గడినుడి-15 సమాధానాలు

అడ్డం

  1. 2018కి…
    సమాధానం: స్వాగతము
  2. సభలో ఉద్యోగం
    సమాధానం: కొలువు. ఈ పదానికి సభ, ఉద్యోగం అనే రెండర్థాలూ ఉన్నాయి.
  3. వెనకనుండి చీలుస్తుంది
    సమాధానం: ముకరదా. దారకము అంటే చీల్చేది అని అర్థం.
  4. ప్రతిజ్ఞ చిట్టా
    సమాధానం: పద్దు. ఈ పదానికి ప్రతిజ్ఞ, చిట్టా అనే రెండర్థాలూ ఉన్నాయి.
  5. వెళ్లడం వరకూ సరే, పొతే మళ్ళీ ఇక రానట్టే
    సమాధానం: చని. చని అంటే వెళ్లి, “చనిపొతే” ఇంకా రానట్టే కదా.
  6. బాధ కలిగితే ఓర్చుకోవాలి భాయ్!<
    సమాధానం: నిభాయించుకో
  7. నాక్కొంచెం నమ్మకమిస్తే బామ్మను చూపిస్తా
    సమాధానం: నానమ్మ. “నా”కు, “నమ్మకం”లో కొంచెం అంటే “నమ్మ” కలిపితే “నానమ్మ”
  8. మిగతా ఆధారాలని పూరిస్తే ఇది కూడా పూర్తవుతుంది
    సమాధానం: గడి
  9. వెనకవారగా వచ్చి బంధించు
    సమాధానం: ట్టుక
  10. ఒక సహృదయుడు ప్రారంభించిన సాహితీప్రస్థానం, అది ఆపాత మధురం, భద్రం,
    సమాధానం: నిర్వికల్ప సంగీతం. ఇది తెలియాలంటే ఈమాట చదువుతూ ఉండాలి! (నిర్వికల్ప సంగీతం (1987): సహృదయుని సాహితీ ప్రస్థాన ప్రారంభం)
  11. ఇలా కలుసుకొనే ప్రదేశం జరా చెప్పుండ్రి
    సమాధానం: ఇలాక. ఇలాక అంటే తెలంగాణ వాడుకలో ప్రదేశం
  12. ఈ గొడవకి అంతుపొంతూ లేదా?
    సమాధానం: వివాద
  13. సమంగా కనిపించడం లేదేమిటి?
    సమాధానం: మసక
  14. పడవ చరిత్రంతా సాగేది దీని మీదనే
    సమాధానం: యమునానది. త్యాగరాజస్వామి ‘నౌకా చరితం’ అనే యక్షగానం అంతా యమునా నది పైనే సాగుతుంది.
  15. కొత్తకోరికలు మత్తిల్లే చోటు కృష్ణశాస్త్రికి తెలుసు
    సమాధానం: మది. “గదిలోన మదిలోన మత్తిలిన కొత్తకోరికలు” అని కృష్ణశాస్త్రి రాసిన “సిగలో అవి విరులో” అనే పాటలో వస్తుంది
  16. ఎదో సరదాగా హాస్యమాడితే తిడతావెందుకు?
    సమాధానం: జోకు. అచ్చతెలుగులో జోకు అంటే తిట్టడం.
  17. వనమాలి, శూలి సరసన నిలిచేవాడు
    సమాధానం: తమ్మిచూలి. అంటే బ్రహ్మ
  18. 12 జనవరి 26న చేసేది
    సమాధానం: కవాతు. 12 నిలువు భారత సైనిక దళం. అది జనవరి 26 రిపబ్లిక్ డే నాడు చేసేది కవాతు.
  19. ఇప్పుడే చూస్తుంది
    సమాధానం: ఈక్షణము. “ఈక్షణము” అంటే చూపు. “ఈ క్షణము” అంటే ఇప్పుడే

నిలువు

  1. కొంచెం సాగినంత మాత్రాన చప్పుడు చప్పుడు కాకుండా పోతుందా?
    సమాధానం: స్వానము. స్వనము అన్నా స్వానము అన్నా శబ్దం అని అర్థం
  2. ఒడ్డును తనలో కలిపేసుకున్న ఏరు
    సమాధానం: తటిని. అంటే ఏరు. ‘తటి’ అంటే ఒడ్డు
  3. తలకిందులుగా చెట్లకు వేళ్ళాడేవి
    సమాధానం: లుతుకో
  4. ప్రేమకు దరకాస్తు
    సమాధానం: ముద్దు. “కాస్తందుకో దరకాస్తందుకో” అనే వేటూరి పాట గుర్తుకుతెచ్చుకోండి
  5. కథ, నవల అనే ఎందుకు, పూలదండ అల్లికయినా కావచ్చు
    సమాధానం: రచన. రచన అంటే అల్లిక, కూర్పు.
  6. పచ్చని గుడిగర్భంలో పచ్చిపచ్చి కెంపులు – చెప్పుకోండి చూద్దాం
    సమాధానం: దానిమ్మ. ఇదొక పొడుపు కథ
  7. అయ్యో! పూర్తిగా గెలవలేకపోయావా?
    సమాధానం: జయిం
  8. పదవి మధ్యలో ఊడిపోతే పిడుగుపాటే కదా!
    సమాధానం: పవి. అంటే పిడుగుపాటు
  9. “Service before self” అని నినదించే మనసేన
    సమాధానం: భారత సైనిక దళం.
  10. ఇదే రోజున మొసళ్ల పండగ సక్రమంగా జరుపుకుందాం
    సమాధానం: మకర సంక్రమణము. “మకర” అంటే మొసలి. సాధారణంగా సంక్రాతి 14నే వస్తుంది
  11. తాళి కట్టు శుభ వేళ.. వినిపించే తంతు
    సమాధానం: మాంగల్యం తంతునానేన
  12. కొండ ఒడ్డు
    సమాధానం: గట్టు. అంటే కొండ, ఒడ్డు అనే రెండర్థాలూ ఉన్నాయి
  13. బోర్లించిన అన్నం ముద్ద
    సమాధానం: డిక
  14. స్వప్నద్వయం చేసిన హళాహళి ఇంతాఅంతానా!
    సమాధానం: కలకలము. హళాహళి అంటే కలకలం
  15. 24 చేరితే మెట్లవరస కనిపిస్తుంది
    సమాధానం: పడి. పడికట్టు అంటే మెట్లవరస అనే అర్థం ఉంది
  16. తెలుగులో యే క్యా హయ్?
    సమాధానం: ఇవి. హిందీలో “యే” అనే పదానికి “ఇవి” అని అర్థం ఉంది
  17. జ్వాలాశిలావారి?
    సమాధానం: లావా. అగ్ని శిలల నుండి వచ్చే ద్రవం
  18. 19 చేరితే బద్ధమై ఉంటుంది
    సమాధానం: కట్టు. కట్టుపడి అంటే బద్ధమై ఉండడం
  19. పూజారి చేరితే ఆట, కులకర్ణి చేరితే సినిమా, బెనర్జీ చేరితే రాజకీయాలు
    సమాధానం: మమత.
  20. నేలను అడ్డదిడ్డంగా చదును చేసింది
    సమాధానం: సదిమ్మి – దిమ్మిస అంటే నెల చదునుచేసే సాధనం
  21. ఒక నెపాన్ని పెంచిపోషించడం సాధకునిలో కనిపిస్తుంది
    సమాధానం: సాకు. సాకు అంటే నెపం, పెంచిపోషించడం అనే రెండర్థాలూ ఉన్నాయి.
  22. YHWH
    సమాధానం: యహోవా. మోసెస్ కి యహోవా అనే పేరు అచ్చులు లేకుండా, “YHWH” అని కనిపించిందని బైబిల్లో ఉంది
  23. చక్రవర్తి నట్టనడుమన ఉండే కస్తూరీ తిలకం
    సమాధానం: నాభి. ఈ పదానికి చక్రవర్తి, నట్టనడుమ, కస్తూరి, తిలకం అని అన్ని అర్థాలు ఉన్నాయి!
  24. చూడాలని అంత కోరికా!
    సమాధానం: దిదృక్ష. ద్రష్టుమ్ ఇచ్ఛా దిదృక్ష, అంటే చూడాలనే తీవ్రమైన కోరిక
  25. 14 తర్వాత 15న వస్తుంది చూడు
    సమాధానం: కనుము. సంక్రాంతి తర్వాత జనవరి 15 (సాధారణంగా) వచ్చే పండగ. కనుము అంటే చూడు అనే అర్థం కూడా ఉంది
  26. కథా సంబంధమైన సంగతి ఏంజలీనాకు తెలుసు
    సమాధానం: జోలి. అంటే కథ, సంగతి అని రెండర్థాలూ ఉన్నాయి