Expand to right
Expand to left

పాఠకుల అభిప్రాయాలు


ఈ పదం(పదాలు) ఉన్న అభిప్రాయాలు చూపించండి

ఇప్పటిదాకా ఈమాట లో తెలియచేసిన అభిప్రాయాలు: 9742

«కొత్త అభిప్రాయాలు 1 2 3 4 5 ... 975 పాత అభిప్రాయాలు»

  1. మొట్టమొదటి సారాకాపు గురించి Rajashekar reddy.c అభిప్రాయం:

    07/18/2015 1:04 pm

    శర్మ గారు కృతజ్ఞతలు.

  2. నాకు నచ్చిన పద్యం: రెండు అందమైన పద్యశిల్పాలు గురించి SeshaKumar KV అభిప్రాయం:

    07/17/2015 8:52 am

    వెదుకడానికి ఇంటర్నెట్ లో ఉపయోగించే search engine, గూగుల్ ను “ఇంచుక్” అనే ప్రత్యయం తో కలిపి “గూగులించు” అనే క్రియని సాధించి పద్యం లో ప్రయోగించడం గమ్మత్తు గా వున్నా, శ్రోతకు వెంటనే బోధ పడదు. (మిగతా పద్యం లో పదాల పోహళింపు భిన్నంగా ఉంది కాబట్టి.) గతంలో వడ్డెర చండీదాస్ గారు తమ నవలలలో “స్నానం” అనే నామవాచకానికి ఇంచుక్ ప్రత్యయం కలుపుతూ “స్నానించి ” అనే క్రియా పదాన్ని విస్తారంగా ఉపయోగిస్తూ, పాపులర్ చేయడానికి ప్రయత్నించారు. పైగా, “స్నానం చేసి” అని వాడనక్కర లేదని కూడా తేల్చేశారు. ఇలాంటి పదప్రయోగాలు తాత్కాలికమే అని చెప్పక తప్పదు.

    ఐతే, పద్యాలు రెండూ బాగున్నాయి. సీస పద్యం ఆణి ముత్యమే. కవి శ్రీ ఏల్చూరి మురళీధరరావు గారికి, కవి హృదయాన్ని చక్కగా ఆవిష్కరించిన శ్రీ భైరవభట్ల కామేశ్వరరావు గారికీ అభివందన చందనాలు.

  3. ప్రధాన సంఖ్యలలో కవలలు గురించి వాసుదేవ రావు ఎరికలపూడి అభిప్రాయం:

    07/17/2015 2:40 am

    శ్రీ వేమూరి : మీరు వ్యాసాన్ని సవరించి తిరిగి రాస్తానని అన్నారు. మీ నిబద్ధతకు జోతలు. ఒక మనవి : ఇప్పుడున్న వ్యాసం లో -శాస్త్రానికి సంబంధించిన విషయాలసంగతెలా ఉన్నా – జాంగ్ లెక్కల పరీక్ష లో కాపీ కొట్టినట్లు గా తను చెప్పుకున్నాడన్న విషయాన్ని తొలగించ వలసిన అవసరం ఉన్నదని నేను అనుకుంటుంన్నాను. మీరు సంపాదకులతో కలిసి ఆలోచించండి. నా మాటలు మీకు కర్కశం గా వినపడితే మన్నించండి.
    నమస్కారాల తో
    వాసుదేవ రావు ఎరికలపూడి

  4. ప్రధాన సంఖ్యలలో కవలలు గురించి వాసుదేవ రావు ఎరికలపుడి అభిప్రాయం:

    07/16/2015 3:12 am

    “I am enjoying the mathematicians”

    Dr Yerneni: You are blessed for, academic administrators over the world without exception affirm that mathematicians as a class are cranky. I relished your scintillating notes on Guru Mitchell et al. Your refreshingly original views couched in inconveniently provocative terms do disturb writers and readers of eemaata alike. May your tribe not increase and you remain the one and only one Lyla.

    regards
    Vasudeva

  5. సాహిత్యచరిత్రలో అపూర్వమైన పర్యాయకావ్యం: గణపవరపు వేంకటకవి ప్రబంధరాజ వేంకటేశ్వర విజయవిలాసము – 2. గురించి ఏల్చూరి మురళీధరరావు అభిప్రాయం:

    07/15/2015 11:45 am

    మాన్యతములు శ్రీమాన్ ఎన్.ఎస్.మూర్తి గారికి
    నమస్కారములతో,

    వాత్సల్యౌదార్యాలు ఉట్టిపడుతున్న మీ ప్రోత్సాహకవాక్యంతో ప్రాణం లేచివచ్చినట్లయింది. మీకు ఆదృత్యాభిమానాలకు ధన్యవాదపరశ్శతం.

    యుష్మన్నిరంతరాశీరభ్యర్థి,
    ఏల్చూరి మురళీధరరావు

  6. ఆచార్య సుబ్బరామయ్య మీనాక్షిసుందరం గురించి వాసుదేవ రావు ఎరికలపూడి అభిప్రాయం:

    07/14/2015 5:44 pm

    ధన్యవాదాలు సాంబశివరావు గారూ! నేను 1968-70ల అప్లయిడ్ మాథ్ విద్యార్థిని. మీరు ఫిజిక్స్ విద్యార్థిగా ఉన్న రోజుల్లో మాథమాటికల్ ఫిజిక్స్ గా ఉన్న శాఖ 64 -66లలొ అనుకుంటాను అప్లయిడ్ మాథ్ గా మారి ఫిజిక్స్ నుంచి విడిపోయింది.

    వాసుదేవ రావు ఎరికలపూడి

  7. ఆచార్య సుబ్బరామయ్య మీనాక్షిసుందరం గురించి Kolli Sambasivarao . అభిప్రాయం:

    07/14/2015 4:08 pm

    1956-59 లో నేను ఫిసిక్స్ చదివాను. మీనాక్షిసుందరం గారు వార్దెన్. మారుతిరావు గారిని పనికిరావన్నది వెంకటరాయుడు గారే. క్లాసులొ తరచుగా మారుతిరావు గారిమీద విరుచుకుపడే వారు.

  8. తోపులో పిల్లలు గురించి విష్ణుభొట్ల లక్ష్మన్న అభిప్రాయం:

    07/14/2015 8:56 am

    ఇంద్రాణి:

    నాకు కవితల గురించి ఎక్కువ తెలియదు. కానీ, “ఈమాట” లో మీ కవితలు చదువుతూ ఉంటాను. చదివినప్పుడల్లా ఏదో ఒక మంచి దృశ్యం కళ్ళకి కనపడినట్టు ఉంటాయి మీ కవితలు.

    అభినందనలతో,

    విష్ణుభొట్ల లక్ష్మన్న

  9. ప్రధాన సంఖ్యలలో కవలలు గురించి Rao Vemuri అభిప్రాయం:

    07/13/2015 8:17 pm

    నేను రాసిన ప్రధాన (అభాజ్య) సంఖ్యల మీద వ్యాసం చదివి, తప్పులు ఎత్తి చూపిన వారందరికీ మరొకసారి నా ధన్యవాదాలు. నేను విద్యార్హిగా ఉన్న రోజులలో నా గురువుగారు “pay attention to the harshest reviews of your paper” అనేవారు. అందరు సూచించిన మార్పులు, చేర్పులు చేసి ఈ వ్యాసాన్ని తిరగ రాయవచ్చు. రాస్తాను. కాని ప్రస్తుతానికి కొట్టొచ్చినట్లు కనిపించే రెండు మూడు తప్పులని సరిదిద్ది సంప్రదించవలసిన మూలాలకి ఒక అంశాన్ని చేర్చుతున్నాను.

    1. ప్రధాన సంఖ్యలు అన్నీ బేసి సంఖ్యలు కావు. అలా రాయడం నా తొందరపాటే. “ప్రధాన సంఖ్యలు (2 ని మినహాయించి) అన్నీ బేసి సంఖ్యలే” అని ఉండాలి.

    2. sexy కి “లైంగిక” అన్న అనువాదం బాగు లేదని నేనే ఒప్పుకున్నాను. యదుకులభూషణ్ గారు దాని లేటిన్ మూలాన్ని సూచించిన తరువాత sexy primes ని “షష్ఠ్యంతరములు” అని తెలిగిస్తున్నాను.

    3. నేను వాడిన “కచిక ప్రధాన సంఖ్యలు” కి ప్రత్యామ్నాయాలు ఒకరిద్దరు సూచించేరు. ఈ “కచికలు” (palindromes) అన్న మాటని మొట్టమొదట 1985 లో గణితశాస్త్ర ఆచార్యులు శ్రీ ఉపాధ్యాయుల వేంకట సత్యనారాయణ గారు రాసిన ఒక వ్యాసంలో వాడేరు. ఆ వ్యాసాన్ని 1985 లో నా సంపాదకత్వంలో వెలువడిన తానా వారి సువనీర్ లో ప్రచురించేను. ఆ వ్యాసాన్ని ఈ జాబుకి జత చేసి పంపుతున్నాను.

    ఎవ్వరూ చదవరేమో అని భయపడుతూ తెలుగులో రాసిన ఇటువంటి వ్యాసాన్ని చదివి, సహృదయంతో స్పందించి, సలహాలు ఇచ్చిన వారందరికీ మరొకసారి ధన్యవాదాలు.

    – వేమూరి

  10. ప్రధాన సంఖ్యలలో కవలలు గురించి విష్ణుభొట్ల లక్ష్మన్న అభిప్రాయం:

    07/13/2015 12:57 pm

    ఈ వ్యాసం పై వచ్చిన అభిప్రాయలపై వ్యాసకర్తగా వేమూరి వారి స్పందన తెలుకోవాలని నాకూ ఉంది. ఈలోగా, నా పరిశీలనలని అందరితో పంచుకోవాలని ఈ అభిప్రాయం రాస్తున్నా!

    1. పాప్యులర్ వ్యాసాలు రాయటంలో కొన్ని చిక్కులు ఉన్నాయని అనిపిస్తుంది నాకు. చెప్పే విషయం ఎంతవరకు చెప్పాలి, ఎక్కడ చెప్పడం ఆపెయ్యాలి అన్నది వ్యాసకర్త వితరణకి వొదిలెయ్యటం మంచిది. ఎందుకంటే, చెప్పే విషయంలోని లోతులు అందరి పాఠకులకీ అవగాహనకు రాకపోవచ్చు. పైగా కొందరికి విసుగు కూడా కలిగించవచ్చు. ఎంతో సమయం వెచ్చించి రచన చెసే రచయిత (త్రు) లకి అన్ని విషయాలు విశదీకరించే సమయం, ఓపిక, శక్తి ఉండకపోవచ్చు. స్థూలంగా, చెప్పే విషయంలోని వివరణ రచయిత (త్రు) లకి విడిచిపెట్టటం మంచిది అనిపిస్తుంది నాకు. సమర్ధులైన సమీక్షకులు రచన స్థాయిని పెంచటానికి ఎలాగూ తప్పకుండా ఉపయోగపడతారు కదా!

    2. ఈమాటలో వచ్చే రచనలు పాఠ్యపుస్తాకాల్లోని పాఠాలలాగ ప్రామాణికాలు కావు. కానక్కర లేదు! ఈమాటలో వచ్చే వ్యాసాలు, నా దృష్టిలో, పరిచయ వ్యాసాలు మాత్రమే! పాఠకుల అభిరుచి, ఇష్టం మొదలైన వాటిని బట్టి ఒక రచన చదివిన తరవాత పాఠకులే ఎమి చెయ్యాలనుకుంటారో నిర్ణయించుకుంటారు. నేను ‘ఈమాట ‘ లో సంగీతంపై పరిచయం వ్యాసాలు రాసినప్పుడు (ఎంతో మంది విజ్ఞులైన ఈమాట పాఠకులకి సంగీతంలో నాకన్నా ఎక్కువ పరిచయం ఉన్నది అన్న విషయం నాకు తెలుసు) చెప్పే విషయాన్ని పరిచయం చేసి ఊరుకోటం జరిగింది.

    3. తెలుగులో రాసేవారే తక్కువ. అందులో, ఈ వ్యాసంలో పరిచయం చేయబడ్డ విషయాల వంటి వస్తువులని తీసుకొని రాయబడ్ద వ్యాసాలని (‘ఈమాట ‘ పత్రికేకాకుండా మరెక్కడైనా ప్రచురించబడ్డ తెలుగు వ్యాసాలను) వేళ్ళమీద లెక్కించవచ్చు! అందువల్ల, ఇటువంటి వ్యాసాల్లో ఉన్న పొరపాట్లు (నాకు తెలిసినంతలో ఈ పొరపాట్లు ఘోరమైనవి కావు, పైగా, ఇవి రచయిత చెప్పదల్చుకున్న ముఖ్య విషయాన్ని పక్క దారి పట్టించే పొరపాట్లు కావు) ఎత్తి చూపేముందు జాగ్రత్తపడటం అవసరం. ఎందుకంటే, ఇటువంటి స్పందనలు రచయితకి నిరుత్సాహాన్నే కలిగించి, ముందు ముందు ఇటువంటి రచనలు రచించటానికి ప్రేరకాలు కాజాలవు.

    విష్ణుభొట్ల లక్ష్మన్న

«కొత్త అభిప్రాయాలు 1 2 3 4 5 ... 975 పాత అభిప్రాయాలు»