Expand to right
Expand to left

దారి కాదు

మిట్ట మధ్యానం
కొట్టు తీయించేరు
బావికొండకి తోవిలాగేనా? అంటారు.
దాహానికి ఛల్హటివి నీళ్ళు తెమ్మంతారు!
నిద్దర చెడగొట్టీసేరు,
ఇక్కడెవులున్నారు?
నీళ్ళేవు నిప్పుల్లేవు ఎల్లండెల్లండి!
ఎర్రటెండల్లంట
మీకెవుల్రమ్మన్నారు?

గండిగుండం కాసెల్లి
ఎనక్కొచ్చీసేరు.
ఈ అగ్గికత్తెర్లంట
ఏటెతుకుతున్నారు?
అవతలేటున్నాది,
అటూరూ లేదు కాడూ లేదు.
ఆ దిబ్బూసు మీకేల? ఆ దుక్కెల్లకండి!
రాళ్ళు బండల మీద
రాతలేటి చదివెస్తారు?!

గట్లు తవ్వెస్తారు
లెక్క రాసెస్తారు –
కరణాలు మునసబులు నర మానవుల్లేరు!
గుడి కూలిపోయింది
అందలెవులున్నారు?!
చెప్తుంటె మీక్కాదు? పల్లకుండండీ!
బావి కొండకి
తోవ లేదు!

    
   
Print Friendly

(2 అభిప్రాయాలు) మీ అభిప్రాయం తెలియచేయండి »

  1. gana అభిప్రాయం:

    May 1, 2010 1:40 pm

    అవును. బావి కొండకే కాదు, భావి కొండకు కూడా దారి మూసుకుపొతోంది.
    వనరుల్ని కొల్పోతూ ఉన్నంతకాలం, వేసవి వెక్కిరిస్తూనే ఉంటుంది.

  2. సుబ్రహ్మణ్యం మూలా అభిప్రాయం:

    May 3, 2010 2:52 am

    చాలా బావుంది. మీ “భ్రంశధార” కవితకి దగ్గరగా ఉంది.

    కవితలో ఒక మాండలికాన్ని వాడేటప్పుడు అన్ని వాడుకలూ అదే మాండలికంలో ఉంటే బావుంటుందేమో

    గుడి కూలిపోయింది — గుడు కూలిపోనాది
    తోవ లేదు — తోవ నేదు

మీ అభిప్రాయం తెలియచేయండి

  

   ( సహాయం తొలగించండి)

s h L ksh ~r j~n ph b bh m y r l v S sh p n dh d th t N ~m ch Ch j jh ~n T Th D Dh o O au M @H @M k kh g gh Ru ~l ~lu e E ai aa i ee u oo R a

ఈమాట పాఠకులకు సూచనలు చదివాను. వాటికి కట్టుబడి ఉంటానని హామీ ఇస్తున్నాను.