర్తం లేక లగ్నాన్ని సంకేతిస్తున్నారనే నా అనుకోలు.

    మొత్తానికి కవితకన్నా నా వ్యాఖ్యానం పెద్దదైనట్టు ఉంది. 🙂

  4. అహోరాత్రం గురించి సురేశ్ కొలిచాల అభిప్రాయం:

    10/06/2018 3:35 pm

    హోర = Hour. ఈ పదం “అ’హోరా’త్రం” నుంచి పుట్టింది.

    నాగమురళి గారు, ఇది సరైన వ్యుత్పత్తి కాదు. యవనుల కంటే పూర్వం భారతదేశ ఖగోళశాస్త్రం ఎక్కువగా నక్షత్రాల మీద ఆధారపడిందే తప్ప, రాశుల గురించి చర్చ లేదు. 12 రాశుల చర్చ అంతా తరువాత గ్రీకు (పారశీక-గ్రీకు), రోమన్ల ప్రభావంతో వచ్చిందే. యవనజాతక, రోమకసిద్ధాంత, హోరాశాస్త్ర మొదలైన గ్రంథాల్లో మనవాళ్ళు వారి వారి సిద్ధాంతాలకు యవన సిద్ధాంతాలు మూలమని కచ్చితంగా చెప్పారు కదా. గ్రీకు, లాటిన్లలో హోర- అన్న శబ్దం కాలసూచిక (సంవత్సరంలో భాగం, దినములో భాగం).

    ఈ కవితలో నెలరోజుల్లో వృత్తం చుట్టబెట్టేవాడు చంద్రుడు అయితే, ఒక్కరోజులో వృత్తం చుట్టబెట్టేవాడు సూర్యుడనుకొన్నాను. అయితే, అమూర్తుడని ఎందుకన్నారో నాగరాజుగారే వివరించాలి. (As you know, in geo-centric theories, sun takes one day to rotate around earth, while moon takes about 30 days).

    ఇవన్నీ మీకు తెలియనివి కాదనుకోండి. మీరు చెప్పిన వ్యుత్పత్తే ఆశ్చర్యం కలిగించి నాచేత ఈ వ్యాఖ్య రాయించింది.

  5. సమవుజ్జీ గురించి Lalitha TS అభిప్రాయం:

    10/06/2018 2:20 pm

    గోదారి యాసలో ఇంత పెద్ద పెద్ద మంచి కథలు…కుళ్ళేహేత్తోందండి మీ రాతల్ని చదూతుంటే!

  6. అహోరాత్రం గురించి నాగమురళి అభిప్రాయం:

    10/06/2018 9:55 am

    హోర = Hour. ఈ పదం “అ’హోరా’త్రం” నుంచి పుట్టింది.

    బృహత్ పరాశర హోరాశాస్త్రం అన్నది భారతీయ జ్యోతిషానికి పునాది. దీన్ని రచించినది పరాశర మహర్షి. వ్యాసుడు, వశిష్ఠుడు, పరాశరుడు మొదలైన పేర్లు ఒక వ్యక్తి పేర్లు కావు. అవి పరంపరాగతంగా వచ్చే ఋషి నామాలు (శంకరాచార్య నామం లాగా).

    —
    ఇక్కడ వృత్తం రాశిచక్రం. అమూర్తుడంటే భూమి దైనందిన చలనంలో ప్రతీ క్షణం ఉదయిస్తున్న ‘లగ్న బిందువు’ లేక ముహూర్తం.

    జ్యోతిషసంకేతాలు మనలోని శక్తులకి సూచికలు.

    ప్రతిక్షణమూ అనేకానేక సంకల్పాలని విత్తులుగా ‘అమూర్తుడు’ వెదజల్లుతూ ఉంటే, మనస్సనే చంద్రుడు వాటిలో కొన్నిటిని ఏరుకుంటాడు. సూర్య, కుజ, బుధ, శుక్రులా విత్తనాలని నాటి, సంరక్షించి, పోషించి, పెంచుతారు.

    వివేకమనే గురుడు పన్నెండేళ్ళ కాలంలో రాశిచక్రాన్ని చుడుతూ, ఆ మొక్కలు ఫలించే మార్గాన్ని సూచిస్తూ ఉంటాడు. ముప్ఫై యేళ్ళ ప్రయాణంలో ఈ వ్యవసాయన్నంతా నిర్వహించుకునే నిబద్ధతే శని.

    ఈ ప్రయాణంలో అనుకోని మార్పులు, అవాంతరాలు, మొత్తంగా తిరగబడిపోవడాలు… తప్పవుగా.. అవే రాహుకేతువులు.

    —

    ఇదీ నాకు అర్థమైనంతవరకు. చాలా బాగుందండీ. గొప్ప ‘దర్శనం’! వేదసూక్తాల్ని గుర్తు చేసింది.

  7. గణపతి: అంతు చిక్కని వింత దేవుడు-5 గురించి K.S.Hareesh Kumar అభిప్రాయం:

    10/05/2018 8:33 pm

    చాలా బాగుంది విశ్లేషణ

  8. బేతాళ కథలు: కథన కుతూహలం – 5 గురించి శివకుమార శర్మ అభిప్రాయం:

    10/05/2018 11:32 am

    నాకు తెలిసిన బేతాళ కథల్లో బేతాళుడు చెప్పిన కథ పాఠకులకు కూడా పూర్తిగా తెలుస్తుంది. అయితే, దానిలో సూక్ష్మంగా దాగివున్న రహస్యాన్ని సగటు పాఠకులకు అందజెయ్యడం బేతాళుడి ప్రశ్నలలోని అంతరార్థం. కథని బేతాళుడి ప్రశ్నల వద్ద ఆపి, జవాబు ఏమయ్యుంటుందబ్బా అని ఆలోచించడానికి పాఠకులకి అవకాశం లభిస్తుంది. అలా కాక క్లూలని వేటినీ పాఠకులకు అందించకుండా పరిశోధకుడి చేతే చెప్పించడం Angela Lansbury నటించిన మర్డర్ షి రోట్ అన్న టీవీ సీరియల్లో నాకు కనిపించింది. అయితే, అక్కడ, గంటసేపున్న ఎపిసోడ్లో మొదట పాత్రల చేత కథ నడిపించి, కొన్ని చోట్ల చూసేవాళ్లని తప్పుదారి పట్టించడానికి కొన్ని సంఘటనలని మరీ సృజించి, చివరి రెండు నిముషాలు మాత్రమే సొల్యూషన్ ఇవ్వడానికి కేటాయించేవాళ్లు.

    మొదటి మూడు, ఇప్పుడు అయిదో విడతా చదివిన తరువాత నాకు అర్థమయింది, ఇక్కడ పరిస్థితి తారు మారు. కథ అంతా విక్రమార్కుడి నోట్లోంచే వస్తుంది. దానివల్ల పాఠకుల మెదడుకు పదును పెట్టే అవకాశం అరుదు. విక్రమార్కుడు మోడర్న్ అయ్యాడు గనుక, ప్రశ్నలు కూడా రివర్సులో బేతాళుడికి వేసి, సరయిన జవాబు చెప్పకపోతే నిన్ను కారు వెనకాల తాడుతో కట్టేసి, రోడ్లమీద ఈడ్చుకుంటూ పోతానని విక్రమార్కుడో లేదో మరెవరో బేతాళుడిని బెదిరించేలా కథని మార్చవచ్చు. అలా అయితే శ్రధ్ధగా సమకూర్చిన గణాంకాల వివరాలు కొంచెం తేలికగా చేరే అవకాశ ముండేది.

    “బంధుమిత్రులు ఇంతకుముందు ఎప్పుడూ చూపెట్టని ప్రేమతో ఏర్పాటు చేసిన అగ్నిజ్వాలల కౌగిలింతలలో…” అన్న విసురు చెప్పుకోదగ్గది.

  9. సమవుజ్జీ గురించి merusomayajulaphanikumar అభిప్రాయం:

    10/05/2018 4:34 am

    కథ రాయడంలో వర్మగారి స్టైల్ వేరు, వర్మ గారు రాసిన ప్రతికథకి మొదటి పాఠకుడ్నినేనే. అయితే లేటెస్ట్ కథ సమవుజ్జి చదువుతున్నప్పుడు రాజుల కుటుంబంలో ఉన్నట్టుగానే ఉంది. ఆ నాటి పల్లె వాతావరణం, గ్రామీణ రాజకీయం, రాజుల పెట్టుపోతలు మన కళ్ళకు కట్టినట్టు చూపించారు వర్మ. కథ నిడివి కొంచం ఎక్కువుగా ఉన్నా, నడిపించిన తీరుతో ఏకధాటిగా చదివించింది. ముఖ్యంగా అంతరించిపోతున్న గ్రామీణ యాసతో కథని నడిపించిన తీరు అమోఘం.

  10. గణపతి: అంతు చిక్కని వింత దేవుడు-5 గురించి Siddineni Bhava Narayana అభిప్రాయం:

    10/03/2018 7:13 am

    This remark may be taken as a trivial digression of no importance. As to the name of the region , we wonder two variations do exist>On the analogy of the names of the regions that fall in its vocational proximity, Kamboja is spelt. Parhia, Gandhara and Sindhu are refered in witten form with an aspirated consonant, where as Kamboja is seldom referred to in a form incorporating an aspirated consonant.