gōviṁda dvādaśa maṁjarikā stōtramu

bhaja gōviṁdaṁ bhaja gōviṁdaṁ gōviṁdaṁ bhaja mūḍhamatē
saṁprāptē sannihitē kālē nahi nahi rakṣati ḍukr̥ñkaraṇē

mūḍha! jahīhi dhanāgama tr̥ṣṇāṁ kuru sadbhuddhim manasi vitr̥ṣṇām
yallabhasē nijakarmōpāttaṁ vittaṁ tēna vinōdaya cittaṁ - 1

nārīstanabhara nābhīdēśaṁ dr̥ṣṭāmāgā mōhāvēśaṁ
ētanmāṁsavasādi vikāraṁ manasi vicintaya vāraṁ vāraṁ - 2

naḷinīdaḷa gata jala mati taraḷaṁ tadvajjīvita matiśaya capalaṁ
viddhi vyādhyabhimāna grastaṁ lōkaṁ śōkahataṁ ca samastaṁ - 3

yāvadvittōpārjanasakta stāvannijaparivārō raktaḥ
paścājjīvati jarjharadēhē vārtāṁ kōpi na pr̥ccati gēhē - 4

yāvatpavanō nivasati dēhē tāvat pr̥ccati kuśalaṁ gēhē
gatavati vāyau dēhāpāyē bhāryā bhibhyati tasmin kāyē - 5

arthamanarthaṁ bhāvaya nityaṁ nāsti tatassukhalēśa ssatyaṁ
putrādapi dhanabhājāṁ bhīti ssarvatraiṣā vihitā rītiḥ - 6

bālastāva tkrīḍāsakta staruṇastāva ttaruṇīsaktaḥ
vr̥ddhastāva ccintāsaktaḥ parē brahmaṇi kōpi na saktaḥ - 7

kā tē kāntā kastē puttra ssaṁsārōya matīva vicitraḥ
kasya tvaṁ vā kuta āyātaḥ tattvaṁ cintaya tadiha bhrātaḥ - 8

satsaṁgatvē nissaṁgatvaṁ nissaṁgatvē nirmohatvam
nirmōhatvē niścalatattvaṁ niścala tattvē jīvanmuktiḥ - 9

vayasi gatē kaḥ kāmavikāra śuṣkē nīrē kaḥ kāsāraḥ
kṣīṇē vittē kaḥ parivārō jñātē tattvē ka ssaṁsāraḥ - 10

mā kuru dhana jana yauvana garvaṁ hārati nimēṣātkāla ssarvam
māyāmaya mida makhilaṁ hitvā brahma padaṁ tvaṁ praviśa viditvā - 11

dinayāminyau sāyaṁ prāta śśiśiravasantau punarāyātaḥ
kālaḥ krīḍati gaccatyāyu stadapi na muñcatyāśāvāyuḥ - 12

dvādaśa mañjarikābhira śēṣaḥ kathitō vaiyākaraṇa syaiṣaḥ
upadēśōbhū dvidyānipuṇaiḥ śrīmaccañkara bhagavaccaraṇaiḥ

mōha mudgaraḥ