Expand to right
Expand to left

ఇంకా ఎందుకు మిగిలావు

కన్నులనొదిలే కన్నీళ్లవ్వక
కంట్లో కరగని నలుసువిగా
వేకువనొదిలే చీకటివవ్వక
మెలకువలోనూ ఒక కలగా
తీరం వొదిలే కెరటం అవ్వక
దాహం తీర్చని సంద్రానివిగా
చిరుజల్లొదిలే మేఘం అవ్వక
నీటికి ఆరని అగ్నిజ్వాలగా
తాపాన్నొదిలే తుషారమవ్వక
శిశిరం వీడని మండేఎండగా
ఇంకా ఎందుకు మిగిలావు.. ?

కలల సౌధాన్ని కూల్చేసి
ఓ శిధిలమైనా కానివ్వక
గత స్మృతులను చెరిపేసి
ఓ జ్ఞాపకమైనా కానివ్వక
నీలో నన్ను తరిమేసి
నన్ను నాలో మిగలనివ్వక
ఇంకా ఎందుకు మిగిలావు… ?

    
   
Print Friendly

(6 అభిప్రాయాలు) మీ అభిప్రాయం తెలియచేయండి »

  1. Madhu అభిప్రాయం:

    May 8, 2010 12:07 am

    విశ్వ సాహితి గారూ…. చాలా బాగుంది మీ కవిత

  2. మోహన రావు అభిప్రాయం:

    May 8, 2010 8:00 pm

    బాగుంది, చదివిన తరువాత ఏదో వెలితి, ఆవేదన, అన్వేషణ ప్రారంభమయింది.
    విధేయుడు – మోహన

  3. Srinivas Varma అభిప్రాయం:

    May 26, 2010 10:49 pm

    చాలా బావుంది మాస్టారు. మరో సీతారామ శాస్త్రి గారు కనిపిస్తున్నారు, ఆ పదాలు, లోతైన భావం. Keep it up. Thank you.

  4. మందాకిని అభిప్రాయం:

    May 28, 2010 4:08 am

    బావుందండీ!

  5. gana అభిప్రాయం:

    May 28, 2010 12:33 pm

    కవితాత్మక నింద లేక నిరసన.

    ‘ఆది భిక్షువు వాడినేది కోరేదీ’ లేక
    ‘పరమేశా గంగ విడుము పార్వతి చాలున్ ‘ కన్నా
    మీ కవిత ఘాటుగానే ఉంది.

    ఏదనుకున్నా బాగా వ్రాసారు.

  6. Raghuram అభిప్రాయం:

    June 1, 2010 3:18 pm

    ఇస్మాయిల్ కవిత్వపు పుస్తకాలు ఎక్కడ దొరుకుతాయొ చెప్పగలరా దయచేసి…!!

మీ అభిప్రాయం తెలియచేయండి

  

   ( సహాయం తొలగించండి)

s h L ksh ~r j~n ph b bh m y r l v S sh p n dh d th t N ~m ch Ch j jh ~n T Th D Dh o O au M @H @M k kh g gh Ru ~l ~lu e E ai aa i ee u oo R a

ఈమాట పాఠకులకు సూచనలు చదివాను. వాటికి కట్టుబడి ఉంటానని హామీ ఇస్తున్నాను.