Expand to right
Expand to left

మళ్ళీ ఇన్నాళ్ళకి

సౌందర్య కీర్తనా, ప్రేమ ప్రకటనా
మోయలేక విఫలమైన అక్షరం
ఏ కాలపు, ఏ దేహపు మడతల్లోనో ముడుచుకుని -
ప్రియా, మళ్ళీ ఇన్నాళ్ళకి ఇంకో ప్రేమ కవిత

ఉవ్వెత్తున లేచిన వెచ్చటి నెత్తుటి ఉప్పెన
మోహాల దేహాలకు నేర్పిన అయస్కాంత భాషకు
చేజిక్కీ చిక్కదు అర్థం అవతలనే
ప్రియా, అంతా వొట్టి జ్ఞాపకం

లోలోపల ఏ దీపం ఎప్పుడు వెలిగిందో
జ్ఞాపకాల మిణుగురులు అంటుకుని
వేడిమి లేదు; అయినా
ప్రియా, ఈ వెలుతురు చాలు మనకు

రచయిత చంద్ర కన్నెగంటి గురించి: జననం గుంటూరు జిల్లా సౌపాడులో. నివాసం గ్రేప్‌వైన్‌, టెక్సస్‌లో. సాఫ్ట్‌వేర్‌ రంగంలో పనిచేస్తున్నారు. పదమూడేళ్ళుగా అమెరికాలో ఉంటున్నారు. కథలు, కవితలు వివిధ పత్రికల్లో అచ్చయ్యాయి. ...

    
   
Print Friendly

(5 అభిప్రాయాలు) మీ అభిప్రాయం తెలియచేయండి »

  1. rama bharadwaj అభిప్రాయం:

    May 2, 2010 12:55 am

    జ్ఞాపకాల మిణుగురులు అంటుకుని దీపాలు వెలగవు.ఆడంబరం ఎక్కువ తప్ప అనుభవం అందివ్వని కవిత ఇది.

    రమ.

  2. nagarajuavvari అభిప్రాయం:

    May 4, 2010 7:55 am

    అయ్యా,
    అన్నింటికిమించి గ్రంథాలయం శీర్షికన మీరు పొందుపరచిన వివిధ కవుల సాహిత్యము నన్ను ఎంతగానో ఆకర్షించింది.ఇది కండ్లకు అద్దుకోదగిన ప్రయత్నం

  3. కామేశ్వర రావు అభిప్రాయం:

    May 6, 2010 2:41 am

    మళ్ళీ ఇన్నాళ్ళకు ఇన్నేళ్ళకు ఈమాటలో మీ కవిత :-) చాలా బాగుంది. అవును, జ్ఞాపకాల మిణుగురులకి వెలుగు తప్ప వేడిమెక్కడిది!

  4. Gannavarapu Varaha Narasimha Murty అభిప్రాయం:

    May 11, 2010 10:42 pm

    చంద్ర గారి కవిత బాగుంది.

    మిణుగురు పురుగుల దివ్వెలఁ
    ప్రణయంబులు ప్రజ్వరిల్లి పరిణతి జెందున్
    తృణముల నిసుకల తిన్నెల
    మణిమయ ప్రభవమ్ము లవియె మమతలు పొంగన్.

  5. B.Narendrababu అభిప్రాయం:

    June 16, 2010 3:14 am

    మోహాల దేహాలకు నేర్పిన అయస్కాంత భాష…. చాలా బాగుంది.

మీ అభిప్రాయం తెలియచేయండి

  

   ( సహాయం తొలగించండి)

s h L ksh ~r j~n ph b bh m y r l v S sh p n dh d th t N ~m ch Ch j jh ~n T Th D Dh o O au M @H @M k kh g gh Ru ~l ~lu e E ai aa i ee u oo R a

ఈమాట పాఠకులకు సూచనలు చదివాను. వాటికి కట్టుబడి ఉంటానని హామీ ఇస్తున్నాను.