Expand to right
Expand to left

జీలకర్ర – బెల్లం

వచ్చింది
మళ్లీ వసంతం
ఇచ్చింది
మాకులకు సౌభాగ్యాన్ని
పూవులకు సౌరభాన్ని
ప్రకృతికి సౌందర్యాన్ని
తెచ్చింది
గడచిన వసంతపు జ్ఞాపకాలను

ఆనాడు నువ్వన్నావు
“మన ఈ గాంధర్వవివాహానికి
ఆకాశమే పందిరి
పక్షులే సాక్షులు
పూలరేకులే తలంబ్రాలు
నేనే బెల్లం
నువ్వే జీలకర్ర
బెల్లం జీలకర్రతో కలిసిపోతుంది
జీలకర్ర బెల్లంతో కలిసిపోతుంది”

ఈనాడు
ఆ ఆకాశం రంగు మార్చుకుంది
ఆ పక్షులు ఎగిరిపోయాయి
ఆ పూలు రాలిపోయాయి
ఆ బెల్లం కరిగిపోయింది
కను మరుగై పోయింది
మిగిలిందంతా జీలకర్ర
ఈ జీవం లేని కర్ర
ఏ వసంతం ఈ రోకలి కర్రకు
మళ్లీ చివుర్లు తొడిగిస్తుందో

    
   
Print Friendly

(2 అభిప్రాయాలు) మీ అభిప్రాయం తెలియచేయండి »

  1. baabjeelu అభిప్రాయం:

    May 13, 2010 11:45 am

    ఇదేటమ్మా ఇలా రాస్సేవూ?
    నువ్వు రోకలి వి కాదు తల్లీ. రోకళ్ళకి చివుర్లు తొడిగించీదానివి తల్లీ.
    కళ్ళ్ళు తుడిచీసుకుని పాపిష్టి పీడకలని మర్చిపో.
    ఇలా ఇంకెప్పుడూ రాయకు.

    బాబ్జీలు

  2. B.Narendrababu అభిప్రాయం:

    June 16, 2010 3:30 am

    అద్భుతం. అవును నిజం. ఇన్ని రోజులు ఈ కవిత ఎందుకు చదవలేకపోయానా అనిపించింది.

మీ అభిప్రాయం తెలియచేయండి

  

   ( సహాయం తొలగించండి)

s h L ksh ~r j~n ph b bh m y r l v S sh p n dh d th t N ~m ch Ch j jh ~n T Th D Dh o O au M @H @M k kh g gh Ru ~l ~lu e E ai aa i ee u oo R a

ఈమాట పాఠకులకు సూచనలు చదివాను. వాటికి కట్టుబడి ఉంటానని హామీ ఇస్తున్నాను.