యాత్ర
గ్రాండ్ కాన్యన్
చర్మపు మడతల్లో
చరిత్రపాఠాలు
చెక్కుకున్న శిలలు;
లోతుల్లో ప్రవహించే నది.
మనసొక్కక్షణం
మాష్టారు ప్రవేశించిన
తరగతి గది
ధ్యాన భంగం చేయలేను
వీలింగ్, వెస్ట్ వర్జీనియా
బంగారు భవంతి.
భక్తుల అనురక్తితో
బందీ ఐన ప్రభుపాదుడు
సెలయేటి ఒడ్డున నెమలి.
వల విసిరింది పురివిప్పి
చిక్కుకొని పథికుడు
ముక్తిలేదు ఎవరికీ
జనవరి, పిట్స్బర్గ్
మూతబడిన ఉక్కుగనులు,
పగ్గాల్లో బిగించిన నది,
ఆకులు రాల్చిన చెట్లతో
అరణ్యాల అవశేషాలు.
ఏ పైడ్ పైపర్ ఋణమో
తీర్చనట్టున్నారు.
వసంతాన్ని
వెంటబెట్టుకుపోయాడు.
Sowmya అభిప్రాయం:
January 30, 2008 6:45 am
“మనసొక్కక్షణం
మాష్టారు ప్రవేశించిన
తరగతి గది
ధ్యాన భంగం చేయలేను”
- నాకు చాలా నచ్చింది ఇది.
indraprasad అభిప్రాయం:
February 7, 2008 8:53 am
జనవరి పిత్త్స్ బర్గ్ బావుంది. మంచి ఇమేజెరీ. నదిని బాగా చెప్పేరు
Pavan Kumar Garikapati అభిప్రాయం:
March 1, 2008 8:04 pm
ఈ కవితలు ఎంతొ బాగున్నాయి. క్లుప్తత కి అర్థం ఇదే. వినీల్ ఉక్కు పిడికిళ్ళతో వదులుతున్నాడు కవితలని. కొత్త కొత్త పద బంధాలు చాలా అందంగా ఇమిడాయి.
పవన్ కుమార్ గరికపాటి
ప్రసాదు అభిప్రాయం:
March 5, 2008 11:32 am
వినీల్, కవితలు చాల బాగున్నాయి!!