లేఖనవ్యతిక్రమం సవరణకు హృయదయపూర్వక ధన్యవాదాలు. ‘కలే శుక్రే’ అని రామాశ్రమి. ‘కలే రేతసి వ్రియతే ఉపయుజ్యతే’ అని అమరకోశ ముకుట వ్యాఖ్య. తెలుగు వాక్యంలో ‘ఉపయోజ్యము’ అన్నది సరైన రూపం. ఉపోపసర్గాత్మకమైన యుజ్యము కూడా సాధ్యమే కాని, నా ఉద్దేశం ఉపయోజ్యమనే. “కలేవరం, గాత్రం వపుః సంహననం శరీరం వర్ష్మ విగ్రహః, కాయో దేహః క్లీబపుంసోః స్త్రియాం మూర్తి స్తను స్తనూః” అని అమరకోశం. ప్రతిసంస్కృతములు (ఏకార్థవాచక పర్యాయపదములు) కాబట్టి కలేవర గాత్ర తను శరీరాదులన్నీ లోకమర్యాదానుసారం స్త్రీపురుషతిర్యక్కులకు పర్యాయత్వాన అనువర్తనీయములే కదా.
నా బ్రౌజర్లో అన్ని సమాధానాలు కనిపించడం లేదు. ఉదా: 1 నిలువు, 30 నిలువు
ఈ సమాధానాల్లో మరో కష్టమైనది ఏమిటంటే ఇక్కడ 1, 2, 3, నెంబర్లు లేవు. 29 అడ్డం ఎక్కడో, 16 నిలువు ఎక్కడో చూసుకోవాలంటే అసలు గడినుడి వేరే విండోలో ఓపెన్ చేసుకోవాలి.
సంపాదకులకి ఖాళీ ఉన్నప్పుడు సరిచేయగలరు.
[కొన్ని అవసరమైన ఆధారాలకి మాత్రమే వివరణలు ఇచ్చాము. మిగిలినవి సమాధానాన్ని బట్టి సూటిగానే తెలుసుకోవచ్చని గడి కూర్పరుల అభిప్రాయం! నెంబర్ల సమస్యను పరిష్కరించాము. ఎత్తిచూపినందుకు కృతజ్ఞతలు. — సం.]
‘ఈమాట’లో ఏ సందర్భంలో ఎప్పుడు మీ దీప్తపదావళి ప్రకటితమైనా – కోటిపల్లి నుంచి ద్రాక్షారామానికి గోదావరి తరగలతోపాటు పూలపడవ మీద తేలిపోతున్నట్లు, శృంగేరిలో కిగ్గ ఒడ్డున ఋష్యశృంగేశ్వరాలయంలో దేవకాంతలు ఆందోళికాబంధాన్ని పూని ఆకసాని కెగసిపోతున్న శిల్పాన్ని తిలకిస్తున్నట్లు, బదరీనారాయణక్షేత్రంలో కొండకొమ్ము మీదినుంచి సానుతలాన ఫలించిన రుద్రాక్ష వృక్షాలను వీక్షిస్తున్నట్లు, త్రివేణీసంగమం వద్ద పుణ్యనదిలో మునుకవేసి ఆ పురాణస్రవంతీపరిచయంతో పరవశించినట్లు, అపూర్వమైన ప్రాచ్య పాశ్చాత్య సాహిత్యసంగీతశిల్పచిత్రకళానిధి ముందు నిలబడి విజ్ఞానావేశాన్ని స్వాయత్తీకరించికొంటున్నట్లు – సరస్వతీ సన్నిధి రూపమైన పెన్నిధి ప్రస్ఫుటించి, మనస్సంతా ఆనందతుందిల మవుతుంది. నేను, నా అర్ధాంగలక్ష్మి ఆ సారనవనీతాన్ని ప్రోదిచేసికొని పది కాలాలకు పదిలంగా దాచుకొంటాము.
“రేతఃప్రసారణకు ఉపయుజ్యమైనది కాబట్టి కలే=రేతసి, వ్రియతే=ఉపయుజ్యతే అని; కలే శ్రేష్ఠం ఇతి వా అని – కలేవర శబ్దవ్యుత్పత్తి. శరీరము అని అర్థం.”
శ్రీ మురళీధర రావు గారూ! ‘రేతము’ అంటే ‘శుక్రము’ అని అర్థాన్ని నాకు నేను చెప్పుకుని,’ఉపయుజ్య’ శబ్దార్థంతొ గడబిడ పడలేక మిమ్మల్నే అడిగి సందేహం తీర్చుకుందామని అడుగుతున్నాను “శరీరము అని అర్థం” అన్నారు మీరు. స్త్రీ పురుష శరీరాలకు రెంటికీ వర్తిస్తుందా!
శ్రీనాథుని ఆంధ్రీకరణ సూత్రం: అర్థపరిశీలన గురించి ఏల్చూరి మురళీధరరావు అభిప్రాయం:
12/02/2016 11:38 pm
మాన్యులు శ్రీ తః తః గారికి
నమస్కారములతో,
లేఖనవ్యతిక్రమం సవరణకు హృయదయపూర్వక ధన్యవాదాలు. ‘కలే శుక్రే’ అని రామాశ్రమి. ‘కలే రేతసి వ్రియతే ఉపయుజ్యతే’ అని అమరకోశ ముకుట వ్యాఖ్య. తెలుగు వాక్యంలో ‘ఉపయోజ్యము’ అన్నది సరైన రూపం. ఉపోపసర్గాత్మకమైన యుజ్యము కూడా సాధ్యమే కాని, నా ఉద్దేశం ఉపయోజ్యమనే. “కలేవరం, గాత్రం వపుః సంహననం శరీరం వర్ష్మ విగ్రహః, కాయో దేహః క్లీబపుంసోః స్త్రియాం మూర్తి స్తను స్తనూః” అని అమరకోశం. ప్రతిసంస్కృతములు (ఏకార్థవాచక పర్యాయపదములు) కాబట్టి కలేవర గాత్ర తను శరీరాదులన్నీ లోకమర్యాదానుసారం స్త్రీపురుషతిర్యక్కులకు పర్యాయత్వాన అనువర్తనీయములే కదా.
సప్రశ్రయంగా,
ఏల్చూరి మురళీధరరావు
తెగులుకి శిక్ష గురించి kuppa sudarsan kumar అభిప్రాయం:
12/01/2016 1:17 am
కథ సరాదాగా/ హాయీగా నవ్వుకునేలా ఉంది. చాలా బాగుంది. ఈమాట పత్రిక నిర్వహణ కూడా భేష్..
కుప్పాసుదర్శన్ కుమార్
గబ్బిలము గురించి Dr. Avadhanam Raghu Kumar అభిప్రాయం:
11/30/2016 10:06 am
చాల ఆనందించాను. ఇంత కాలం చదవనందుకు బాధ పద్దాను. చాల గొప్ప ఆవేదనతొ కూడిన కావ్యం.
చంపకోత్పలమాలల కథ గురించి మోహన అభిప్రాయం:
11/30/2016 9:04 am
వ్యాసములో పేర్కొన్న హరవిజయములోని చంపకమాలవృత్తమును క్రింద ఇస్తున్నాను –
ఇతి రసపోషయుక్తిమదనుజ్ఝితవృత్తి గుణవ్యపాశ్రయం
ప్రథితశుభాంగలక్షణమపూర్వకృతిప్రవణాత్మతాం దధత్
కవిరివ నాటకం ఘటితసంధి విధాయ శశాంకశేఖరః
శిఖరిసుతార్ధమర్ధవపుషి ప్రమదాన్విత మానసోఽభవత్
– రత్నాకరుని హరవిజయము, 21.57
విధేయుడు – మోహన
శ్రీనాథుని ఆంధ్రీకరణ సూత్రం: అర్థపరిశీలన గురించి VSTSayee అభిప్రాయం:
11/29/2016 2:26 am
Amen!
మీరుకూడాను,మురళీధరరావుగారూ!
నమస్సులతో,
వాడపల్లి శేషతల్పశాయి.
గడి-నుడి-2 సమాధానాలు గురించి శర్మ దంతుర్తి అభిప్రాయం:
11/28/2016 4:31 pm
మరో విషయం: ఇది తెలుగు గడి నుడి కనక ఇంగ్లీషు, తెలుగీషు, హిందీ, అరవ, ఉర్దూ పదాలు, మరో భాషకి సంబంధించినవి వాడవద్దని మనవి – అవి అందరికీ తెలిసినా సరే.
గడి-నుడి-2 సమాధానాలు గురించి శర్మ దంతుర్తి అభిప్రాయం:
11/28/2016 4:27 pm
నా బ్రౌజర్లో అన్ని సమాధానాలు కనిపించడం లేదు. ఉదా: 1 నిలువు, 30 నిలువు
ఈ సమాధానాల్లో మరో కష్టమైనది ఏమిటంటే ఇక్కడ 1, 2, 3, నెంబర్లు లేవు. 29 అడ్డం ఎక్కడో, 16 నిలువు ఎక్కడో చూసుకోవాలంటే అసలు గడినుడి వేరే విండోలో ఓపెన్ చేసుకోవాలి.
సంపాదకులకి ఖాళీ ఉన్నప్పుడు సరిచేయగలరు.
[కొన్ని అవసరమైన ఆధారాలకి మాత్రమే వివరణలు ఇచ్చాము. మిగిలినవి సమాధానాన్ని బట్టి సూటిగానే తెలుసుకోవచ్చని గడి కూర్పరుల అభిప్రాయం! నెంబర్ల సమస్యను పరిష్కరించాము. ఎత్తిచూపినందుకు కృతజ్ఞతలు. — సం.]
గడి నుడి – 2 గురించి Madhav అభిప్రాయం:
11/28/2016 1:53 pm
గడి నుడి సమాధానం, వివరణలు ప్రచురించాము. దయచేసి గమనించగలరు. ఈసారి ఇద్దరు పాఠకులు మాత్రమే అన్ని సరైన సమాధానాలు పంపగలిగారు:
శ్రీవల్లి రాధిక
సుభద్ర వేదుల
రవిచంద్ర ఎనగంటి రెండు తప్పులతో సమాధానం పంపించారు. విజేతలకు అభినందనలు.
శ్రీనాథుని ఆంధ్రీకరణ సూత్రం: అర్థపరిశీలన గురించి ఏల్చూరి మురళీధరరావు అభిప్రాయం:
11/28/2016 9:28 am
మాన్యతమ డా. యెర్నేని లైలా గారికి
ప్రణామములతో,
‘ఈమాట’లో ఏ సందర్భంలో ఎప్పుడు మీ దీప్తపదావళి ప్రకటితమైనా – కోటిపల్లి నుంచి ద్రాక్షారామానికి గోదావరి తరగలతోపాటు పూలపడవ మీద తేలిపోతున్నట్లు, శృంగేరిలో కిగ్గ ఒడ్డున ఋష్యశృంగేశ్వరాలయంలో దేవకాంతలు ఆందోళికాబంధాన్ని పూని ఆకసాని కెగసిపోతున్న శిల్పాన్ని తిలకిస్తున్నట్లు, బదరీనారాయణక్షేత్రంలో కొండకొమ్ము మీదినుంచి సానుతలాన ఫలించిన రుద్రాక్ష వృక్షాలను వీక్షిస్తున్నట్లు, త్రివేణీసంగమం వద్ద పుణ్యనదిలో మునుకవేసి ఆ పురాణస్రవంతీపరిచయంతో పరవశించినట్లు, అపూర్వమైన ప్రాచ్య పాశ్చాత్య సాహిత్యసంగీతశిల్పచిత్రకళానిధి ముందు నిలబడి విజ్ఞానావేశాన్ని స్వాయత్తీకరించికొంటున్నట్లు – సరస్వతీ సన్నిధి రూపమైన పెన్నిధి ప్రస్ఫుటించి, మనస్సంతా ఆనందతుందిల మవుతుంది. నేను, నా అర్ధాంగలక్ష్మి ఆ సారనవనీతాన్ని ప్రోదిచేసికొని పది కాలాలకు పదిలంగా దాచుకొంటాము.
విద్వత్సహృదయాస్థాన రంగ మంగళాభరణం మీరు!
సగౌరవంగా,
ఏల్చూరి మురళీధరరావు
శ్రీనాథుని ఆంధ్రీకరణ సూత్రం: అర్థపరిశీలన గురించి తః తః అభిప్రాయం:
11/28/2016 8:36 am
శ్రీ మురళీధర రావు గారూ! ‘రేతము’ అంటే ‘శుక్రము’ అని అర్థాన్ని నాకు నేను చెప్పుకుని,’ఉపయుజ్య’ శబ్దార్థంతొ గడబిడ పడలేక మిమ్మల్నే అడిగి సందేహం తీర్చుకుందామని అడుగుతున్నాను “శరీరము అని అర్థం” అన్నారు మీరు. స్త్రీ పురుష శరీరాలకు రెంటికీ వర్తిస్తుందా!
నమస్కారాలతో -తః తః
తా.క. ‘నాద తను’కు ‘నాద శరీరం’ పర్యాయంగా ఉపయోగించటం సరికాదని (అనౌచిత్యమని) M.V.Lతో (ముత్యాల ముగ్గు నిర్మాత) వాదించిన గుర్తు.