Expand to right
Expand to left

స్నేహాంజలి

పరుగెత్తే ప్రవాహం లాంటి కాలంతో నువ్వూ పోటీ పడుతూ
అసంకల్పితంగా ఒక్కసారి వెనక్కి తిరిగి చూసినపుడు
నువ్వు మర్చిపోయిన ఓ చిన్ని జ్ఞాపకాన్ని భద్రంగా
దాచి ఉంచుకుని నీకందించడానికి నీ వెనకే నేనుంటాను!

అనితరసాధ్యమైన నీ విజయానికి లోకమంతా
నీరాజనాలన్నపుడు కాస్తంత విచ్చుకునే నీ
పెదవుల నుండి రాలిపడే పూవులోని తావి నేనౌతాను!

ఓ వర్షం కురిసిన చలిరాత్రి అమ్మ ఒడిలో
వెచ్చగా ఆదమరచి నువ్వు నిదరపోయినప్పుడు
నీ కన్రెప్పలు దాచుకునే అందమైన కలల్లో
ఓ రంగుల కల నేనౌతాను!

నిలకడ లేని కాలం నీ మనసుకి చేసే గాయాల
చెమ్మ నీ కళ్ళలో ప్రతిఫలించినప్పుడు ఆ
జారే వెచ్చటి కన్నీటి బిందువుని నేనౌతాను!

నిన్ను నువ్వు వెతుక్కునే ప్రయత్నంలో
నీలోనికి నువ్వు నడిచి వెళ్ళిపోయి దారి
మసకబారినప్పుడు ఆసరాగా చేయందించి నిన్ను
ముందుకు నడిపించడానికి నీతో నేనుంటాను!

ఓ చిక్కని వేకువన నీకు కలిగిన ఒంటరి మెలకువలో
ఉదాశీన నిశీధి గదిలో నీ హృదయం సతమతమవుతున్నప్పుడు
నీ ఒంటరితనాన్ని పంచుకొని నీ కళ్ళలో వెలుగును నింపే
సూర్యోదయంలోనికి తెరుచుకునే కిటికీ రెక్కని నేనౌతాను!

నా పేరు స్నేహం!!

    
   
Print Friendly

మీ అభిప్రాయం తెలియచేయండి

  

   ( సహాయం తొలగించండి)

s h L ksh ~r j~n ph b bh m y r l v S sh p n dh d th t N ~m ch Ch j jh ~n T Th D Dh o O au M @H @M k kh g gh Ru ~l ~lu e E ai aa i ee u oo R a

ఈమాట పాఠకులకు సూచనలు చదివాను. వాటికి కట్టుబడి ఉంటానని హామీ ఇస్తున్నాను.